2 Abhakorinto 4:17 - Eriiraghano Eriihë

¹⁷ Neghosiikëra hangʼu, gho kubha anyaako yiito n‑ihoho na n‑e riibhagha ighuhe hangʼu. Wiiki, neghotusëëmëra obhokumi obhokoro bho miishe ghyose. Obhokumi obhokoro bhuyo m‑bhokoro chwee, mboghotuköra korighi anyaako ino, n‑egheghiro ghesuuhu hangʼu.

2 Abhakorinto 4:17 Referans Kwoze

Abharuumi 8:18

Anyaako yiito e riibhagha rino ri ibheere, eni nekorighi kubha taanyi egheghiro, nerayirëngʼaani no obhokumi obhokoro bhuno Eryobha rekuucha kwërëki ghokwito kwo riibhagha rino rekuucha.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

Yakobho 1:12

Ngʼoni omooto uno aghoghumereri ghusakibhu, gho kubha hano aghokinda ghusakibhu, Eryobha ndekomuha atuho yaache e bhuhöru bho miishe ghyose, kinya ꞉riiraghiri kobhaha bhoose bhano bharesiighiri.

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

Abharuumi 8:37

Amare nangabha ghayo ghoose ghaghotubhöna, itu ntokeere toonyi no obhokindi bhokoro, gho kubha Kirisito natosiighiri.

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

1 Abhakorinto 2:9

Amare n‑kinya bhuno yandëkuru mo‑Mandëkö Amatööbhiyu kubha, “Ghano Eryobha ꞉reebhasëëmiire bhano bharesiighiri, taanyi‑ho omooto uno are ashamiri ghogharighi koru ghoghooghu, taanyi‑ho omooto uno are ashamiri ghoghatoora mo‑motema waache.”

Yuuta 1:24

Eryobha niryo reenyi no obhotoro bho kobhachonga motaacha kobhora. Wiiki ndeenyi no obhotoro bho kobharëëta ambërë yaache mo‑bhokumi bhooche obhokoro, moonyi no oghuchömëru, motaanyi no obhobhe bhobhoose.

Abharuumi 8:34

Wiiki taanyi‑ho uno aghotora kobhatenera ekiina kubha m‑bha masari moonyi, gho kubha Kirisito Yesu, niwe akuure na koryoka koru mo‑bhaku. Wiiki niikeere eribhaara re kwiro re Ryobha, niwe aghotusabhera.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Abhabhiribhi 1:19

gho kubha nyeeche kubha mo‑ghoose ghano ghambwine, neghotooribhu, gho kubha moghunsabhera kwo Waryobha, wiiki Akörö Ahörëëru koru kwo Yesu Kirisito neghontoori.

Amaköri gha Bhatomu 20:23

Kino nyeeche n‑kubha, mo‑moghya wowoose uno neekubha nerahetera, Akörö Ahörëëru nëkönyëërëki kubha nekubhöna ebhibhöhö, wiiki neekubha neranyaakibhu chwee.

Mataayo 5:12

gho kubha hangʼu nibhu ꞉bhaare bharabhanyaaki abharööti bhano ꞉bhaare‑ho hayo ekimbërë. Muchömëru na ghuchaghana, gho kubha Eryobha ndebhatooriire atuho inkoro Mwishaaro.

1 Yohana 3:2

Abhasiighani bhaane, ibheere itu n‑abhaana bha Ryobha, amare timënyuru haheero bhuno tookubha. Koru hangʼu ntweche kubha eriibhagha rino Kirisito aghugharuka wiiki, ntoghotuubhaana nawe, gho kubha ntokomorighi kinya anyi.

2 Abhatesaronike 1:6

Eryobha ndeghuköra gha hëënë, ndekobhareha anyaako bhano bhakobhanyaaki inyu,

2 Abhatesaronike 1:4

Gho ghayo, ntoghosiikëra gho ghesubhe subhe mo‑makanisa gha Ryobha gho ghiri e bhoghumereri no obhokumi bhoonyu bhuno moonyi nabho, mo‑nyaako yoose ino ekobhabhöna.

Ruuka 6:23

“Hano ghayo ghakorwera, muchömëru na ghotuumatuuma. Mumënyë kubha, Eryobha ndebhatooriire atuho inkoro Mwishaaro. Koru na bhasookoro bhaabho, hangʼu ꞉bhaare bharakörëra abharööti bhaabho.

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.