2 Abhakorinto 11:7 - Eriiraghano Eriihë

⁷ ꞉Niinyööhiri gho nchëra e kuraghani Angʼana Anchömu e Ryobha ghokoonyu ino ntaakorehu, kubha inyu moghongibhu. ꞉Niiköriri kobhe angʼana iyo?

2 Abhakorinto 11:7 Referans Kwoze

2 Abhakorinto 12:13

Ghetaanyi‑ho ghyokyose kino ꞉niiköriri kwo makanisa aghande, kino ntaköriri ghokoonyu. Hamwabhe ꞉neebhatasiiri hano ntëëndiri kubha omorigho ghokoonyu. Aribha bhuyo nibho obhobhe bhoone, monyaabhërë!

1 Abhatesaronike 2:9

Bhahiiri bhiito, mokohiita ghwiköngʼi kwito na kunyaaka kwito, gho kubha ntoore toraköra emeremo obhotiko no omwishe. Ntoore toraköra hangʼu, kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

1 Abhakorinto 9:6

Hamu n‑eni na Bharinaabha abheene, bhano tokwëndëru ghuköra emeremo kubha tubhönë ebheghiro gho ghiri e eriimanya riito?

2 Abhatesaronike 3:8

koru totaraghiire ebhiinyakurë bhe mooto wowoose bhoowa. Amare ntoore toraköra emeremo gho ghwiköngʼi obhotiko no omwishe, kubha totamunyaaki omooto wowoose ghate yaanyu.

Amaköri gha Bhatomu 20:34

Inyu bheene mweche kubha neere neraköra emeremo kwo mabhökö ghaane, gho ghiri e mënda ghaane, na gha bhaghëndi bhano toore haghirohamu nabho.

1 Abhakorinto 9:12

Aribha abhande mbakurëngʼaanera kuhaabhu ebheghiro kinya bhiyo koru ghokoonyu, ibheere itu, totaakurëngʼaanera kuhaabhu ebheghiro bhiyo ghokera ibho? Amare itu tötëëndiri ghano turëngʼaaniire kuhaabhu na niinyu, amare ntoghumeriiri mo‑ghoose, kubha totaacha kobhahööchërëra abhaato ghokumi Angʼana Anchömu ighoro e Kirisito.

Amaköri gha Bhatomu 20:33

“Eni ntiighombiri chambiiri che mooto wowoose, koru sahaabhu cheeche, koru amaghööti ghaache.

Abharuumi 1:1

Anyaarubha ino neyandëkiri eni Bhawuro, omutamishi o Kirisito Yesu. Eni nebherekiiru nibhe omotomu waache, nyahwiru ne Eryobha nibhe neraraghani Angʼana yaache Anchömu.

2 Abhakorinto 2:12

Ibheere, hano nehikiri mo‑moghya o Torowa kuraghani Angʼana Anchömu ighoro e Kirisito, nekabhöna Omutëmi amariri ghunkörëra anchëra e ghuköra emeremo gheeche hayo.

2 Abhakorinto 10:16

Hayo niho tokuraghani Angʼana Anchömu mo‑chaase echende chino angʼana iyo ekeere kuraghanibhu. Ntoghuköra hangʼu, gho kubha totaakwënda kwihacha ighoro e meremo ghino abhaato abhande bhaköriri mo‑chaase echende.