2 Abhakorinto 3:12 - Eriiraghano Eriihë

¹² Ibheere, gho kubha riyo niryo eriitëngʼërö riito, ntokuhöki totaanyi no obhotiini.

2 Abhakorinto 3:12 Referans Kwoze

2 Abhakorinto 7:4

Neenyi no obhosubhesubhe chwee hano neghosiikëra na niinyu, wiiki nekwihacha chwee gho ghiri yaanyu. Mungambisiini chwee na muköriri nibhe na ghuchömëru kwaru, nangabha tokunyaaka mo‑maaru.

Abhabhiribhi 1:20

Neghwighomba kwo miigha chwee na neghwitëngʼëra kubha, nteeghosookibhu gho nchëra yoyoose yiire. Ibheere kinya eriibhagha erende, nekwëndërëra ghwiköngʼi kwo bhosubhesubhe kubha, Kirisito aghongibhu mo‑ghoose ghano neghuköra, ibhe n‑ghusaagha neenyi muhöru, hamu ghoku.

Amaköri gha Bhatomu 4:13

Abhakoro bhayo bhakaroghoora chwee korighi kubha Bheetero na Yohana mbasiikiire kwo bhosubhesubhe, wiiki mbaare bheeche kubha ibho m‑bhaato bha hangʼu hangʼu bhano bhatasömiri. Niho bhakamënya kubha Bheetero na Yohana mbaare haghirohamu na Yesu kwo riibhagha riyo.

Yohana 16:29

Mbe, abhaanabheegha bhaache bhakamobhoorera bhakabhugha, “Oo Omweghi, ibheere ˆoghasëëma ghosiikëra na niitu inkongʼorimu, koru taanyi kwo bhetuubhaani!

1 Timotewo 3:13

Bhaare bhaghuköra emeremo ghe bhushemaasi bhoheene, mbaakubha bharasooku. Hayo mbaakubha no obhosubhesubhe bhwaru bho kuraghani angʼana e bhokumi bhoobho gho Kirisito Yesu.

1 Abhatesaronike 2:2

Wiiki mweche kubha hano toore tokeere kohika bhowaanyu, ntunyaakibhuru na ghotoku mo‑moghya o Bhiribhi. Nangabha bhowaanyu ꞉haare haköngʼu chwee, Eryobha reghatuha changuru che kobharaghaneri Angʼana Anchömu ighoro e Yesu kwo bhosubhesubhe.

Abhakorosaayi 4:4

Mubhe morasabha kubha nibhe na changuru che kuraghani haheero kinya ekwëndëru ghosiikëra.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

2 Abhakorinto 4:13

Amandëkö Amatööbhiyu ngakobhugha, “꞉Neerekumiri Eryobha, nikyo ꞉ghiighëriri nesiikërë.” Na niitu ntoonyi no obhokumi bhuyo, nikyo toghosiikëra.

1 Abhakorinto 14:19

amare mo‑riikanisa nesiighiri chwee ghosiikëra kwo bhongo amangʼana ataano ghano ghakumënyu kubha nebheeghi abhande. Riyo niryo ichömu bhobhe ghokera ghosiikëra amangʼana ebheku ikomi (10,000) mo‑ghighambo ekende.

Amaköri gha Bhatomu 14:3

Bhawuro na Bharinaabha ꞉mbiikeere chaasiko chaaru hayo Ikoniyo, bhaakabha bharabhabhoorera abhaato kwo bhosubhesubhe ighoro e Mutëmi, na aghareeya yaache. Omutëmi nawe aghaghahikeerani amangʼana ghaabho kwo bhuhëënë, gho kobhaha obhotoro bho ghuköra ebhyërëkërëri ne ebhiraghe bhyaru.

Amaköri gha Bhatomu 9:29

꞉Naasiikiire na ghushangʼaana na Abhayahuuti bhano ꞉bhaasiikiire eghighambo ghe Keyunaani, ighoro e Yesu, amare ibho bhaghakiibhi komwita.

Amaköri gha Bhatomu 9:27

Niho Bharinaabha akamwimoki akamohira Sawuri kwo bhatomu bha Yesu. Akabhabhoorera kinya Sawuri amorooche Omutëmi mo‑nchëra araghe Tamaasiko, na bhuure Omutëmi ꞉asiikiire nawe. Wiiki akabhamënyi kinya Sawuri ꞉eghiri abhaato iyo Tamaasiko ighoro e Yesu kwo bhosubhesubhe.

Yohana 16:25

“Nekobhabhoorera ghoose ghayo gho nchëra e bhetuubhaani. Eriibhagha ndekuucha rino ntaaghosiikëra na niinyu gho nchëra e bhetuubhaani, amare nekobhabhoorera haheero ighoro e Taata.

Yohana 10:24

Abhayahuuti abhamu bhakamwinaareri, bhakamobhoori bhakabhugha, “Kana, noghotunyaaki mo‑metema ghiito mbagha nyingake? Aribha iye niiye Kirisito, notobhoorere haheero.”

2 Abhakorinto 3:11

Aribha kino keere ke riibhagha ighuhe hangʼu nkeere no obhokumi obhokoro, gho ghayo kino keenyi ke riibhagha ryose, ngeekubha no obhokumi obhokoro chwee.

Abhabhiribhi 1:14

Haghirohamu na ghayo, nyeeche kubha okubhöhu koone ino, nkobhaköriri abhakumi bhaghëndi bhiito bhaaru bhaköngʼi chaakörö kwo Mutëmi Yesu, koru mbakobharaghaneri abhaato angʼana e Kirisito kwo bhosubhesubhe, koru bhataanyi na ahaho.

Bhiremooni 1:8

Gho ghayo, nangabha neenyi no obhotoro koru gho Kirisito bho ghokuhatëka kino okwëndëru ghuköra, nteeghuköra hangʼu.