2 Abhakorinto 2:17 - Eriiraghano Eriihë

¹⁷ Itu totaanyi kinya abhaato abhaaru bhano bhaghukörëra angʼana e Ryobha obhosorocha kubha bhabhönë obhwëra. Amare kwo bhotoro bho Kirisito, ntokuraghani angʼana e Ryobha mo‑bhughöröröku bhoose ambërë e Ryobha, gho kubha niryo ꞉reetotomiri.

2 Abhakorinto 2:17 Referans Kwoze

2 Abhakorinto 4:2

Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

1 Abhakorinto 5:8

Ibheere, totaköra anyangi yiito e Bhaasaka gho kimëra ghe kare, nigho amabhe na amasari, amare toyikörë kwo mighaate ghino ghetaaghotooreru eghetondori, nigho omukörö mwero no obhuhëënë.

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

Amaköri gha Bhatomu 20:20

Wiiki mweche kubha nteetighiri kobhabhoorera angʼana yoyoose ino engabhasakiiri inyu. Neere nerabheeghi ghayo haheero, koru na mo‑chanyumba cheenyu.

Obhohunyurëru 19:20

Amare oghotyenyi ghuyo, haghirohamu no omurööti o bhuröngö uno aköriri ebhyërëkërëri ambërë yaache, ꞉mbiimokiibhu ke bhano bhaghööturu mwihë. Gho ghuköra ebhyërëkërëri bheeche bhiyo, omurööti uyo o bhuröngö nangʼiiniri abhaato bhano bhatoriiru ekingʼöchö no oghotyenyi ghuyo na ghusëngëra asanaamu yaache. Bhoose bhabhere ꞉mbaarëkiiru bhaanyi abhahöru mo‑nyancha e mororo muhaari chwee.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Amaköri gha Bhatomu 20:27

gho kubha ghano ghoose Eryobha reere rërëënda mumënyë, nebhabhooriire ghoose netaanyi na ahaho yoyoose.

Abheebhuraaniya 11:27

Obhokumi ꞉mbuuköriri Musa akaru mo‑se e Miisiri, ino ataaghotiina ghukarara kwo mutëmi. ꞉Naaghumeriiri gho kubha naare kinya akorerighi Eryobha rino retaakorighibhu.

2 Abhakorinto 1:18

Amare ibheere, kinya bhuno Eryobha reenyi ihëënë, ghano tobhabhoriire inyu, ghataare gha mooto kobhugha, eriibhagha erimu “Hee,” ne eriibhagha erende, “Tiyaanyi.”

2 Abhakorinto 6:7

wiiki gho nchëra e kuraghani amangʼana gha mahëënë. Ntohaaköra ghayo ghoose gho changuru che Ryobha. Obhuhëënë nibho ebhiröönërö bhiito, eribhaara re kwiro na re kumosi.

2 Abhakorinto 11:11

Nteeghosiikëra hangʼu gho kubha ntebhasiighiri, Eryobha ndyeche kubha nebhasiighiri.

2 Abhakorinto 12:19

Ghasi moghwituuri kubha eriibhagha rino ryose, ntoghwitachura ambërë yaanyu. Amare itu ntoghosiikëra ghano ambërë e Ryobha, gho kubha n‑abhatamishi bha Kirisito toonyi. Abhasiighani bhiito, ghano ghoose ntoghuköra gho ghiri e kobhatoori muköngʼëri mo‑bhokumi.

Abhagharatiya 1:6

Eni nekoroghoora chwee ighoro yaanyu! N‑eriibhagha ighuhe hangʼu rino rehetiri korwera hano Eryobha rebhabherekiire gho ghareeya e Kirisito, na ˆmokamara ˆmoghiishoorori na koretigha. Wiiki ˆmoghiishoororeri ameeghi aghande ghano abhamu bhaghoghabherekera kubha, n‑Angʼana Anchömu.

1 Abhatesaronike 2:4

Amare ntokuraghani gho kubha Eryobha ndetorooche kubha nturëngʼaaniire, reghatuha omoremo o kuraghani Angʼana Anchömu. Totaaghwitëngʼëra ghuchömëri abhaato, amare ntokwënda korichömëri Eryobha, rino rekorighi ghoose ghano ghaanyi moose e metema ghiito.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.