2 Abhakorinto 4:2 - Eriiraghano Eriihë

² Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

2 Abhakorinto 4:2 Referans Kwoze

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 5:11

Ibheere, ntweche kubha nekwëndëru komosooka Omutëmi. Gho ghayo, ntoghwiköngʼi kobharuta abhaato kubha bhabhe bharamokumi. Eryobha ndetweche bhoheene kebhuno toonyi, na neeni neghwitëngʼëra kubha na niinyu motweche bhoheene mo‑metema gheenyu.

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

2 Abhakorinto 11:3

Amare ibheere neghotiina kubha, kinya bhuure Haawa angʼiinuru na anchöka yiire angʼiini, na niinyu motaacha kongʼiinu, motighe komosiigha Kirisito kwo bhughöröröku no obhwero.

Abhaebheeso 5:12

Amangʼana ghano ghaghuköru na abhaato abhabhe gho kebhisere, n‑gha chaasoni koru ghoghaghamba.

2 Abhakorinto 7:14

Eni ꞉neebhaghongiri chwee ambërë yaache, na niinyu motanköriire chaasoni. Ghoose ghano toore torabhabhoorera ngaare gha hëënë. Hangʼu hangʼu, na ghano ꞉toobhaghongiiri inyu gho Tiito, ghoose ꞉ngaarighiibhu kubha n‑gha mahëënë.

Abharuumi 1:16

Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

2 Abhakorinto 11:6

Koru nangabha nekorighibhu kubha ntyeche ghosiikëra bhoheene, obhumënyi bhoone m‑bhokoro. Ntwërëkiri riyo ghokoonyu eriibhagha ryose na ahaghiro hoose.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

Abharuumi 6:21

Amare n‑obhwëra ke mobhwine kurëngʼaana na amaköri ghaanyu amabhe, ghano ibheere ghaghughëri morighi chaasoni? Bhotaanyi‑ho obhwëra bhobhoose! Antenero e mangʼana ghayo ngakurëëta oroko ro miishe ghyose.

2 Abhakorinto 6:8

Itu ntokwiruusi gho ghiri e Ryobha, abhaato bhatoghongi hamu bhatutaraahe, bhatokumi hamu bhatughambe kobhe. Ntokorighibhu kubha m‑bharöngö toonyi, amare ntoghosiikëra gha mahëënë.