2 Abhatesaronike 3:4 - Eriiraghano Eriihë

⁴ Nawe Omutëmi natoheere amiitëngʼërö makoro ighoro yaanyu, kubha moghuköra na mokwëndërëra ghoghaköra ghano tokobharaghereri.

2 Abhatesaronike 3:4 Referans Kwoze

1 Abhatesaronike 4:10

Mahëënë mubheere morabhakörëra hangʼu bhaghëndi bhaanyu bhoose bha mo‑mukööwa o Maketoniya. Ibheere bhahiiri bhiito ntokobhasabha mosiighane hangʼu hangʼu na ghokera hayo.

Abhabhiribhi 1:6

Neenyi no obhuhëënë kubha Eryobha rino ꞉riisëëmiri emeremo mimangi mo‑metema gheenyu, ndekwëndërëra ghoghiköra mbagha reghehikeerani mo‑rosiko ruure Kirisito Yesu aghugharuka.

Bhiremooni 1:21

Nekwandëka ghano, gho kubha nyeeche kubha noghoghiishereri, wiiki noghuköra ghokera ghano nisabhiri.

Abhabhiribhi 2:12

Mbe, abhasiighani bhaane, hano neere bhowaanyu, moore moraresooka Eryobha chaasiko choose. Hangʼu hangʼu, koru ibheere hano neenyi kurë na niinyu mwiköngʼi ghuköra ghano gharëngʼaaniire mo‑bhaato bhano bhatooriibhu ne Eryobha. Mukörë ghayo gho ghosingisa kuno ghokorwera gho koretiina Eryobha.

2 Abhakorinto 2:3

Kiyo nikyo ꞉ghiighëriri nekaandëka mo‑nyaarubha yiire kubha nteekuucha bhowaanyu, motaacha ghunkörëra amacheeche, inyu niinyu mokwëndëru ghunköra eni nichömëru. Neenyi no obhuhëënë kubha eni nerachömëru, na niinyu bhoose moghuchömëru.

2 Abhatesaronike 3:12

Abhaato bhayo tokabharaghereri na kobhashaangʼi kwo bhukangati bho Mutëmi Yesu Kirisito kubha, bhabhe bharaköra emeremo gho sooko, na kwibhönëra ebhiinyakurë bheebho abheene.

2 Abhatesaronike 3:6

Abhahiiri bhiito, ntokobharaghereri kwo bhukangati bho Mutëmi Yesu Kirisito kubha, mobhiisache abhaghëndi bhaanyu bhano bhaanyi abhatöbhu bhano bhataaghutambana ameeghi ghano tobhaheere.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Abhagharatiya 5:10

Nyeeche kubha inyu mughöötiine no Omutëmi Yesu, gho ghayo, neghwitëngʼëra kubha, motaaghwishereri kongʼiinu. Amare omooto wowoose uno akobhangʼiina, koru nangabha we, nakuröönu.

2 Abhakorinto 8:22

Ntomotomiri omohiiri wiito owonde abhe haghirohamu na bha Tiito. Omohiiri uyo ntomorooche mara kaaru gho chanchëra haghare haghare kubha naanyi na amiigha gha ghuköra emeremo, ni ibheere naanyi na amiigha makoro ghokera ekimbërë, gho kubha naanyi ne eriitëngʼërö ikoro chwee ghokoonyu.

2 Abhakorinto 2:9

Ekebhune ekende kino ꞉ghiighëriri nekaandëka anyaarubha yiire n‑kubha, neere nërëënda korighi aribha mongansookiri mo‑mangʼana ghoose.

1 Abhakorinto 14:37

Aribha omooto akwirighi kubha naanyi ne ekihaano ghe koruusi obhurööti, hamu kubha naanyi ne ekihaano ekende ghe Körö Ahörëëru, amënyë kubha, ghano ˆnekabhaandëkëra, n‑amaraghereri koru kwo Mutëmi.

1 Abhakorinto 7:19

Ghusaaru hamu ghotigha ghusaaru ghotaanyi no obhwëra. Egheghiro kino keenyi no obhwëra n‑ghughööta emeghiro ghe Ryobha.

Abharuumi 15:18

Eni nteeghosiikëra angʼana yoyoose ayende, amare ghaare Kirisito aköriri kohetera ghokoone. ꞉Naaköriri abhaato bha matöngö bharesooke Eryobha, kohetera amangʼana ghano neere nerasiikëra ne emeremo ghino neere neraköra.

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.