2 Abhakorinto 5:8 - Eriiraghano Eriihë

⁸ Hëënë ntoonyi ne eriitëngʼërö, wiiki ntokorighi n‑ngʼoni ntongatighiri emebhere ghino, toghi ghwikara no Omutëmi.

2 Abhakorinto 5:8 Referans Kwoze

2 Abhakorinto 5:6

Ibheere, eriibhagha ryose ntoonyi ne eriitëngʼërö, nangabha tweche kubha, eriibhagha toonyi mo‑mebhere ghino, ntoonyi kurë no Omutëmi.

1 Yohana 3:2

Abhasiighani bhaane, ibheere itu n‑abhaana bha Ryobha, amare timënyuru haheero bhuno tookubha. Koru hangʼu ntweche kubha eriibhagha rino Kirisito aghugharuka wiiki, ntoghotuubhaana nawe, gho kubha ntokomorighi kinya anyi.

Yohana 14:3

Eriibhagha neeghuye na kobhasëëmëra obhwikari, nekuucha wiiki kobhiimoki kubha ahaghiro hano neekubha, na niinyu mubhe‑ho.

2 Abhakorinto 5:9

Mbe, tubhe mo‑mebhere ghino, hamu totabha mo‑mebhere ghino, ekebhune kiito n‑komuchömëri Omutëmi.

Obhohunyurëru 22:3

Omoghya uyo tookubha ne egheghiro ghyokyose kino kiihiimuru ne Eryobha. Eghetumbe kiire ghe ghitëmi ke Ryobha no Omoona o Ngʼöndu ngeekubha‑mu. Abhatamishi bha Ryobha mbakorisëngëra.

Amaköri gha Bhatomu 21:13

Amare aghatugharokeri akabhugha, “Ghwake mokorera na kwënda koonyita omukörö? Kana eni niisheriiri kubhöhu, koru ghwitu iyo Yerusareemu gho ghiri e riina re Mutëmi Yesu.”

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Ruuka 2:29

“Oo Omutëmi omokoro, ibheere nongatighiri eni omutamishi waacho, neku kwo murëmbë, gho kubha nuköriri kinya ꞉ombooriire,

Mataayo 25:23

“Omutëmi waache akamobhoorera akabhugha, ‘Nuköriri bhoheene chwee. Iye n‑omusësë omughareeya onyi, wiiki omuhëënë! Noore omuhëënë kwo bhesuuhu bhino ꞉neekoheere, ibheere neghoghotoora kubha omwimeerereri o bheghiro bhyaru. Nuuche uchömëru haghirohamu na neeni.’

Mataayo 25:21

“Omutëmi waache akamobhoorera akabhugha, ‘Nuköriri bhoheene chwee. Iye n‑omusësë omughareeya onyi, wiiki omuhëënë! Noore omuhëënë kwo bhesuuhu bhino ꞉neekoheere, ibheere neghoghotoora kubha omwimeerereri o bheghiro bhyaru. Nuuche uchömëru haghirohamu na neeni.’

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.