2 Abhatesaronike 1:3 - Eriiraghano Eriihë

³ Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

2 Abhatesaronike 1:3 Referans Kwoze

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

Abhabhiribhi 1:9

Mbe, nekobhasabhera kwo Ryobha kubha, obhosiighi bhoonyu bhwëndërërë kwiyëngëra chwee, wiiki mubhe na amangʼiini no obhongo,

1 Abhatesaronike 3:12

Omutëmi abhëëngërë obhosiighi na köbhëëngërëërëri ghosiighana inyu bheene na kobhasiigha abhande bhoose, kinya itu tobhasiighiri inyu.

Yohana 15:2

Eghisaghe ghyokyose moose yaane kino ghetaaghusönga amakorobhese, Taata nahaakenunga. Amare eghisaghe ghyokyose kino ghetaaghusönga amakorobhese, Taata nahaaghiköngöörëra kubha kyëngërë ghusönga.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Abhatesaronike 3:9

Ibheere ntoghotora korereha Eryobha gheghiro ke kubha toriitabheri gho ghiri e bhokumi bhoonyu? Koru gho ghuchömëru kwaru kuno toonyi nako ambërë e Ryobha gho ghiri yaanyu?

Abharuumi 1:8

Nisëëmë gho kobhugha kubha, nekoriitabheri Eryobha kohetera kwo Yesu Kirisito, gho ghiri yaanyu bhoose, gho kubha amangʼana ighoro e bhokumi bhoonyu ngamënyuru mo‑se yoose.

2 Bheetero 1:13

Nerooche kubha, n‑kumangi nibhe nerabhahiiti ighoro e amangʼana ghayo, eriibhagha ryose rino nekumanya mo‑se.

1 Abhatesaronike 3:6

Ibheere Timotewo hano ichiri koru bhowaanyu, aghatobhoorera amangʼana amachömu gha bhokumi no obhosiighi bhoonyu. Aghatobhoorera kubha ˆmoghotohiita chwee gho chaasiko choose, wiiki mubheere na amiigha gha ghotorighi, kinya bhuure itu tubheere na amiigha gha kobharighi.

Abhabhiribhi 1:7

N‑kumangi niituuri hangʼu ighoro yaanyu, gho kubha moonyi mo‑motema waane. Musangiri aghareeya e Ryobha haghirohamu na neeni, erabha nibhöhuru hamu erabha nekwibhateri na koyihëënëhi Angʼana Anchömu.

Abhaebheeso 5:20

Wiiki, eriibhagha ryose mubhe moramwitabheri Taata Waryobha, gho ghiri e bhaato bhoose, gho kohetera eriina re Mutëmi wiito Yesu Kirisito.

1 Abhakorinto 1:4

Nekoriitabheri Eryobha eriibhagha ryose gho ghiri yaanyu, gho kubha ndebhaheere aghareeya ino gho nchëra e Kirisito Yesu.

Ruuka 17:5

Niho abhatomu bhayo bhakamobhoorera Omutëmi bhakabhugha, “Otwëngërërëri obhokumi bhwito!”

Ruuka 15:32

Amare omonyi waacho uno, ntokwëndëru tomukörërë obhughëni na ghosiighasiigha haghirohamu. Niköriri hangʼu gho kubha naare abhoriri, amare ibheere ˆakabhönëka. Wiiki naare kinya akuure, ni ibheere m‑muhöru!’”

2 Abhakorinto 10:15

Wiiki totaakwihachera emeremo ghe bhaato abhande ghino totahaabhuru. Amare ntoghwitëngʼëra kubha, kinya bhuno obhokumi bhoonyu bhokwëndërëra kwiyëngëra chwee, nibhu emeremo ghiito ghateghate yaanyu gheekubha gheriyëngëra.

2 Abhatesaronike 2:1

Ibheere abhahiiri bhiito, ntokobhaandëkëra ighoro e kuucha kwo Mutëmi wiito Yesu Kirisito na bhuure toghwikomana ghokooche. Ntokobhasabha kubha,