2 Abhakorinto 9:8 - Eriiraghano Eriihë

⁸ Eryobha ndeghotora kobhiitabheri ghokera bhuno mokwënda, kubha eriibhagha ryose mubhe ne ebheghiro bhyose bhino mokwënda, na mubhe abhaato bha ghuköra amachömu maaru gha kobhatoori abhande.

2 Abhakorinto 9:8 Referans Kwoze

Abhaebheeso 3:20

Mbe, reghongibhu Eryobha rino reghotora ghuköra amangʼana gha koroghoori chwee ghokera ghoose ghano toghotora ghusabha hamu kwihëëbha, gho kirëngërë ghe changuru cheeche chino cheghuköra emeremo moose yiito.

Tiito 3:14

Abhakumi bhaghëndi bhiito nabho, bheeghe ghuköra amachömu, kubha bhabhatoori bhano bhaanyi na amënda gha hëënë. Bharaköra hangʼu, eriimanya reebho ndeekubha no obhwëra.

2 Abhakorinto 8:7

Inyu moonyi ne ebheghiro bhyose. Moonyi no obhokumi, na moonyi ne ekihaano ghe ghosiikëra bhoheene, no obhumënyi, na ghwiköngʼi mo‑ghoose amachömu, no obhosiighi bhoonyu ghokwito. Mbe, hangʼu hangʼu, mubhe moriiruusi mo‑meremo ghino ghe kobhatoori abhande.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

2 Abhakorinto 9:11

Ndeekubha rerabhaha obhwame mo‑ghoose, kubha mubhe abhasambaroku eriibhagha ryose. Hayo niho abhaato bhaakubha bharariitabheri Eryobha gho ghiri e bheghiro bhino tokobhahirera koru ghokoonyu.

2 Abhakorinto 8:2

Haghirohamu na kubha abhakumi bhayo mbaare abhahabhe chwee na ꞉mbaasakiibhu mo‑nyaako e manga maaru, amare mbaare no oghuchömëru kwaru kuno ꞉ghuughëriri bhabhe abhasambaroku chwee koruusi ebheghiro bheebho.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

1 Bheetero 4:10

Omooto woose nahaabhuru ekihaano keeche koru kwo Waryobha. Nekwëndëru ghokihökëri bhoheene gho ghiri e ghusakerani, kinya omwimeerereri omuhöriicho o ghareeya e Ryobha ino enyi e manga maaru.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

2 Abhakorinto 8:19

Ghokera ghayo, amakanisa ngamwahwire omohiiri wiito uyo, kubha abhe haghirohamu na niitu eriibhagha tokohira obhotoorereri mo‑bhaato. Emeremo ghiyo ghe ghareeya ngekomoghongi Omutëmi, wiiki ngekwërëki kebhuno toghwiköngʼi kobhasakeri abhande.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Amaköri gha Bhatomu 9:36

Mo‑moghya o Yoobha naare‑ho omukari umu omughëndi o Yesu, eriina reeche Tabhiita. (Na mo‑ghighambo ghe Keyunaani, eriina riyo n‑Torikaasi, egheteemoro keeche n‑asuma.) Torikaasi uyo naare arabhasakeri abhahabhe, akabha araköra amaköri amachömu.

2 Abhatesaronike 2:17

abhaghambisani emetema gheenyu na kobhaköngʼëërëri kwo mangʼana amachömu ghoose ghano moghosiikëra hamu ghuköra.

2 Timotewo 3:17

Gho ghayo, Amandëkö ghayo ngaghuköra abhaato bha Ryobha bhabhe bhiisëëmiri na ghusëëmibhu ghuköra amaköri amachömu.

2 Abhakorinto 13:3

Neghuköra hangʼu, gho kubha mokwënda ekyërëkërëri ghe kumënya kubha Kirisito naghosiikëra kohetera ghokoone. Kirisito uyo taanyi mutöbhu, amare naghuköra emeremo ghateghate yaanyu gho changuru.

Abhabhiribhi 4:11

Nteekobhugha hangʼu gho kubha neenyi na amënda, tiyaanyi. Eni nyeghiri kuhaabha na kino neenyi nakyo.

2 Timotewo 2:21

Ibheere, omooto ariiyeri gho ghotigha obhobhe bhuyo bhoose, naakubha kinya egheghiro ghe sooko kino kyahwiru. Naakubha arëngʼaaniire mo‑Mutëmi waache, naakubha isëëmiri mo‑meremo ghyose emichömu.