2 Abhatesaronike 2:8 - Eriiraghano Eriihë

⁸ Hayo niho Omwigharurani uyo akorighibhu, amare Omutëmi Yesu hano akuucha, nakomwita no omwika koru mo‑monu waache. Wiiki nakomosireekereri kwo murëngaari o kuucha kooche.

2 Abhatesaronike 2:8 Referans Kwoze

2 Abhatesaronike 2:3

Motiishereri omooto wowoose kobhangʼiina kwo ryoryose riire, gho kubha orosiko ruyo rotaakohika singa, mbagha chaasiko chiire abhaato bhaaru bhaakubha bharigharuriini Eryobha, wiiki eriibhagha riyo Omwigharurani wuure nakorighibhu. Uyo niwe eriibhagha re ntenero Omutëmi nakomosireekereri kimu.

Obhohunyurëru 20:10

Mbe, Erishambu, rino rebhangʼiiniri, ndekurëkëru mo‑nyancha e mororo muhaari chwee. Hayo niho ahaghiro hano bharëkiire oghotyenyi ghuure no omurööti wuure o bhuröngö. Ibho mbakunyaakibhu iyo obhotiko no omwishe, emiishe ne emiishe.

Obhohunyurëru 19:15

Ekinyamiino ekyeghi nkehaaru mo‑monu waache kubha, ahiche abhaato bha matöngö. Naghoghakangata no obhotoro bhokoro. Iwe niwe ahaatacha chasabhiibhu mo‑gheghiro ghe ghochemitera, kino ghekwërëki obhororo bho Ryobha re Bhotoro Bhoose.

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

Obhohunyurëru 2:16

Mbe, motuukuune! Moraanga ghotuukuuna, nekuucha kwo bhwango kubha niröönë na abhaato bhayo gho kinyamiino kino gheekoru mo‑monu waane.

1 Yohana 5:18

Ntweche kubha omoona wowoose o Ryobha, taakwëndërëra ghuköra amasari, gho kubha Omoona o Ryobha nakomochonga, Erishambu retaaghotora komoturi.

Abheebhuraaniya 10:27

Mbe, ntusaaghiri toraghanya kwo bhotiini ghoteneru ekiina ke Ryobha kwo mororo muhaari uno okobhasireekereri abhaato bhoose bhano bhakoryanga Eryobha.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

2 Timotewo 1:10

Amare ibheere, ndyërëkiri aghareeya yaache ghokwito, gho kuucha gho Kirisito Yesu Omotoori wiito. Iwe nakindiri changuru che roko, na nëërëkiri obhuhöru bho miishe ghyose gho nchëra e Ngʼana Anchömu.

Obhohunyurëru 1:16

Naare na chanchöta mohungate mo‑kubhökö gho kwiro. Ekinyamiino ekyeghi, nkeere keraru mo‑monu waache. Obhosho bhooche mboore bhorarëngaari kinya omu omororo.

1 Yohana 3:12

Totabha kinya Kaayini, iwe n‑omoona o Rishambu are, akamwita omonyi waache. Ngwake amwitiri? Namwitiri gho kubha amaköri gha Kaayini ngaare mabhe, amare gha monyi waache ngaare gha bhuhëënë.

1 Yohana 2:13

Nabhaandëkiire bhataata, gho kubha momweche Yesu Kirisito, uno are‑ho korwera simoka. ˆNekabhaandëkëra abhabhureni, gho kubha morekindiri Erishambu. Nabhaandëkiire inyu abhaana, gho kubha momweche Taata Waryobha.

2 Timotewo 4:1

ˆNeghakuraghereri ghano ambërë e Ryobha na ambërë e Kirisito Yesu, uno aghotenera ekiina abhaato abhahöru na bhano bhakuure. Kirisito Yesu niwe akuucha ghukangata ase ino anyi Omutëmi.

1 Timotewo 6:14

ughöötërërë amëërëkërëri ghayo gho ghoghasooka no otaghataasi, mbagha hano akuucha Omutëmi wiito Yesu Kirisito.

Mataayo 13:38

Omoghondo wuure notuubhiine na ase, chambusuro inchömu chiire nchetuubhiine na abhaato bha bhutëmi bho Ryobha. Amare eghetoki kiire ngetuubhiine na abhaato bha mobhisa wuure.

Mataayo 13:19

Omooto wowoose uno akooghu angʼana e bhutëmi bho Ryobha amare atayimënya, Erishambu ndekuucha na koyisara angʼana ino Eryobha ryemiri mo‑motema waache. Omooto uyo natuubhiine na chambusuro chino ꞉cheeghweriire mo‑nchëra.

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

1 Abhakorinto 1:28

Wiiki Eryobha ndyahwire amangʼana ghano abhaato bhano bhakorighi kubha ghataanyi na asooko, na gha ghutaraahu, na ghano ghatanchakiine, kubha asari amangʼana ghano abhaato bhano bhakorighi kubha nganchakiine.

Obhohunyurëru 13:5

Mbe, oghotyenyi ghuyo ghokahaabhu obhotoro bho ghosiikëra amangʼana gha kwihacha na gha ghotoka Eryobha. Wiiki ghokahaabhu obhotoro bho ghukangata emyëri miröngö ene ne ebhere.