2 Abhatesaronike 2:3 - Eriiraghano Eriihë

³ Motiishereri omooto wowoose kobhangʼiina kwo ryoryose riire, gho kubha orosiko ruyo rotaakohika singa, mbagha chaasiko chiire abhaato bhaaru bhaakubha bharigharuriini Eryobha, wiiki eriibhagha riyo Omwigharurani wuure nakorighibhu. Uyo niwe eriibhagha re ntenero Omutëmi nakomosireekereri kimu.

2 Abhatesaronike 2:3 Referans Kwoze

1 Yohana 2:18

Abhaana bhaane abhasiighani, eriibhagha re ntenero ndehikiri! Mooghwire kubha omobhisa o Kirisito nakuucha, na koru ibheere abhabhisa bhaaru bha Kirisito mbamariri kuucha. Kiyo nikyo gheghughëri toramënya kubha, ntoonyi mo‑riibhagha re ntenero.

Abhaebheeso 5:6

Amangʼana ghanga ghayo, nigho ghaghughëri Eryobha rebharöönë abhaato bhano bhataakoresooka. Motiishereri omooto wowoose abhangʼiine kwo mangʼana ghano ghataanyi gha mahëënë kubha momutambane.

Yohana 17:12

Eriibhagha nibheere haghirohamu nabho nebhachongiri kwo bhotoro bho riina reecho rino oheere. Nebhachongiri bhoheene kubha netamorumeeri koru umu mo‑bhaare, nanyinga wuure omorumeeri, kubha ghahikeerane ghano ghaandëkuru mo‑Mandëkö Amatööbhiyu.

Obhohunyurëru 17:8

Oghotyenyi ghuno orooche, ekimbërë ngoore ghuhöru amare ibheere ngokuure. Ibheere haghuhe ghoonyi koru mwirooma re mashambu, amare Eryobha ndeghoghosireekereri. Abhaato bhoose bha se bhano amariina ghaabho ghataandëkuru mo‑Ghitabhu ke Bhuhöru korwera ghutëëmu gho se, mbakoroghoora korighi oghotyenyi ghuyo gho kubha ngoore‑ho, ghokamara ghoghaku, amare ghoghagharuka wiiki.”

Obhohunyurëru 17:11

Oghotyenyi ghuno ghoore ghuhöru ghokamara ghoghaku, n‑omutëmi o kanaane. Omutëmi o kanaane uyo n‑umu o bhatëmi bhaare mohungate, koru woose Eryobha ndekomosireekereri.

1 Abhakorinto 6:9

Moteeche kubha abhaato abhabhe bhataakobhughabha obhutëmi bho Ryobha? Motingʼiina! Abhataari, abhaato bhano bhaghusëngëra chasanaamu, koru abhasubhe bhano bhakomisi na abhasubhe bhaghëndi bhaabho,

1 Yohana 4:3

Amare uno ataakomokumi Yesu, taaghukangatu na Akörö e Ryobha. Omooto uyo naghukangatu na akörö e mobhisa o Kirisito. Na niinyu, mooghwire kubha akörö iyo nekuucha, ni ibheere nimariri kuucha mo‑se ino.