2 Abhakorinto 2:13 - Eriiraghano Eriihë

¹³ Amare nteere no omurëmbë mo‑körö yaane, gho kubha ntemorooche omohiiri waane Tiito. Gho ghayo nekabharagha neghatanura ghuye Maketoniya.

2 Abhakorinto 2:13 Referans Kwoze

2 Abhakorinto 12:18

꞉Neemusasaamiri Tiito nekamughöötani no omohiiri wiito owonde kubha ache bhowaanyu haghirohamu nawe. Ibheere, Tiito ꞉niimokiri ghyokyose koru ghokoonyu? Motaakorighi kubha eni na we ntoonyi egheghiro kimu mo‑moremo ghino? Wiiki motaakorighi kubha koru atëëmö yiito yoose n‑imu?

Tiito 1:4

ˆNeghakwandëkëra iye Tiito, omoona waane o muhëënë mo‑bhokumi bhuno tusangiri haghirohamu. Neghokwëndëra aghareeya no omurëmbë koru kwo Waryobha Taata na gho Kirisito Yesu Omotoori wiito, ghibhe haghirohamu na niiye.

2 Timotewo 4:10

gho kubha Tema nantighiri. Iwe nasiighiri amangʼana gha se ino, naghiire mo‑moghya o Tesaronike. Kiresike iwe naghiire korihökëri Eryobha mo‑mukööwa o Gharatiya, na Tiito woose naghiire mo‑mukööwa o Tarimatiya.

Abhagharatiya 2:3

Bhaghiishererani na neeni. Koru mughëndi waane Tiito nangabha are Omoyunaani, tahameriiru ghusaaru.

Abhagharatiya 2:1

Hano emeeka ikomi ne ene ghehetiri, neghatiira wiiki ghuye Yerusareemu. Neeghaye haghirohamu na Bharinaabha, nekamwimoki na Tiito tokahinana nawe.

2 Abhakorinto 8:23

Ibheere aribha omooto akwënda kumënya amangʼana gha Tiito, iwe m‑mughëndi waane, uno aghuköra emeremo haghirohamu na neeni gho ghiri e kobhasakeri inyu. Na aribha omooto akwënda kumënya amangʼana gha bhande bhano bhiichiri haghirohamu nawe, bhayo n‑abhahiiri bhiito, mbatomuru na amakanisa, bhoose mbakomoghongi Kirisito.

2 Abhakorinto 8:16

Nekoriitabheri Eryobha gho kubha ndemoheere Tiito omukörö uno neenyi nawe eni o kobhasakeri inyu.

2 Abhakorinto 8:6

Gho ghayo, tokamusasaama Tiito kubha ache abhatoori koru inyu kumara emeremo ghiyo ghe ghareeya, gho kubha niwe asëëmiri emeremo ghiyo ghokoonyu.

2 Abhakorinto 7:13

Mo‑riyo motughambisiini chwee. Haghirohamu na riyo, ꞉ntuuchömiiru chwee hano tomorooche Tiito kebhuno are achömiiru, gho kubha ꞉muusambaarokiri omotema waache.

Maariko 6:46

Hano amariri kuraghana nabho, aghatiira mo‑gheghoro ghusabha.

Abharuumi 15:26

Abhakumi bhano bhaanyi Maketoniya na Akaaya, mbarooche n‑ghuchömu koruusi omusörörö, bhabhatoori abhahabhe mo‑bhakumi bhano bhaanyi iyo Yerusareemu.

2 Abhakorinto 7:14

Eni ꞉neebhaghongiri chwee ambërë yaache, na niinyu motanköriire chaasoni. Ghoose ghano toore torabhabhoorera ngaare gha hëënë. Hangʼu hangʼu, na ghano ꞉toobhaghongiiri inyu gho Tiito, ghoose ꞉ngaarighiibhu kubha n‑gha mahëënë.

Amaköri gha Bhatomu 21:6

Tuuche kumara tokaraghana nabho, toghatiira mo‑bhwato, ibho bhaghagharuka mo‑chaaka cheebho.