2 Abhatesaronike 1:7 - Eriiraghano Eriihë

⁷ na ndekobhaweeri inyu bhano mokunyaakibhu, haghirohamu na niitu. Ndeghuköra ghayo hano Omutëmi Yesu akuucha koru Mwishaaro ne emirëngaari ghe mororo, haghirohamu na bhamarayika bhaache bhano bhaanyi na changuru.

2 Abhatesaronike 1:7 Referans Kwoze

Obhohunyurëru 14:13

Nekooghu eriiraka koru Mwishaaro, rerabhugha, “Andëka hangʼu, korwera ibheere, ngʼoni abhaato bhoose bhano bhakuure ino bharamokumi Omutëmi Yesu.” Ekamara Akörö e Ryobha ekabhugha, “Hee, m‑mahëënë! Bhatore koweera kurëngʼaana ne emeremo gheebho emiköngʼu, gho kubha mbakubhöna atuho kwo maköri ghaabho amachömu.”

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Obhohunyurëru 22:16

“Eni Yesu, n‑o riitina re mutëmi Tawuti no orwibhoro rooche, wiiki nekurëngaari kinya anchöta e tabhoori. Eni neeni netomiri marayika waane ache abhabhoorere inyu abhaghëndi bhaane amangʼana ghano, gho ghiri e makanisa.”

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

2 Abhakorinto 4:17

Neghosiikëra hangʼu, gho kubha anyaako yiito n‑ihoho na n‑e riibhagha ighuhe hangʼu. Wiiki, neghotusëëmëra obhokumi obhokoro bho miishe ghyose. Obhokumi obhokoro bhuyo m‑bhokoro chwee, mboghotuköra korighi anyaako ino, n‑egheghiro ghesuuhu hangʼu.

Obhohunyurëru 21:4

Ndeghutareki changishori cheebho choose. Eriibhagha riyo, abhaato bhataaghoku koru kwihiinyërëra. Hataakubha ne eriirera koru kubhabhara, gho kubha amangʼana gha kare ngaakubha ghahetiri.”

Abharuumi 8:17

Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

Ruuka 17:30

“Hangʼu hangʼu ekubha orosiko runo eni Omoona o Mooto nekuucha.

Mataayo 25:31

Yesu akëëndërëra kobhabhoorera abhaanabheegha bhaache akabhugha, “Hano eni uno neenyi Omoona o Mooto nekuucha mo‑bhokumi bhoone obhokoro haghirohamu na bhamarayika bhoose, niho neghwikara mo‑ghetumbe keene ke bhutëmi.

Obhohunyurëru 22:9

Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhaghutambana amangʼana gha ghitabhu kino. Mbe, orisëngërë Eryobha eryene chiri!”

Obhohunyurëru 22:6

Akamara marayika uyo akamboorera akabhugha, “Amangʼana ghano n‑gha mahëënë na gha bhuhëënë. Omutëmi Waryobha uno akobhaha abharööti Akörö yaache, iwe ꞉naatomiri marayika waache kwërëki abhatamishi bhaache amangʼana ghano ghakwëndëru gharwere ghano matiko.”

Obhohunyurëru 20:11

Nekamara, nekarighi Eryobha riikeere mo‑ghetumbe kyero eghekoro ghe ghitëmi. Erishaaro na ase bhekangʼösa ambërë yaache na bhetaaroochiibhu wiiki.

Obhohunyurëru 1:7

Mumööhi! Nakuucha mo‑mashaaro! Abhaato bhoose mbakomorighi, koru abhaato bhaare ꞉bhaamongʼuutiri eriitimo. Amatöngö ghoose mo‑se ngakwihiinyërëra gho ghiri yaache. Hëënë, neekubha hangʼu. Hawubhaabha.

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

Abheebhuraaniya 4:11

Gho ghayo, ntwiköngʼi ghusöha ahaghiro hayo ha koweera. Tubhe toraköra hangʼu kubha ataacha kubha‑ho omooto wowoose uno aghokindu ghusöha gho ghiri e kwanga ghokumi kinya bhuno bhasookoro bhiito ꞉bhaaköriri.

Abheebhuraaniya 4:9

Gho ghayo, rokeere roonyi‑ho orosiko ro koweera kwo bhaato bha Ryobha.

Abheebhuraaniya 4:1

Mbe, eriiraghano re Ryobha re bhaato ghusöha ahaghiro ha koweera rekeere reenyi‑ho. Gho ghayo twichonge, kubha umu ghate yaanyu ataacha ghokindu ghusöha ahaghiro hayo.

2 Timotewo 2:12

Aribha toghoghumereri, ntoghutëmi haghirohamu nawe. Aribha toramwanga, woose naghotwanga.

Abhakorosaayi 1:16

Gho kubha gho kohetera ghokooche, ebheghiro bhyose ꞉mbiitëëmuru, bhino bheenyi mwishaaro, na bhino bheenyi mo‑se, bhino bhekorighibhu, na bhino bhetaakorighibhu, erabha bhano bhaanyi n‑obhotoro, hamu abhatëmi, na abhakoro, hamu bha changuru. Bhyose ꞉mbiitëëmuru gho kohetera iwe, na gho ghiri yaache.

Abhaebheeso 1:2

Nëköbhëëndëra aghareeya no omurëmbë koru kwo Waryobha Taata wiito na kwo Mutëmi wiito Yesu Kirisito, ghibhe haghirohamu na niinyu.

Amaköri gha Bhatomu 1:11

Bhakabhabhoorera bhakabhugha, “Inyu abhaato bha Ghariraaya, ngwake mwimeeriire hano ino mugharameriiri Mwishaaro? Yesu uno aghëghuru koru ghokoonyu ghuye Mwishaaro, nakuucha wiiki, kinya bhuno momorooche araghe.”

Yohana 1:51

Mahëënë ˆnekabhabhoorera, mokuucha korighi Mwishaaro hiighokiri, na mokobharighi bhamarayika bha Ryobha bharatiira na ghwika ighoro yaane eni uno neenyi Omoona o Mooto.”

Yohana 1:3

Eryobha ꞉ndiitëëmiri ebheghiro bhyose gho kohetera ghokooche, ghetaanyi‑ho koru egheghiro kimu kino ꞉ghiitëëmuru iwe ataanyi‑mu.

Ruuka 16:25

“Amare, Abhurahamu akamugharokeri, ‘Oo omoona waane, ohiite kubha ꞉noobhwine amangʼana amachömu mo‑riimanya reecho, hano ore mo‑se. Rasaaro nawe, ꞉naabhwine amabhe. Amare ibheere, iwe nakuhönibhu hano, na niiye nokunyaaka.

Maariko 14:62

Yesu aghagharokeri akabhugha, “Eni niwe. Wiiki mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Maariko 8:38

Eriibhagha Omoona o Mooto neghwika na bhamarayika abhatööbhiyu mo‑bhokumi obhokoro bho Taata waane, nekomorigheri chaasoni omooto wowoose uno akondigheri eni chaasoni na ameeghi ghaane kwo riibhagha rino abhaato bhaghuköra amasari na bhataaghotereera Eryobha.”

Mataayo 26:64

Yesu akamugharokeri akabhugha, “Niiye ˆokabhugha. Amare ˆnekabhabhoorera kubha, korwera ibheere mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose, neraacha mo‑mashaaro gha mwishaaro.”

Mataayo 16:28

Mahëënë ˆnekabhabhoorera, mbaanyi‑ho abhamu bhiimeeriire hano, bhano bhataaghoku bhakeere kondighi eni Omoona o Mooto neraacha mo‑bhutëmi bhoone.”

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Amaköri gha Bhatomu 3:19

Ibheere, motuukuune amasari ghaanyu, na moriigharurere Eryobha, rebhaabhërë. Ghaache amabhagha gha koweera gho kubha‑ho Omutëmi,

1 Abhakorinto 3:13

ne emeremo ghe mooto woose ngekorighibhu kubha nibhu gheere. Orosiko ruure ro ghoteneru ekiina emeremo ghyose ngeghotooru haheero, gho kubha emeremo ghe mooto woose, ngekurëngu kwo mororo o ghotenera ekiina.

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

Abheebhuraaniya 10:27

Mbe, ntusaaghiri toraghanya kwo bhotiini ghoteneru ekiina ke Ryobha kwo mororo muhaari uno okobhasireekereri abhaato bhoose bhano bhakoryanga Eryobha.

Abheebhuraaniya 12:29

gho kubha Eryobha riito ndeenyi kinya omororo muhaari uno oghweki na ghosireekereri kimu.

2 Bheetero 3:7

Wiiki kwo ngʼana iyo iyo Eryobha ꞉ndeetindekiri erishaaro na ase ino, bhiiche bhyekibhu no omororo. ꞉Ndeebhetooriri gho ghiri e rosiko ruure abhaato bhano bhataakoresooka Eryobha bhaghoteneru ekiina na ghosireekereru.

Yuuta 1:7

Wiiki, mohiite ghano ꞉ghaabhabhwine abhaato bha meghya ghe Sotoma na Ghomora, na bha meghya ghe haghuhe. Bhayo ꞉mbaaköriri amangʼana ghaare ghaare kinya bhamarayika bhayo ꞉bhaaköriri. Mbaare bharaköra obhutaari na ghutambana amiigha gha mobhere kinya etaakwëndëru na kebhuno ꞉bhaatëëmuru. Ghoteneru ekiina koobho, nkoore ghosireekereru no omororo na kuyo nkubheere eghetuubhaani ghe nchagho e mororo o miishe ghyose kwo bhaato bhoose.

Obhohunyurëru 6:11

Niho bhoose bhano ꞉bhiituru, bhakahaabhu chandachana echeero. Bhakabhooreru kubha bhaghanye kwo riibhagha ighuhe, mbagha abhahiiri bhaabho, abhatamishi abhaghëndi bhaabho, bhiitu kinya ibho ꞉bhiituru, kubha omubharo waabho ohikeerane.

Obhohunyurëru 14:10

omooto uyo woose naakunyo adivaayi e bhororo bho Ryobha. Adivaayi iyo n‑indoro kinya amaro ghano ghatasangeriini na amanche. Eryobha eryene ndekomwitoorerera omooto uyo mo‑ghisënchö ke bhororo bhooche, anyo. Eryobha ryose ndekomunyaaki mo‑mororo muhaari chwee ambërë e bhamarayika abhatööbhiyu na ambërë e Moona o Ngʼöndu.