2 Abhakorinto 3:1 - Eriiraghano Eriihë

¹ Kana, mokwihëëbha kubha ntusëëmiri wiiki ghwikangateereri ghokoonyu? Tiyaanyi, itu totaanyi kinya abhaato abhande bhano bhakobharëëtëra chanyaarubha che ghwitonda ghokoonyu, hamu ghusabha chanyaarubha ghokoonyu che ghwitonda mo‑bhaato abhande.

2 Abhakorinto 3:1 Referans Kwoze

2 Abhakorinto 12:11

Mbe, nesiikiire kinya omuraghaanu, amare niinyu mughëriri nesiikërë hangʼu. Inyu moore mörëëndëru ghuntöghösi, gho kubha nangabha nekorighibhu kubha nteekurëngʼaanera, eni taanyi omotomu omosuuhu ghokera bhano bhakwirighi kubha, nibho abhatomu abhakoro.

2 Abhakorinto 10:12

Itu totaaghotora kwibhara hamu kwirëngʼaani na abhaato bhano bhakwihacha abheene. Ibho bhateeche ghyokyose, gho kubha mbaghwiköri ekirëngërë ghe kwirëngi abheene kwo bheene, na mbakwirëngʼaani abheene kwo bheene.

2 Abhakorinto 5:12

Totaakwënda ghwikangateereri wiiki ghokoonyu, amare ntokwënda kobhaha omweya o kwihacha gho ghiri yiito. Gho nchëra iyo, mookubha na amangʼana gha kobhagharokeri bhano bhakwihachera amangʼana ghano ghakorighibhu na abhaato, ghokera ghotereera amangʼana ghano ghaanyi mo‑metema gheebho.

Amaköri gha Bhatomu 18:27

Akamara Abhooro akëënda ghuye mo‑mukööwa o Akaaya. Abhakirisito abhaghëndi bhaache bhakamwisherereri, bhakabhaandëkëra abhaghëndi bhaabho bha iyo anyaarubha kubha bhamughënëhi bhoheene. Hano ahikiri iyo, akabhatoori chwee bhano ꞉bhaare bharamokumi Yesu gho ghareeya e Ryobha.

1 Abhakorinto 16:3

Hano nekuucha, nekobhatoma bhaare mookubha mwahwire ghate yaanyu, bhahire chanyaarubha no omusörörö uyo mo‑moghya o Yerusareemu.

2 Abhakorinto 12:19

Ghasi moghwituuri kubha eriibhagha rino ryose, ntoghwitachura ambërë yaanyu. Amare itu ntoghosiikëra ghano ambërë e Ryobha, gho kubha n‑abhatamishi bha Kirisito toonyi. Abhasiighani bhiito, ghano ghoose ntoghuköra gho ghiri e kobhatoori muköngʼëri mo‑bhokumi.

2 Abhakorinto 10:8

Hamwabhe mokorighi kubha, nekwihacha ghokera ekirëngërë ighoro e bhotoro bhuno Omutëmi atoheere. Amare koru hangʼu, nteekorighi chaasoni, gho kubha obhotoro bhuyo bhotaakobhasari, amare mbokobhaköngʼi mo‑bhokumi.

2 Abhakorinto 2:17

Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

1 Abhakorinto 10:33

Mubhe kinya bhuno eni neenyi. Neghwiköngʼi ghuchömëri abhaato bhoose kwo mangʼana ghoose ghano neghuköra. Taanyi kubha neghuköra hangʼu, kubha nibhönë obhwëra eni mwene, amare neghuköra hangʼu kubha abhaato bhaaru bhabhönë obhwëra gho kubhöna obhotoori.

1 Abhakorinto 4:15

Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

1 Abhakorinto 3:10

Gho ghareeya ino Eryobha reheere, eni nyabhëkiri obhoroso kinya omwabhëki omukaari na uno anyi na amangʼiini, no omooto owonde nakwabhëka ighoro e bhoroso bhuyo. Amare ibheere, omooto woose amööhërëri bhoheene, kebhuno akwabhëka ighoro e bhoroso bhuyo,

Abharuumi 16:1

Nekwënda nebhahë amangʼana gha mosubhaati wiito Siibhi. Iwe n‑omutamishi o riikanisa rino reenyi mo‑moghya o Kenkireya.

2 Abhakorinto 10:18

Ino nekwërëki kubha, omooto wowoose uno akwihacha omwene taaghwisherereru, amare uno aghoghongibhu no Omutëmi, uyo niwe aghwisherereru.