2 Bheetero 1:15 - Eriiraghano Eriihë

¹⁵ Kiyo nikyo gheghughëri neghwiköngʼi kobhabhoorera ghayo, kubha eriibhagha neekubha nekuure mubhe morahiita amangʼana ghaane ghayo.

2 Bheetero 1:15 Referans Kwoze

2 Bheetero 1:12

Gho ghayo, nekwëndërëra kobhahiiti amangʼana ghayo kimu, nangabha mumariri ghoghamënya na muköngʼiiri mo‑bhuhëënë bhuno mweghiri.

Abheebhuraaniya 11:4

Obhokumi ꞉mbuuköriri Abheeri akareruuseri Eryobha amaruusi amachömu ghokera ghano Kaayini ꞉aruusiri. Kwo bhokumi bhuyo Eryobha ꞉ndeemubhariire Abheeri kubha omuhëënë gho ghosongʼaana amaruusi ghaache. Nangabha Abheeri akuure, amare obhokumi bhooche mbokwëndërëra kubha eghetuubhaani ghichömu ghokwito koru reero.

2 Timotewo 2:2

Nooghwire ameeghi ghano ꞉nyeeghiri ambërë e bhiibhateri bhaaru. Ibheere iye obhahë abhaato abhahëënë, bhano bhaghotora kweghi abhande.

Ruuka 9:31

꞉Mbaarweriire mo‑bhokumi obhokoro bharasiikëra na Yesu ighoro e kohikeerani amënda gha Ryobha kwo roko rooche iyo Yerusareemu.

Ruuka 12:58

Hano uno aghoghusëma aghokohira mwibharacha, wiiköngʼi koghwana nawe eriibhagha mokeere mo‑nchëra. Aribha taanyi hangʼu, naghokohiki ambërë e moteni o kiina. Omoteni uyo o kiina, naghokohira mo‑bhaashirikare, ibho mbaghoghusöhi mwighërëcha.

2 Abhatesaronike 2:5

Nyeeche motaakohiita kubha hano neere haghirohamu na niinyu, neere nerabhabhoorera ghayo ghoose.