2 Abhakorinto 5:19 - Eriiraghano Eriihë

¹⁹ Niko kobhugha, gho kohetera gho Kirisito, Eryobha ꞉ndiitëmëëriini abhaato na ryo, na retabhabhariire abhaato obhobhe bhoobho. Wiiki Eryobha ndetoheere emeremo ghe kobhabhoorera abhaato amangʼana gha bhoghwani bhuyo.

2 Abhakorinto 5:19 Referans Kwoze

1 Yohana 4:10

Bhuno nibho obhosiighi, taanyi kubha niitu ꞉tooresiighiri Eryobha, amare iryo niryo ꞉reetosiighiri itu. Nikyo ꞉reemotomiri Omoona waache, abhe amaruusi gha ghosinchu kubha aruusi amasari ghiito na ghotutëmëërani ne Eryobha.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abhakorosaayi 2:9

gho kubha, obhohikeerani bhoose bho Ryobha mboonyi mo‑mobhere o Kirisito.

Yohana 17:23

Eni neenyi moose yaabho, na niiye noonyi moose yaane. Neghusabha kubha bhabhe egheghiro kimu inkongʼorimu, kubha gho nchëra iyo abhaato bhoose bha se bhamënyë kubha n‑iye uno ontomiri, wiiki bhamënyë kubha nobhasiighiri kinya bhuno onsiighiri eni.

Mataayo 1:23

“Mööhi! Omuukë uno ataamara amënya omosubhe naghughëgha anda, nawe nakwibhora omoona o ghesiite! Nabho mbakomoroka eriina reeche Emanweri.” Egheteemoro keeche, “Eryobha ndeenyi haghirohamu na niitu.”

Yohana 14:20

Eriibhagha riyo, inyu mokumënya kubha eni neenyi moose e Taata, na niinyu moonyi moose yaane, na neeni neenyi moose yaanyu.

Abharuumi 11:15

Mööhi, hano Eryobha rebhaangiri Abhiisiraeri, rekoghwana na abhaato bha matöngö. Gho ghayo, hano Eryobha rekobhiishereri Abhiisiraeri, neekubha kinya n‑abhaku bharyokiri!

1 Abhakorinto 13:5

Obhosiighi mbokomuköra omooto abhe arabhasooka abhande, na atabha ariihëëbhëra amangʼana ghaache agheene, hamu ghukarara bhwango, hamu ghotoora amangʼana amabhe ghano omooto aghuköriire mo‑motema waacho.