2 Abhatesaronike 1:11 - Eriiraghano Eriihë

¹¹ Gho ghayo, ntokobhasabhera chaasiko choose. Ntoghusabha Eryobha riito rebhabhare kubha murëngʼaanere ghwikara kinya bhuure ꞉reebhabherekiire. Wiiki ntokorisabha kubha, kwo bhotoro bhooche rehikeerani amangʼana machömu ghano mokwënda ghuköra na rehikeerani emeremo gheenyu ghyose ghe bhokumi.

2 Abhatesaronike 1:11 Referans Kwoze

Abhabhiribhi 2:13

Mbe, mukörë hangʼu gho kubha Eryobha niryo reghuköra emeremo moose yaanyu, kubha mosiighe na ghuköra amangʼana ghano resiighiri ghaköru.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

2 Abhatesaronike 1:5

Mbe, ghoose ghayo ngakwërëki kubha, Eryobha ndeghotena ekiina kwo bhuhëënë. Ibheere gho ghotena ekiina kuyo inyu mokubharu kubha mokurëngʼaanera mo‑bhutëmi bhooche, nikyo inyu mokunyaakibhu.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

2 Abhatesaronike 2:14

Eryobha ndebhabherekiire inyu, kubha mubhönë obhotoori bhuyo gho nchëra e Ngʼana Anchömu ino ꞉tuuraghiini bhowaanyu. Ndebhabherekiire kubha mubhönë obhokumi obhokoro bho Mutëmi wiito Yesu Kirisito.

Abhaebheeso 1:5

꞉nëëndiri korwera kare ghototoora itu, tubhe abhaana bhaache gho nchëra e Yesu Kirisito. ꞉Ndiiköriri hangʼu, gho ghuchömëru na kwënda kooche eryene.

Abharuumi 8:30

Mbe, bhayo reere ryahwire, nibho bhano ꞉reebherekiire, na bhano ꞉reebherekiire, nibho bhano ꞉riibhariire kubha mbaanyi no obhuhëënë, na bhano ꞉riibhariire kubha mbaanyi no obhuhëënë, nibho bhano ꞉riiraghiire kubha ndekobhaha obhokumi obhokoro.

Ruuka 12:32

“Motatiina, inyu erikinda isuuhu, gho kubha Iso waanyu uno anyi Mwishaaro nasiighiri kobhaha obhutëmi bhooche.

Abhabhiribhi 1:6

Neenyi no obhuhëënë kubha Eryobha rino ꞉riisëëmiri emeremo mimangi mo‑metema gheenyu, ndekwëndërëra ghoghiköra mbagha reghehikeerani mo‑rosiko ruure Kirisito Yesu aghugharuka.

Obhohunyurëru 5:10

Iye ꞉noobhaköriri abhaato bhayo bhabhe abhachaama mo‑bhutëmi bhoocho, bharihökëri Eryobha, mbakoyikangata ase ino.”

Obhohunyurëru 3:4

Amare mbaanyi‑ho abhaghëndi bharëngʼaaneru iyo Sariti bhano bhataghonchiri amaghööti ghaabho gho ghuköra amasari. Bhayo mbaghughëndani haghirohamu na neeni ino bhabheekiri changibho echeero gho kubha mbarëngʼaaniire.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

Abhabhiribhi 3:14

Mbe, neghwiköngʼi mo‑rughëndö kubha nehike mo‑ntenero na kuhaabhu atuho yaane. Atuho iyo niyo amberekerera e Ryobha gho nchëra e Kirisito Yesu.

Abhaebheeso 1:16

nteeghotigha koriitabheri Eryobha gho ghiri yaanyu, na kobhahiita mo‑masabhi ghaane.

Abhaebheeso 1:9

Iryo ndehikeriini ghaare reere kwënda gho nchëra e Yesu Kirisito. ꞉Ndiiköriri hangʼu gho kubha, nibhu ꞉reesiighiri retumënyi amangʼana ghaache ghano reere rebhisiri.

Abharuumi 1:9

Eryobha rino nekorihökëri kwo mukörö waane woose gho kuraghaneri abhaato Angʼana Anchömu e Moona waache, ndyeche kebhuno nekobhasabhera eriibhagha ryose.

Maariko 4:28

Eriiröbhë eryene ndehaakori ambusuro na kobhyara. Ishama eruusi eriito, eramara esebhoka, antenero eruusi eghisaawa kino keenyi na chaahëkë.

1 Abhakorinto 1:8

Iryo ndekobhaköngʼi mbagha mo‑ntenero kubha motaacha kubha ni isörö, orosiko ruure Omutëmi wiito Yesu Kirisito akuucha ghotenera ekiina abhaato.

Abharuumi 11:29

Eryobha reraahura abhaato bhaache na kobhiitabheri, retaaghotora ghwigharura.

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.