2 Abhakorinto 10:12 - Eriiraghano Eriihë

¹² Itu totaaghotora kwibhara hamu kwirëngʼaani na abhaato bhano bhakwihacha abheene. Ibho bhateeche ghyokyose, gho kubha mbaghwiköri ekirëngërë ghe kwirëngi abheene kwo bheene, na mbakwirëngʼaani abheene kwo bheene.

2 Abhakorinto 10:12 Referans Kwoze

Ruuka 18:11

“Omubharisaayo uyo akiimeerera, aghasabha Eryobha ghenkirinkiri arabhugha, ‘Oo Waryobha, ˆoghachömi, gho kubha eni nteenyi mobhe ke bhande bhano bhaghuköra amabhe, na bhano bhakuhöka abhaato ebheghiro na abhataari, hande koru kinya omutöbhi uno o righööti!

2 Abhakorinto 10:18

Ino nekwërëki kubha, omooto wowoose uno akwihacha omwene taaghwisherereru, amare uno aghoghongibhu no Omutëmi, uyo niwe aghwisherereru.

Abharuumi 15:18

Eni nteeghosiikëra angʼana yoyoose ayende, amare ghaare Kirisito aköriri kohetera ghokoone. ꞉Naaköriri abhaato bha matöngö bharesooke Eryobha, kohetera amangʼana ghano neere nerasiikëra ne emeremo ghino neere neraköra.

2 Abhakorinto 3:1

Kana, mokwihëëbha kubha ntusëëmiri wiiki ghwikangateereri ghokoonyu? Tiyaanyi, itu totaanyi kinya abhaato abhande bhano bhakobharëëtëra chanyaarubha che ghwitonda ghokoonyu, hamu ghusabha chanyaarubha ghokoonyu che ghwitonda mo‑bhaato abhande.

2 Abhakorinto 5:12

Totaakwënda ghwikangateereri wiiki ghokoonyu, amare ntokwënda kobhaha omweya o kwihacha gho ghiri yiito. Gho nchëra iyo, mookubha na amangʼana gha kobhagharokeri bhano bhakwihachera amangʼana ghano ghakorighibhu na abhaato, ghokera ghotereera amangʼana ghano ghaanyi mo‑metema gheebho.

2 Abhakorinto 10:11

Omooto uno aghosiikëra amangʼana ghayo amënyë kubha, ghano tokobhaandëkëra eriibhagha toonyi kurë, nigho ghano toghuköra eriibhagha toonyi haghirohamu na niinyu.