2 Abhakorinto 7:7 - Eriiraghano Eriihë

⁷ Nteekobhugha kubha ꞉ntuughambisiinu gho kuucha gho Tiito okwene, amare na kinya bhuno momughambisiini iwe omwene. ꞉Naatobhooriire kinya bhuno moonyi na amiigha gha kondighi, na kebhuno ꞉mwitumatiri na kunyaaka gho ghiri yaane. Ghayo ngaghëriri nichömëru chwee.

2 Abhakorinto 7:7 Referans Kwoze

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.

2 Abhakorinto 5:2

Mo‑mebhere ghiito ghi ibheere ntokubhabhara, ntoghwighomba chwee kuhaabhu chanyumba chaahë. Chanyumba chiyo n‑kobheeku emebhere emihë ghino gheekoru Mwishaaro.

2 Yohana 1:4

Nichömiiru chwee hano nyoghwire ighoro e bhaana bhaacho abhamu kubha mbaghöötiri obhuhëënë, kinya bhuure Taata Waryobha ꞉aturagheriiri.

Yakobho 5:17

Omurööti Eriya, naare omooto kinya itu, iwe ꞉niiköngʼiri ghusabha kubha ambura etatëëka mo‑se e Isiraeri, na ambura titëëkiri kwo meeka etato ne emyëri asaasabhe.

Abheebhuraaniya 2:1

Gho ghayo, tubhe miisho chwee gho ghano tooghwire, kubha totaacha ghoghatigha na ghughöötana na amangʼana aghande.

1 Abhatesaronike 3:8

Ibheere tokahëëchëra, gho kubha inyu mwimeeriire muköngʼiiri mo‑Mutëmi Yesu.

1 Abhatesaronike 3:6

Ibheere Timotewo hano ichiri koru bhowaanyu, aghatobhoorera amangʼana amachömu gha bhokumi no obhosiighi bhoonyu. Aghatobhoorera kubha ˆmoghotohiita chwee gho chaasiko choose, wiiki mubheere na amiigha gha ghotorighi, kinya bhuure itu tubheere na amiigha gha kobharighi.

Abhakorosaayi 2:5

Ibheere gho kubha eni nteenyi haghirohamu na niinyu kwo mobhere, amare gho körö, neenyi haghirohamu na niinyu. Eni neghuchömëru kooghu kinya mokwëndërëra mo‑bhumu bhoonyu na ghuköngʼëri obhokumi bhoonyu gho Kirisito.

Abhabhiribhi 1:20

Neghwighomba kwo miigha chwee na neghwitëngʼëra kubha, nteeghosookibhu gho nchëra yoyoose yiire. Ibheere kinya eriibhagha erende, nekwëndërëra ghwiköngʼi kwo bhosubhesubhe kubha, Kirisito aghongibhu mo‑ghoose ghano neghuköra, ibhe n‑ghusaagha neenyi muhöru, hamu ghoku.

2 Abhakorinto 8:16

Nekoriitabheri Eryobha gho kubha ndemoheere Tiito omukörö uno neenyi nawe eni o kobhasakeri inyu.

2 Abhakorinto 2:9

Ekebhune ekende kino ꞉ghiighëriri nekaandëka anyaarubha yiire n‑kubha, neere nërëënda korighi aribha mongansookiri mo‑mangʼana ghoose.

2 Abhakorinto 1:14

nangabha kwi ibheere motweche gho kirëngërë hangʼu. Mokumënya bhoheene kubha, orosiko runo Omutëmi Yesu aghugharuka, mokwihacha ighoro yiito, kinya bhuno na niitu ntokwihacha ighoro yaanyu.

Abharuumi 1:12

Kino nekwënda n‑kubha, obhokumi bhoonyu bhunköngʼi eni, no obhokumi bhoone bhobhaköngʼi inyu.

Amaköri gha Bhatomu 11:23

Hano ahikiri iyo, akarighi kebhuno aghareeya e Ryobha ebhiitabhiiri abhaato bhayo. Aghachömëru chwee, akabhatoora omukörö bhaköngʼëri komosooka Omutëmi kwo metema gheebho ghyose.

Ruuka 22:44

Eriibhagha riyo Yesu naare mo‑bhororo bhwaru chwee, bhokamuköra iköngʼi ghusabha Eryobha. Hano are arasabha Eryobha, akaru ebhigheri bhetuubhiine na amasaahë, bheekabha bheratoonya haase.]

Mataayo 26:75

Niho Bheetero akahiita amangʼana ghaare Yesu ꞉amobhooriire arabhugha, “Reero asërëëcha ekeere ghughamba, nookubha onyangiri ghatato.” Niho akahoroka anche na ghusëëma korera kwo bhororo chwee.

Mataayo 5:4

Ngʼoni bhano bhaanyi na amacheeche, gho kubha Eryobha ndekobhaghambisani.

1 Abhakorinto 5:2

Ngwake inyu mokwihacha? Ngʼoni mongitumatiri na komoruusi omooto uno aghuköra ghayo ghate yaanyu!

2 Abhakorinto 1:4

Iryo ndeghotughambisani itu mo‑nyaako yiito yoose. Gho nchëra iyo, itu ntoghotora kobhaghambisani abhande bhano bhaanyi mo‑nyaako e manga maaru, kinya bhuno toghughambisanibhu ne Eryobha.

2 Abhakorinto 7:6

Amare Eryobha rino rekobhaghambisani bhano bhaanyi na nyaako mo‑metema gheebho, ꞉reeghatughambisani hano Tiito ichiri.

2 Abhakorinto 7:8

Nangabha anyaarubha ino ꞉neebhaandëkiire nebhaheere amacheeche, nteeghwitëma amasörö. Nangabha ꞉niitëmiri amasörö masuuhu ekimbërë, anyaarubha iyo nebhaheere amacheeche kwo riibhagha ighuhe hangʼu.