2 Abhakorinto 6:5 - Eriiraghano Eriihë

⁵ Ntutëmuru, na ntubhöhuru mo‑maghërëcha, na ntuchëëruru na amakinda gha bhaato, na ntuköriri emeremo miköngʼu, na ntobhoriri chandöörö ne ebhiinyakurë.

2 Abhakorinto 6:5 Referans Kwoze

2 Abhakorinto 11:27

Niköriri emeremo emiköngʼu na kunyaaka, na mara kaaru nebhoriri chandöörö, na nitëmuru na anchëra na anyööta, mara kaaru ntebhwine ekiinyakurë, na niikeere mo‑nyighita netaanyi na changibho che mbeho.

Amaköri gha Bhatomu 17:5

Ghayo ghaghaghëri Abhayahuuti abhande bhaghaghöötu ne eriihari. Gho ghayo bhaaghaye mo‑mutëëra, kubha bhabharëëtë abhaato abhatiriighano, bhaghiikomana erikinda, bhaghasëëma ghuköra anyööri yaaru mo‑moghya uyo. Bhaghasöha gho changuru mo‑ka e Yasooni, bharabhatabhara Bhawuro na Siira, kubha bhabharëëtë ambërë e bhaato.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Abheebhuraaniya 13:23

Nekwënda mumënyë kubha omokumi mughëndi wiito Timotewo mbamotighoorikiri koru mo‑kibhöhö. Aribha araacha bhwango hano neenyi, nekuucha nawe bhowaanyu kobhataarera.

Abheebhuraaniya 13:17

Mobhasooke abhakangati bhaanyu na ghughööta amaraghereri ghaabho, gho kubha nibho bhakobhanyaakera inyu ino bhataaghutamu, na mbakwëndëru ghutöngööchi emeremo gheebho ambërë e Ryobha. Gho ghayo mobhasooke, kubha bhakörë emeremo gheebho gho ghuchömëru, gho kubha aribha moraanga kobhasooka, mbaakubha bharaköra emeremo gheebho kwo macheeche, ne emeremo ghiyo ghetaakubha gherabhatoori inyu ghyokyose.

Abheebhuraaniya 11:36

Abhamu mbaare bharabhachëëra na kobhatëma ne emicharicho. Abhande mbaare bharabhabhöha ne eminyörörö na ghotooru mo‑maghërëcha.

2 Timotewo 4:5

Amare iye, ubhe miisho mo‑mangʼana ghoose. Oghumereri anyaako, ukörë emeremo ghe kuraghani Angʼana Anchömu, ukörë bhoheene mo‑bhutamishi bhoocho bhoose.

2 Timotewo 2:9

Gho ghiri e ngʼana iyo, eni nekunyaaka na nibhöhuru ne eminyörörö kinya omuköri o mabhe. Amare angʼana e Ryobha teeghotora kubhöhu.

2 Timotewo 1:8

Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

1 Abhatesaronike 2:9

Bhahiiri bhiito, mokohiita ghwiköngʼi kwito na kunyaaka kwito, gho kubha ntoore toraköra emeremo obhotiko no omwishe. Ntoore toraköra hangʼu, kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.

Abhabhiribhi 1:13

Abhachongi bhoose bha nyumba e ghitëmi, haghirohamu na abhande bhoose bhano bhaanyi hano, mbeeche kubha nibhöhuru gho kubha nekomuhökëri Kirisito.

Abhaebheeso 3:1

Kurëngʼaana na amangʼana ghayo, eni Bhawuro nekobhasabhera. Eni nibhöhuru gho ghiri emeremo ghino Kirisito Yesu aheere nebharaghaneri inyu abhaato bha matöngö.

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

1 Abhakorinto 7:5

Motiimana, nanyinga aribha mwishereriini ghuköra hangʼu kwo riibhagha ighuhe, kubha mubhönë omweya muchömu o ghusabha kwo Waryobha. Moramara, mugharukerane wiiki, kubha Erishambu retaacha kobhasaki mukörë obhutaari gho kubha motaaghotora ghoghumereri.

1 Abhakorinto 4:11

Koru eriibhagha ri ibheere, ntoonyi na anchëra na anyööta, wiiki totaanyi na changibho che ghwisha, ntoghutëmu, wiiki totaanyi na ha ghwikara.

Amaköri gha Bhatomu 28:30

Bhawuro akamara emeeka ebhere ikeere mo‑nyumba iyo arayerehera, anyi omwene chiri. Bhoose bhano ꞉bhaare bharamutambana, akabha arabhaghënëhi muyo.

Amaköri gha Bhatomu 26:29

Mbe, Bhawuro akamugharokeri akabhugha, “Nengabha kwo mangʼana masuuhu, hande maaru, neghusabha Eryobha ighoro yaacho, n‑ighoro e bhaato bhoose bhano bhaghuntëghëërëra reero, kubha mubhe kinya eni neenyi, amare etabha mo‑minyörörö ghino.”

Amaköri gha Bhatomu 26:10

Amangʼana ghayo nigho ꞉niiköriri iyo Yerusareemu. Eni mwene neere neriisherereru na abhakoro bha bhachaama kubha, nebhaghöötë abhatööbhiyu abhamu nekabharëkëra mo‑maghërëcha. Hano abhamu ghate yaabho ꞉bhaare bharateneru ekiina ghe ghwitu, eni neere umu o bhayo ꞉bhaabhateniire ekiina abhaato bhayo.

Amaköri gha Bhatomu 24:27

Hano ghehetiri emeeka ebhere, Bhorikiyo Bheesito akiimoki omweya o Bheriki. Na gho kubha Bheriki naare arëënda ichömi kwo Bhayahuuti, eghaghëri amotighe Bhawuro mwighërëcha.

Amaköri gha Bhatomu 23:35

akamobhoorera Bhawuro akabhugha, “Amangʼana ghaacho, neghoghatëghëërëra hano abhasëmi bhaacho bhakohika hano.” Mbe, omukangati uyo akahatëka kubha Bhawuro achongu mwighërëcha rino reenyi mo‑nyumba e ghitëmi ino ꞉yaabhëkuru na Herote Omokoro.

Amaköri gha Bhatomu 23:10

Abhakoro bhayo bha Bhayahuuti bhaghashangʼaana chwee na kurööna, mbagha omontomonkoro o bhaashirikare aghatiina kubha, mbaghotora komusambura Bhawuro ebhetenekateneka. Eghaghëri abhabhoorere abhaashirikare bhaache bhayo kubha, bhaghëndë bhamoruusi‑ho Bhawuro gho changuru ghateghate e Bhayahuuti bhayo, kubha bhamusöhi mo‑ribhancha reebho.

Amaköri gha Bhatomu 20:31

Gho ghayo, mubhe amiisho! Mubhe morahiita kubha, ꞉niimariri emeeka etato, obhotiko no omwishe nerabhashaangʼi omooto woose, gho changishori.

Amaköri gha Bhatomu 14:23

Bhawuro na Bharinaabha bhakaahura abhagharuka bha mo‑makanisa ghoose. Bhakamara bhakabhatoora mo‑mabhökö gha Mutëmi uno ꞉bhaare bharamokumi gho kobhasabhera na kwiyima ebhiinyakurë.

Amaköri gha Bhatomu 14:19

Bhakamara bhakaacha Abhayahuuti abhande koru mo‑meghya ghe Antiyokiya, na Ikoniyo. Bhakaretebhitebhi erikinda riyo re bhaato bhaghaghöötana nabho bhaghasëëma komurasa Bhawuro na amabhohe. Bhakamara bhakamongʼuura mbagha anche e moghya bhariituuri kubha nakuure.

Amaköri gha Bhatomu 13:3

Hano bhamariri korisabha Eryobha na kwiyima ebhiinyakurë, bhakabhatoorera amabhökö Bharinaabha na Sawuri bhakabhiitabheri, bhakabhiisherereri bhaghëndë.

Amaköri gha Bhatomu 5:18

Gho ghayo, bhakabhaghööta abhatomu bhayo, bhakabhabhöha mwighërëcha.

Mataayo 14:10

Mbe, Herote akamotoma omooto umu, aghaye mwighërëcha na konunga omutu o Yohana.

Mataayo 14:3

Herote ꞉naasiikiire hangʼu gho kubha naare amughöötiri Yohana, akamubhöha, akamotoora mwighërëcha. ꞉Naamubhöhiri gho ghiri e kobhugha amangʼana ighoro Herotiya, uno ekimbërë are omukari o Bhiiribho, omonyi waache,

Mataayo 9:15

Yesu akabhagharokeri akabhugha, “Abhaato bhano bharaghiinu mwikwirëra, mbaghotora bhu kubha na amacheeche eriibhagha bhaanyi haghirohamu na uno aghokwira? Amare eriibhagha ndekohika rino omokwiri akoruusibhu ghate yaabho. Mbe, kwo riibhagha riyo, mbakwiyima ebhiinyakurë.