2 Abhakorinto 4:10 - Eriiraghano Eriihë

¹⁰ Chaasiko choose emebhere ghiito ngeenyi mo‑tabhaaribhaari e roko kinya Yesu, kubha obhuhöru bho Yesu, bhorighibhu mo‑mebhere ghiito.

2 Abhakorinto 4:10 Referans Kwoze

Abharuumi 6:5

Kinya bhuno ꞉tuughöötiine na Kirisito mo‑roko rooche, hangʼu hangʼu koru itu ntoghughöötana nawe gho koryokibhu koru mo‑bhaku kinya iwe.

2 Timotewo 2:11

Angʼana ino n‑e hëënë, kubha, “Aribha tokuure haghirohamu na Kirisito, ntookubha abhahöru haghirohamu nawe.

1 Bheetero 4:13

Amare muchömëru kubha mokunyaaka kinya bhuure Kirisito ꞉anyaakiri. Muchömëru ibheere, kubha mokuucha ghuchömëru chwee, hano akuucha, no obhokumi bhooche obhokoro kwërëkibhu haheero.

Abharuumi 6:8

Ibheere gho kubha ꞉ntookuure haghirohamu na Kirisito, ntoghokumi kubha ntoghwikara haghirohamu nawe.

2 Abhakorinto 13:4

M‑mahëënë kubha Kirisito ꞉naamamburu mo‑bhutöbhu, amare ibheere m‑muhöru gho changuru che Ryobha. Hangʼu hangʼu na niitu m‑bhatöbhu toonyi kinya iwe, amare eriibhagha tokobhahökëri inyu, ntookubha abhahöru haghirohamu na iwe gho changuru che Ryobha.

2 Abhakorinto 1:5

Mbe, kebhuno tokwëndërëra kubhöna anyaako kinya bhuno Kirisito ꞉abhwine, hangʼu hangʼu Eryobha ndekwëndërëra ghotughambisani gho kohetera Kirisito.

Abharuumi 8:36

N‑kinya bhuno Amandëkö Amatööbhiyu ghakobhugha kubha, “Chaasiko choose ntokorighani no oroko, gho kubha ntoghokuhökëri iye. Ntoghukörëru kinya changʼöndu chino chekohiru ghosinchu.”

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

2 Abhakorinto 1:9

Kwo bhuhëënë ꞉ntwiyoghwire kinya ntoore toteniiru ekiina ghe ghwitu. Ghayo ꞉ngaarweriire, kubha totighe ghwitëngʼëra changuru chiito, amare toriitëngʼërë Eryobha, rino rekoryoki abhaku.

Abhagharatiya 6:17

Mbe, korwera ibheere omooto wowoose ataanyaaki wiiki, gho kubha eni neenyi na amamööha mo‑mobhere waane gho ghiri e komuhökëri Yesu.

Yohana 14:19

Rekeere eriibhagha isuuhu abhaato bha mo‑se ino bhataakondighi wiiki. Amare inyu mokondighi, gho kubha eni m‑muhöru, na niinyu mookubha abhahöru.

Obhohunyurëru 1:17

Hano nemorooche, neghagho mo‑maghoro ghaache kinya nekuure. Amare aghantoorera okubhökö kooche gho kwiro ighoro yaane, akamboorera akabhugha, “Otatiina! Eni neeni o Mumbërë no o Ntenero.

2 Abhakorinto 4:11

Itu bhano toonyi abhahöru, eriibhagha ryose ntoonyi mo‑tabhaaribhaari e roko gho ghiri e Yesu, kubha obhuhöru bhooche bhorighibhu mo‑mebhere ghiito ghino gheeghoku.

1 Bheetero 4:14

Aribha moghotoku gho ghiri e riina re Kirisito, ngʼoni inyu. Angʼana iyo nekwërëki kubha Akörö e Ryobha e bhokumi obhokoro neenyi haghirohamu na niinyu.