2 Abhakorinto 11:23 - Eriiraghano Eriihë

²³ Ibheere nesiikërë kinya nechuuriri kubha, aribha ibho n‑abhatamishi bha Kirisito, eni n‑omutamishi o Kirisito ghokera ibho. Eni ꞉niiköngʼiri ghuköra emeremo miköngʼu chwee, mara kaaru nibhöhuru mwighërëcha, mara kaaru niröönuru chwee, wiiki neere mo‑bhobhe bho ghoku.

2 Abhakorinto 11:23 Referans Kwoze

2 Abhakorinto 6:9

Ntokorighibhu ke bhano totamënyëkiine, amare mbatweche bhoheene. Ntokorighibhu ke bhano tokuure, amare m‑bhahöru toonyi! Nturöönuru chwee, amare totakuure.

2 Abhakorinto 3:6

Iryo niryo ꞉reetoheere obhotoro bho kubha abhatamishi bha Riiraghano Eriihë rino reekoru mo‑Körö Ahörëëru. Eriiraghano riyo taanyi emeghiro ghino ghyandëkuru, gho kubha emeghiro ghino ghyandëkuru ngeghuköra abhaköri bha masari bhateneru ekiina ghe ghwitu, amare Akörö Ahörëëru nekurëëta obhuhöru.

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

Amaköri gha Bhatomu 9:16

Eni mwene nekomwërëki kebhuno akwëndëru kunyaaka gho ghiri e riina reene.”

Bhiremooni 1:9

Amare, gho ghiri e bhosiighi nerooche m‑bhoheene konga neghusabhe, eni Bhawuro uno neenyi omugharuka, no omubhöhu gho ghiri e Kirisito Yesu.

2 Timotewo 2:9

Gho ghiri e ngʼana iyo, eni nekunyaaka na nibhöhuru ne eminyörörö kinya omuköri o mabhe. Amare angʼana e Ryobha teeghotora kubhöhu.

1 Abhakorinto 3:5

Mbe, ibheere, Abhooro n‑niwe? Na neeni Bhawuro n‑niwe? Itu n‑abhatamishi bhano Eryobha retotomiri kobhatoori inyu momokumi Yesu Kirisito. Omooto woose naghuköra emeremo ghino ahaabhuru no Omutëmi.

Abheebhuraaniya 10:34

Wiiki moore morabharigheri changori abhaghëndi bhaanyu bhano ꞉bhaare bhabhöhuru mwighërëcha. Wiiki hano ꞉bhaare bharabhahöka obhwame bhoonyu, moore morachömëru mo‑metema gheenyu gho kubha moore mweche kubha moonyi ne ebheghiro bhyaru bhichömu chwee bhino bhetaaghosira naabha.

2 Timotewo 1:16

Neghusabha Omutëmi Yesu abharigheri changori abhaato bha mo‑ka e Onesibhooro, gho kubha mara kaaru naare arasambaaroki omukörö waane. Wiiki, tarooche chaasoni kuucha kondighi mo‑kibhöhö keene.

2 Timotewo 1:8

Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

1 Timotewo 4:6

Orabheeghi abhahiiri bhiito bhoose amangʼana ghayo, niho okubha omutamishi omuhöriicho o Kirisito Yesu. Wiiki nookubha orarëru bhoheene mo‑bhuhëënë bho bhokumi bhwito na mo‑meeghi amachömu ghano iye oghutambana.

1 Abhatesaronike 3:2

tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.

Abhabhiribhi 2:17

Koru erabha obhuhöru bhoone bhoraruusibhu kinya amaruusi gha kunywebhu, haghirohamu no obhokumi bhoonyu bhuno bhoghuköru amaruusi ambërë e Ryobha, eni neghuchömëru, oghuchömëru kuyo ngoghusanga haghirohamu na niinyu bhoose.

Abhabhiribhi 1:13

Abhachongi bhoose bha nyumba e ghitëmi, haghirohamu na abhande bhoose bhano bhaanyi hano, mbeeche kubha nibhöhuru gho kubha nekomuhökëri Kirisito.

Abhaebheeso 6:20

Eni n‑omuraghani o Ngʼana Anchömu ighoro e Yesu Kirisito, na iyo niyo ighëriri nibhe mo‑kibhöhö. Mbe, munsabhere kubha netore kuraghani kwo bhosubhesubhe kinya bhuno nekwëndëru.

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

Abhaebheeso 3:1

Kurëngʼaana na amangʼana ghayo, eni Bhawuro nekobhasabhera. Eni nibhöhuru gho ghiri emeremo ghino Kirisito Yesu aheere nebharaghaneri inyu abhaato bha matöngö.

2 Abhakorinto 11:5

Eni nteekwirighi kubha m‑mosuuhu neenyi kwo bhayo bhakwirighi kubha, n‑abhatomu abhakoro.

2 Abhakorinto 10:7

Mumööhërëri amangʼana ghano ghaanyi ambërë e miisho ghaanyu. Omooto wowoose uno akwirighi kubha iwe n‑o Kirisito, amënyë kubha itu bhoose n‑abhaato bha Kirisito toonyi, kinya iwe.

2 Abhakorinto 4:11

Itu bhano toonyi abhahöru, eriibhagha ryose ntoonyi mo‑tabhaaribhaari e roko gho ghiri e Yesu, kubha obhuhöru bhooche bhorighibhu mo‑mebhere ghiito ghino gheeghoku.

Abharuumi 8:36

N‑kinya bhuno Amandëkö Amatööbhiyu ghakobhugha kubha, “Chaasiko choose ntokorighani no oroko, gho kubha ntoghokuhökëri iye. Ntoghukörëru kinya changʼöndu chino chekohiru ghosinchu.”

Amaköri gha Bhatomu 28:30

Bhawuro akamara emeeka ebhere ikeere mo‑nyumba iyo arayerehera, anyi omwene chiri. Bhoose bhano ꞉bhaare bharamutambana, akabha arabhaghënëhi muyo.

Amaköri gha Bhatomu 28:16

Hano toore tohikiri mo‑moghya o Ruumi, Bhawuro aghiisherereru kubha, ikare omwene mo‑nyumba yaache, bhakamotoora no omoshirikare umu o komochonga.

Amaköri gha Bhatomu 27:1

Hano bhamariri bhakahatëka kubha tughëndë na ameeri mo‑se e Itaariya. Niho Bhawuro na abhabhöhu abhande bhakahaanu kwo mokoro umu o bhaashirikare, eriina reeche Yuriyo, o rikinda re bhaashirikare bha Kayisaari Aghosito.

Amaköri gha Bhatomu 25:14

Bhakamara hayo chaasiko chaaru. Mo‑chaasiko chiyo Bheesito akamobhoorera omutëmi uyo amangʼana ighoro e Bhawuro arabhugha, “Hano naanyi‑ho omooto umu uno Bheriki ꞉amotighiri mwighërëcha.

Amaköri gha Bhatomu 21:11

Aghabho uyo aghatusëëta, akiimoki omoshibhi o Bhawuro, akiibhöha mo‑maghoro na mo‑mabhökö, akabhugha kubha, “Akörö Ahörëëru nebhughiri kubha, ‘Omwene omoshibhi uno, hangʼu nibhu Abhayahuuti bha Yerusareemu bhakomubhöha gho changuru, na mbakomuhaana mo‑mabhökö gha bhaato bha matöngö.’”

Amaköri gha Bhatomu 20:23

Kino nyeeche n‑kubha, mo‑moghya wowoose uno neekubha nerahetera, Akörö Ahörëëru nëkönyëërëki kubha nekubhöna ebhibhöhö, wiiki neekubha neranyaakibhu chwee.

Amaköri gha Bhatomu 14:19

Bhakamara bhakaacha Abhayahuuti abhande koru mo‑meghya ghe Antiyokiya, na Ikoniyo. Bhakaretebhitebhi erikinda riyo re bhaato bhaghaghöötana nabho bhaghasëëma komurasa Bhawuro na amabhohe. Bhakamara bhakamongʼuura mbagha anche e moghya bhariituuri kubha nakuure.

1 Abhakorinto 4:1

Abhaato bhatubhare kubha itu n‑abhatamishi bha Kirisito toonyi, ntuhaabhuru emeremo ghe kuraghani angʼana e Ryobha ino ere ebhisuru.

1 Abhakorinto 4:9

Amare neghwituuri kubha Eryobha ndetuköriri itu abhatomu kubha abhaato bha ghuchëëru ghokera bhoose. Ntonga kinya abhaato bhano bhateniiru ekiina ghwitu. Ntuköruru kubha abhaato bha ghusëku mo‑se, ambërë e bhamarayika na mo‑bhaato.

1 Abhakorinto 4:11

Koru eriibhagha ri ibheere, ntoonyi na anchëra na anyööta, wiiki totaanyi na changibho che ghwisha, ntoghutëmu, wiiki totaanyi na ha ghwikara.

Abhagharatiya 6:17

Mbe, korwera ibheere omooto wowoose ataanyaaki wiiki, gho kubha eni neenyi na amamööha mo‑mobhere waane gho ghiri e komuhökëri Yesu.

2 Timotewo 3:11

no obhosiighi bhoone no oghwiköngʼëërëri koone. Weeche kebhuno abhaato bhanyirighwiri na kunyaaki, hano neere mo‑meghya ghe Antiyokiya, na Ikoniyo, na Risitura. ꞉Neeghumeriiri amaköngʼu ghoose, no Omutëmi aghantoori mo‑ghayo ghoose.