2 Abhakorinto 8:19 - Eriiraghano Eriihë

¹⁹ Ghokera ghayo, amakanisa ngamwahwire omohiiri wiito uyo, kubha abhe haghirohamu na niitu eriibhagha tokohira obhotoorereri mo‑bhaato. Emeremo ghiyo ghe ghareeya ngekomoghongi Omutëmi, wiiki ngekwërëki kebhuno toghwiköngʼi kobhasakeri abhande.

2 Abhakorinto 8:19 Referans Kwoze

2 Abhakorinto 4:15

Ibheere amangʼana ghoose ghano ghaghotubhöna, ngaghotubhöna gho ghiri yaanyu, kubha aghareeya e Ryobha ebhahikere abhaato bhaaru chwee, kubha abhaato bhëëngërë koriitabheri Eryobha. Kurëngʼaana na ghayo, Eryobha ndekwëndërëra ghoghongibhu.

2 Abhakorinto 9:8

Eryobha ndeghotora kobhiitabheri ghokera bhuno mokwënda, kubha eriibhagha ryose mubhe ne ebheghiro bhyose bhino mokwënda, na mubhe abhaato bha ghuköra amachömu maaru gha kobhatoori abhande.

Amaköri gha Bhatomu 15:25

Ibheere kurëngʼaana na ghayo, ntwishereriini tookaahura abhaato tobhatome iyo bhowaanyu. Abhaato bhayo mbakuucha haghirohamu na abhasiighani bhiito Bharinaabha na Bhawuro,

Amaköri gha Bhatomu 15:22

Niho abhatomu bha Yesu na abhagharuka bhayo bha riikanisa, haghirohamu na Abhakirisito abhande bha hayo Yerusareemu, bhaghiishererani haghirohamu kubha, bhaahure ghate yaabho abhaato bhano bhaaghuye haghirohamu na Bhawuro na Bharinaabha mo‑moghya o Antiyokiya. Mbe, bhakaahura abhakangati bhabhere, umu Yuuta (uno akobherekeru Bharisaabha), na owonde Siira.

Amaköri gha Bhatomu 14:23

Bhawuro na Bharinaabha bhakaahura abhagharuka bha mo‑makanisa ghoose. Bhakamara bhakabhatoora mo‑mabhökö gha Mutëmi uno ꞉bhaare bharamokumi gho kobhasabhera na kwiyima ebhiinyakurë.

Amaköri gha Bhatomu 19:22

Niho akabhiimoki abhaato bhabhere mo‑bhatoorereri bhaache, Timotewo na Eraasito, akabhatoma kubha bhakangate ghuye Maketoniya, iwe aghasaagha mo‑mukööwa o Asiya kwo riibhagha.

Amaköri gha Bhatomu 19:29

Omoghya woose o Ebheeso oghiichora anyööri. Abhaato bhayo bha Ebheeso bhakabhaghööta, Ghaayo na Arisitaariko abhiikari bha Maketoniya bhano ꞉bhaare bharaköra orughëndö haghirohamu na Bhawuro. Bhaghasöha nabho bhwango mwibhancha rino ꞉bhaare bharakörëra eriibhina.

Abharuumi 5:3

Koru nangabha anyaako yoyoose yiire eghotubhöna, itu ntokwëndërëra ghuchömëru, gho kubha ntweche kubha anyaako nehaarëëta obhoghumereri.

Abharuumi 5:11

Mbe, ghokera ghayo ghoose, Eryobha ndetuköriri tuchömëru chwee, gho kubha n‑gho kohetera Omutëmi wiito Yesu Kirisito, tokoghwana ne Eryobha.

2 Abhakorinto 8:11

Ibheere, kinya bhuno moore moriighomba ghuköra riyo eriibhagha musëëmiri, mumareereri emeremo ghiyo, mwiruusi kurëngʼaana na kinya moonyi nabhyo.

2 Abhakorinto 8:12

Aribha omooto naanyi na akörö e ghusakeri, Eryobha ndeghosongʼaana kino akoruusi, kurëngʼaana na kino anyi nakyo, taanyi kurëngʼaana na kino otaghöötë.

2 Abhakorinto 8:20

Totaakwënda tutëmu amasörö no omooto wowoose ighoro e bhwimeerereri bho kohira ebheghiro bhino abhaato bharuusiri kwo bhwaru.

2 Abhakorinto 9:2

gho kubha nyeeche omukörö waanyu o kobhatoori abhande. Wiiki, eni nekwihacha ighoro yaanyu kwo bhaato bha Maketoniya, neghosiikëra kubha, inyu abhaato bha riikanisa re mo‑mukööwa o Akaaya ꞉mwisëëmiri koruusi korwera omooka uno ohetiri. Ghwiköngʼi koonyu kuyo, ngughëriri abhaato bhaaru ghate yaabho kubha no omukörö o koruusi.