2 Abhakorinto 12:15 - Eriiraghano Eriihë

¹⁵ Neghuchömëru koruusi ebheghiro bheene na kwiruusi eni mwene kobhatoori inyu. Amare ibheere nekorighibhu kubha, hano nekwëngëra kobhasiigha, niho inyu moghosuuhi obhosiighi bhoonyu ghokoone.

2 Abhakorinto 12:15 Referans Kwoze

1 Abhatesaronike 2:8

꞉Ntoobhasiighiri inyu chwee. Niho gho ghiri iyo, ꞉ntuuchömiiru teenyi gho kobhabhoorera Angʼana Anchömu e Ryobha okwene, amare wiiki na kwiruusi ghuköra ghoose ghano gharëngʼaaniire kobhasakeri, gho kubha mahëënë m‑bhasiighani bhiito moonyi.

Abhabhiribhi 2:17

Koru erabha obhuhöru bhoone bhoraruusibhu kinya amaruusi gha kunywebhu, haghirohamu no obhokumi bhoonyu bhuno bhoghuköru amaruusi ambërë e Ryobha, eni neghuchömëru, oghuchömëru kuyo ngoghusanga haghirohamu na niinyu bhoose.

2 Abhakorinto 1:6

Hano tokunyaaka, ntokunyaaka gho ghiri e ghughambisanibhu koonyu no obhotoori bhoonyu. Wiiki, hano itu toghughambisanibhu, niho na niinyu moghosongʼaana ghughambisanibhu. Ghughambisanibhu kuyo ngokobhatoori ghoghumereri mo‑nyaako yiire yiire ino na niitu tokunyaaka.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

2 Abhakorinto 2:3

Kiyo nikyo ꞉ghiighëriri nekaandëka mo‑nyaarubha yiire kubha nteekuucha bhowaanyu, motaacha ghunkörëra amacheeche, inyu niinyu mokwëndëru ghunköra eni nichömëru. Neenyi no obhuhëënë kubha eni nerachömëru, na niinyu bhoose moghuchömëru.

Abheebhuraaniya 13:17

Mobhasooke abhakangati bhaanyu na ghughööta amaraghereri ghaabho, gho kubha nibho bhakobhanyaakera inyu ino bhataaghutamu, na mbakwëndëru ghutöngööchi emeremo gheebho ambërë e Ryobha. Gho ghayo mobhasooke, kubha bhakörë emeremo gheebho gho ghuchömëru, gho kubha aribha moraanga kobhasooka, mbaakubha bharaköra emeremo gheebho kwo macheeche, ne emeremo ghiyo ghetaakubha gherabhatoori inyu ghyokyose.

2 Abhakorinto 12:14

Ibheere neghwisëëmi kuucha bhowaanyu mara e ghatato, amare nteekubha omorigho ghokoonyu. Ntesiighiri ebheghiro bheenyu, amare n‑inyu nekwënda. Neghosiikëra ghayo gho kubha abhaana abhasuuhu bhataakwëndëru ghotindëka ebheghiro kubha bhibhe bhe bhiibhori, amare abhiibhori mbakwëndëru ghotindëka ebheghiro kubha bhibhe bhe bhaana.

2 Abhakorinto 12:9

Amare iwe akamboorera akabhugha, “Aghareeya yaane neghoghwisha, gho kubha mo‑bhutöbhu nimu muyo changuru cheene chehaarighibhu.” Gho ghayo, neekubha neriihacha gho ghuchömëru ghokoro ighoro e bhutöbhu bhoone, kubha changuru che Kirisito chibhe haghirohamu na neeni.

2 Abhakorinto 1:14

nangabha kwi ibheere motweche gho kirëngërë hangʼu. Mokumënya bhoheene kubha, orosiko runo Omutëmi Yesu aghugharuka, mokwihacha ighoro yiito, kinya bhuno na niitu ntokwihacha ighoro yaanyu.

2 Abhakorinto 7:3

Nteeghosiikëra amangʼana ghano, kubha nebhatenere ekiina, gho kubha, kinya bhuno ꞉niimariri ghosiikëra kubha, inyu moonyi mo‑metema ghiito, koru ntoonyi haghirohamu na niinyu ibhe mo‑bhuhöru, hamu oroko.

Abhagharatiya 4:10

Mokeere mughöötiri chanyangi che Kiyahuuti? Moghosooka chaasiko nyarebhe che wiiki, ne emyëri, na amabhagha ne emeeka, kubha n‑chanyangi che koresooka Eryobha!

Abharuumi 9:3

gho ghiri e bhaato bha ritöngö reene. Aribha engabheere‑ho anchëra yoyoose, eni nengiisheriiri kwihiimu na kwangu na Kirisito, erabha gho ghuköra hangʼu nkongabhatooriri abhahiiri bhaane bhayo bhamokumi Kirisito.

2 Abhakorinto 7:2

Motuhë omweya mo‑metema gheenyu, gho kubha taanyi‑ho uno tomutasiiri, na taanyi‑ho uno tomunyahaariri mo‑mangʼana nyarebhe, hamu uno tomongʼiiniri.

2 Abhakorinto 11:11

Nteeghosiikëra hangʼu gho kubha ntebhasiighiri, Eryobha ndyeche kubha nebhasiighiri.

2 Abhakorinto 4:12

Mbe, itu ntoonyi mo‑tabhaaribhaari e roko, amare gho kohetera ghayo inyu mokubhöna obhuhöru.