2 Abhakorinto 13:11 - Eriiraghano Eriihë

¹¹ Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

2 Abhakorinto 13:11 Referans Kwoze

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

1 Abhakorinto 1:10

Ibheere, bhahiiri bhaane, nekobhasasaama kwo riina re Mutëmi wiito Yesu Kirisito kubha, motabha moraheteerana mo‑maghamba. Motaanga kubha no obhoghwani ghate yaanyu, amare mubhe bhamu mo‑ghano mokwënda na mo‑ghano mokwihëëbha.

Abharuumi 12:16

Mwikare haghirohamu kwo mukörö umu. Motabha moriihacha, amare mwinyööhi, mubhe no obhughöötani na abhaato bha haase. Motiirighi kubha niinyu abheene moonyi na amangʼiini.

Abharuumi 15:33

Eryobha rino rekobhaha omurëmbë, ribhe haghirohamu na niinyu bhoose. Hawubhaabha.

Abharuumi 12:18

Kwo ribhaara reenyu, mwiköngʼi ghuköra ghyokyose kino inyu moghotora, mubhe no omurëmbë na abhaato bhoose.

Maariko 9:50

Omoonyo m‑muchömu, amare orabhori obhuchömu bhooche, moghotora ghotoora egheghiro ke kubha ughöötë wiiki? Na niinyu moose yaanyu, mubhe kinya omoonyo uno ughöötiri, mubhe no obhoghwani inyu bheene kwi inyu bheene.”

1 Bheetero 3:11

Na atighe ghuköra amabhe, akörë amachömu. Nekwëndëru atabhare omurëmbë na kowutambana chwee,

2 Abhakorinto 13:9

Ntoghuchömëru hano tookubha abhatöbhu, amare inyu moonyi na changuru. Ntokorisabha Eryobha rebhatoori mubhe bhaghöröröku.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

1 Bheetero 3:8

Antenero, ˆnekabhabhoorera bhoose kubha, mughöötane, na mubhe ne eriihëëbhö rimu, na mosiighane kinya abhahiiri, na morigherani changori na mubhe bhanyööhu.

Yakobho 1:4

Mubhe no obhuhëënë kubha moghoghumereri mbagha mo‑ntenero, kubha mubhe abhahëënë mo‑metema gheenyu, motaacha ghosuuheru ne egheghiro ghyokyose.

2 Abhatesaronike 2:16

Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

Abhabhiribhi 4:9

Mwëndërërë ghuköra ghaare mweghiri na ghoghasongʼaana koru ghokoone, ghaare ꞉mooghwire nebhughiri, hamu ꞉moorooche neraghaköra. Niho Eryobha rino rekobhaha omurëmbë, rekwëndërëra kubha haghirohamu na niinyu.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abharuumi 16:20

Eryobha rino rekobhaha omurëmbë, ndeghughëri moritachera haase Erishambu ghano matiko, na kobhaha obhokindi ighoro yaache. Aghareeya e Mutëmi wiito Yesu Kirisito, ibhe haghirohamu na niinyu. [Hawubhaabha.]

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Obhohunyurëru 22:21

Nëköbhëëndëra aghareeya e Mutëmi Yesu, ibhe haghirohamu na niinyu bhoose. Hawubhaabha.

Abheebhuraaniya 13:20

Mbe, Eryobha re murëmbë ꞉ndeemoryokiri Omutëmi wiito Yesu, Omoriishi Omokoro o changʼöndu, gho ghiri ekubha ꞉niitiri amasaahë ghaache ghano ghahëënëhiri eriiraghano re miishe ghyose.

2 Timotewo 2:22

Ungʼösë amiigha gha bhobhureni, wiköngʼi ghutambana ghano Eryobha rekwënda, ubhe no obhokumi, no obhosiighi no omurëmbë. Ughöötërërë ghayo, haghirohamu na bhoose bhano bhakomusabha Omutëmi kwo mukörö mwero.

2 Abhatesaronike 3:16

Ibheere, Omutëmi Yesu omwene uno anyi omutangi o murëmbë, abhe arabhaha omurëmbë eriibhagha ryose gho chanchëra haghare haghare. Iwe abhe haghirohamu na niinyu bhoose.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

1 Abhatesaronike 5:16

Mubhe morachömëru eriibhagha ryose,

1 Abhatesaronike 5:13

Mobhasooke chwee na kobhasiigha kurëngʼaana ne emeremo gheebho. Wiiki mubhe no omurëmbë ghate yaanyu.

1 Abhatesaronike 4:18

Ibheere mubhe morighambisani kwo mangʼana ghayo.

Abhabhiribhi 4:4

Mbe, muchömëru chaasiko choose gho kubha inyu n‑abhaato bha Mutëmi Yesu moonyi! Wiiki nebhugha muchömëru!

Abhabhiribhi 4:2

ˆNekabhasasaama chwee Ewotiya na Sintike bhabhe no obhoghwani gho kubha bhoose mbakomutambana Omutëmi Yesu.

Abhabhiribhi 3:16

Ibheere egheghiro eghekoro n‑kubha, ntokwëndëru ghoghatambana ghaare Eryobha rimariri ghotwërëki.

Abhaebheeso 6:23

Nëköbhëëndëra inyu abhahiiri bhaane omurëmbë, no obhosiighi haghirohamu no obhokumi koru o‑Taata Waryobha na kwo Mutëmi wiito Yesu Kirisito.

2 Abhakorinto 1:4

Iryo ndeghotughambisani itu mo‑nyaako yiito yoose. Gho nchëra iyo, itu ntoghotora kobhaghambisani abhande bhano bhaanyi mo‑nyaako e manga maaru, kinya bhuno toghughambisanibhu ne Eryobha.

Amaköri gha Bhatomu 23:30

Hano nebhooriiru kubha nkeenyi‑ho ekiina kebhe ighoro yaache, eghaghëri nikörë bhwango nemurëëtë iyo ghokoocho. Nekabhabhoorera abhasëmi bhaache kubha iyo niho bhamusëmërë.”

Amaköri gha Bhatomu 18:21

Hano are araraghana nabho akabhabhoorera, “Neghugharuka hano, Eryobha rerasiigha.” Niho akaru hayo Ebheeso no obhwato.

Amaköri gha Bhatomu 15:29

Motarë ebhiinyakurë bhino bhiköruru kubha bheghonchu gho kuhëërana chasanaamu, na motarë amasaahë koru chaanyama che chatyenyi chino chinyëëturu, na motabha moraköra ubhutaari. Aribha mookubha moriisacha ghayo, niho mookubha muköriri bhoheene ambërë e Ryobha. Masaraamu.”

Yohana 17:23

Eni neenyi moose yaabho, na niiye noonyi moose yaane. Neghusabha kubha bhabhe egheghiro kimu inkongʼorimu, kubha gho nchëra iyo abhaato bhoose bha se bhamënyë kubha n‑iye uno ontomiri, wiiki bhamënyë kubha nobhasiighiri kinya bhuno onsiighiri eni.

Ruuka 9:61

Wiiki omooto owonde, akamobhoorera Yesu akabhugha, “Oo Omutëmi, neghoghutambana. Amare singa onyisherereri, nighëndë nebharaghe abhaato bha mo‑ka yaane.”

Maariko 10:49

Niho Yesu akiimeerera akabhugha, “Momobherekere ache hano.” Bhakamobherekera omohuku uyo, bhakamobhoorera bhakabhugha, “Witoore omukörö, imeerera! Naghokobherekera.”

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Mataayo 1:23

“Mööhi! Omuukë uno ataamara amënya omosubhe naghughëgha anda, nawe nakwibhora omoona o ghesiite! Nabho mbakomoroka eriina reeche Emanweri.” Egheteemoro keeche, “Eryobha ndeenyi haghirohamu na niitu.”

Abhaebheeso 4:3

Mwiköngʼi ghochonga obhumu bhuno bhokurëëtu na Akörö Ahörëëru gho kumanya haghirohamu kwo murëmbë.

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

Abhaebheeso 4:12

꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

1 Abhatesaronike 3:10

Obhotiko na omwishe ntokorisabha Eryobha gho ghwiköngʼi chwee, kubha totore korighani na niinyu, na ghuköra ghano mosuuhiiru ighoro e bhokumi bhoonyu.

2 Abhatesaronike 3:1

Ibheere abhahiiri bhiito, motusabhere kubha angʼana e Mutëmi Yesu yëndërërë ghusancha bhwango, wiiki abhaato bhayesongʼaane gho sooko, kinya bhuure enyi ghokoonyu.