2 Abhakorinto 3:6 - Eriiraghano Eriihë

⁶ Iryo niryo ꞉reetoheere obhotoro bho kubha abhatamishi bha Riiraghano Eriihë rino reekoru mo‑Körö Ahörëëru. Eriiraghano riyo taanyi emeghiro ghino ghyandëkuru, gho kubha emeghiro ghino ghyandëkuru ngeghuköra abhaköri bha masari bhateneru ekiina ghe ghwitu, amare Akörö Ahörëëru nekurëëta obhuhöru.

2 Abhakorinto 3:6 Referans Kwoze

Yohana 6:63

Akörö e Ryobha niyo ekobhaha abhaato obhuhöru. Omooto taaghotora ghuköra ghyokyose gho changuru cheeche omwene. Amangʼana ghano nebhabhooriire n‑gha Akörö e Ryobha, nagho ngakoruusi obhuhöru.

Abharuumi 7:6

Ntoore tubhöhuru ne emeghiro, amare ibheere ntokuure haghirohamu na Kirisito, gho ghayo emeghiro ghiyo ghetaaghotubhöha wiiki. Ibheere totaakorihökëri Eryobha gho kohetera anchëra e kare e ghughööta emeghiro ghino ghyandëkuru, amare gho nchëra ahë e ghukangatu na Akörö Ahörëëru.

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

Abheebhuraaniya 12:24

Inyu mohikiri o Yesu, omughöötani o Riiraghano Eriihë, na kwo masaahë ghaache ghano ꞉ghiitëkiri mo‑musarabha gho ghiri e masari ghiito. Amasaahë ghayo, taanyi kinya amasaahë gha Abheeri, ghano ꞉ghëëndiri korehani asiire.

Abheebhuraaniya 7:22

Mbe, gho ghiri e kuraheri kuyo, Yesu niwe ahëënëhiri eriiraghano rino reenyi no obhwëra bhokoro ghokera riire re riibhagha re Musa.

2 Abhakorinto 3:14

Amare Abhiisiraeri bhatëëndiri kumënya. Mbagha ibheere hano bhaghusöma eriiraghano re kare, bhataaghotora kumënya obhuhëënë, bhabha kinya bhakundekiiru ne eghitambara kiyo. Eghitambara kiyo, ghetaamara keruusibhu, gho kubha ngekoruusibhu gho nchëra e komokumi Kirisito okwene.

1 Abhakorinto 15:45

Mo‑Mandëkö Amatööbhiyu yandëkuru kubha, “Omooto o mumbërë, Ataamu, natëëmuru akabha omooto omuhöru,” amare Ataamu o ntenero, n‑Kirisito, niwe Akörö ino ekobhaha abhaato obhuhöru.

Abharuumi 3:20

Amangʼana hangʼu ghaanyi, gho kubha omooto woose taaghotora kubharu kubha omuhëënë ambërë e Ryobha gho ghughööta emeghiro ghe Musa. Emeremo ghe meghiro ghiyo, n‑kobhamënyi abhaato bhoose ighoro e masari ghaabho.

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

Ruuka 22:20

Hano bhamariri kurë ekiinyakurë ke mughörööbha, Yesu akiimoki wiiki eghisënchö kiyo, akabhugha, “Adivaayi ino enyi mo‑ghisënchö kino, n‑amasaahë ghaane gha Eriiraghano Eriihë ghano ghaghwitëka gho ghiri yaanyu.]

1 Abhakorinto 11:25

Hangʼu hangʼu, hano bhamariri kurë, akiimoki eghisënchö ke divaayi, akabhugha, “Adivaayi ino enyi mo‑ghisënchö kino, n‑amasaahë ghaane gha Eriiraghano Eriihë, moyinyo. Mubhe moraköra hangʼu eriibhagha ryose, gho kohiita eni!”

Mataayo 13:52

Iwe akabhabhoorera akabhugha, “Omweghi wowooseo meghiro ghe Musa uno akubha omoonamwegha mo‑bhutëmi bho Mwishaaro, natuubhiine no omwene anyumba uno aharuusi mo‑bheghiro bheeche, ebheghiro ebhihë na bhe kare.”

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Timotewo 4:6

Orabheeghi abhahiiri bhiito bhoose amangʼana ghayo, niho okubha omutamishi omuhöriicho o Kirisito Yesu. Wiiki nookubha orarëru bhoheene mo‑bhuhëënë bho bhokumi bhwito na mo‑meeghi amachömu ghano iye oghutambana.

Abhaebheeso 3:7

Mbe, eni ꞉niiköruru kubha omutamishi o kuraghani Angʼana Anchömu, gho kihaano ghe ghareeya e Ryobha kino ꞉reeheere gho kurëngʼaana no obhotoro bhooche.

Abhagharatiya 3:21

Kana, emeghiro ghetaakoghwana na ghano Eryobha ꞉riiraghiri? Tiyaanyi! Aribha bhongabheere‑ho obhotoro bho meghiro kobhaha abhaato obhuhöru, mbe, ntongatoriri kubharu kubha abhaato abhahëënë ambërë e Ryobha gho ghughööta emeghiro.

2 Abhakorinto 3:7

Emeghiro ghino ꞉ghyaandëkuru mo‑mabhohe amachanchaare, ꞉ngiirëëtiri oroko. Amare ꞉ngiichiri mo‑bhokumi obhokoro bhuno bhokurëngaari, mbagha Abhiisiraeri bhataatoriri komumööhërëri Musa mo‑bhosho. Nangabha obhokumi obhokoro bhuyo ꞉mbuurëngaariri mo‑bhosho bhooche kwo riibhagha ighuhe hangʼu, bhokamara bhoghasira. Amahöki gha meghiro ghino ꞉ghiirëëtiri oroko ꞉ngiichiri mo‑bhokumi obhokoro kinya bhuyo,

1 Abhakorinto 12:28

Eryobha ndetooriri abhaato mo‑riikanisa, a bhambërë abhatomu, na bha kabhere na abharööti, na bha ghatato n‑abheeghi. Wiiki ndetooriri bhano bhaghuköra ebheroghooro, na bhano bhaanyi ne ekihaano ghe kuhöri abhabhabharu, na ghe kobhatoori abhande, na ghe ghukangata, na ghe ghughamba ebhighambo ebhihë.

1 Abhakorinto 3:5

Mbe, ibheere, Abhooro n‑niwe? Na neeni Bhawuro n‑niwe? Itu n‑abhatamishi bhano Eryobha retotomiri kobhatoori inyu momokumi Yesu Kirisito. Omooto woose naghuköra emeremo ghino ahaabhuru no Omutëmi.

Abharuumi 4:15

gho kubha ghusari emeghiro, ngokurëëta anchagho. Amare aribha emeghiro ghetaanyi‑ho, hayo ghotaanyi‑ho ghusari emeghiro.

Yohana 5:21

Kebhuno Taata akobharyoki abhaku na kobhaha obhuhöru bho miishe ghyose, hangʼu hangʼu Omoona nahaabhaha obhuhöru abhaato bhano asiighiri kobhaha.

Maariko 14:24

Akabhabhoorera akabhugha, “Ghano n‑amasaahë ghaane gha riiraghano, ghano ghaghwitëka gho ghiri e bhaato bhaaru.

Mataayo 26:28

Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho.

2 Abhakorinto 3:9

Amahöki ghano ghaghughëri abhaato bharateneru ekiina ngaanyi no obhokumi obhokoro, kana amahöki ghano ghaghughëri abhaato kubha no obhuhëënë ambërë e Ryobha, ghataakubha no obhokumi obhokoro bhobhe?

Abharuumi 4:17

N‑kinya bhuno Eryobha ꞉reebhooriire Abhurahamu mo‑Mandëkö Amatööbhiyu kubha, “Neghuköriri kubha ishe o matöngö maaru.” Abhurahamu ꞉nooghwire amangʼana ghayo anyi ambërë e Ryobha, akarekumi Eryobha rino rehaabhaha abhaku obhuhöru, na rino rehaahatëka ebheghiro bhibhe‑ho bhino bhetaamara bhibha‑ho.

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

1 Yohana 1:1

Ntokobhaandëkëra angʼana ighoro e uno anyi Angʼana e bhuhöru, uno are‑ho korwera simoka. Itu ꞉ntoomooghwire na komorighi kwo miisho ghiito abheene, ꞉ntoomorooche na komoturi na amabhökö ghiito.

2 Timotewo 1:11

Gho ghiri e Ngʼana Anchömu iyo, nyahwiru kubha omuraghani, no omotomu no omweghi.

Abhaebheeso 2:5

nikyo retoheere obhuhöru haghirohamu na Kirisito. ꞉Ndiiköriri hangʼu nangabha itu toore tokuure mo‑chaakörö, gho ghiri e masari ghiito. ꞉Ndeetotooriri gho ghareeya yaache.

1 Abhakorinto 3:10

Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

Abhaebheeso 2:1

Inyu moore mokuure mo‑chaakörö gho ghiri e mabhe na amasari ghaanyu.

2 Abhakorinto 3:3

Mokwërëki haheero kubha inyu niinyu anyaarubha e Kirisito, ino ekwërëki emeremo ghino tuköriri ghokoonyu. Anyaarubha iyo tyandëkuru no obhwino, amare yandëkuru na Akörö e Ryobha rino reenyi ihöru. Wiiki tyandëkuru mo‑mabhohe amachanchaare, amare ino, yandëkuru mo‑metema ghe bhaato.

2 Abhakorinto 11:23

Ibheere nesiikërë kinya nechuuriri kubha, aribha ibho n‑abhatamishi bha Kirisito, eni n‑omutamishi o Kirisito ghokera ibho. Eni ꞉niiköngʼiri ghuköra emeremo miköngʼu chwee, mara kaaru nibhöhuru mwighërëcha, mara kaaru niröönuru chwee, wiiki neere mo‑bhobhe bho ghoku.

Abheebhuraaniya 8:13

Eryobha hano rekobhugha kubha eriiraghano rino n‑ihë, ꞉ndiiköriri eriiraghano e rimbërë kubha re kare. Mbe, egheghiro ghyokyose kino kibheere ghe kare ngekunguhiri, ghetaanyi no omoremo wowoose, haghuhe keenyi koru‑ho.