2 Abhakorinto 1:19 - Eriiraghano Eriihë

¹⁹ Neghosiikëra hangʼu, gho kubha Kirisito Yesu, Omoona o Ryobha, uno eni, na Sirwano, na Timotewo ꞉toomuraghiini ghokoonyu, taare omooto o kobhugha, “Hee,” eriibhagha erimu, ne erende abhughe, “Tiyaanyi.” Amare ghokooche eriibhagha ryose n‑kobhugha, “Hee.”

2 Abhakorinto 1:19 Referans Kwoze

Abheebhuraaniya 13:8

Yesu Kirisito w‑wuure wuure, icho, na reero ne emiishe ghyose.

Obhohunyurëru 1:17

Hano nemorooche, neghagho mo‑maghoro ghaache kinya nekuure. Amare aghantoorera okubhökö kooche gho kwiro ighoro yaane, akamboorera akabhugha, “Otatiina! Eni neeni o Mumbërë no o Ntenero.

2 Yohana 1:9

Wowoose uno ataakwëndërëra ghughööta ameeghi gha Kirisito, wiiki naghugharura ameeghi ghayo, uyo taanyi no obhumu ne Eryobha. Amare, uno akwëndërëra ghughööta ameeghi gha Kirisito, naanyi no obhumu na Taata Waryobha no Omoona waache.

Obhohunyurëru 2:18

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Tiyatira, no omobhoorere obhughe, ‘Eni neeni Omoona o Ryobha. Neenyi na amiisho kinya orumëmi ro omororo na amaghoro gha kurëngaari kinya ashabha ino ꞉yeeghuru mo‑mororo. Mutëghëërërë ghano nekobhabhoorera!

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Obhohunyurëru 1:8

Omutëmi Waryobha nakobhugha kubha, “Eni neeni Simoka na Antenero, uno anyi‑ho, na korwera simoka naare‑ho na naakubha‑ho. Eni n‑Eryobha re Bhotoro Bhoose.”

Amaköri gha Bhatomu 18:5

Hano Siira na Timotewo ꞉bhaare bhahikiri hayo, koru Maketoniya, Bhawuro aghasëëma kuhökëri eriibhagha reeche ryose kweghi Abhayahuuti angʼana e Ryobha, arabhabhoorera kubha Yesu niwe Kirisito.

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

2 Bheetero 1:17

Itu ntoore‑ho eriibhagha ahaabhuru asooko no obhokumi obhokoro koru o‑Taata Waryobha. Eriibhagha riyo, eriiraka rekaru kwo Waryobha uno anyi Obhokumi Obhokoro, rerabhugha, “Uno n‑Omoona waane omosiighani, uno neghuchömëru nawe.”

Abheebhuraaniya 1:11

Ebheghiro bhyose bhe mwishaaro, na bhe mo‑se mbeghosira, mbeghokunguha kinya changibho, amare iye nokwëndërëra kubha‑ho emiishe ghyose.

Amaköri gha Bhatomu 15:22

Niho abhatomu bha Yesu na abhagharuka bhayo bha riikanisa, haghirohamu na Abhakirisito abhande bha hayo Yerusareemu, bhaghiishererani haghirohamu kubha, bhaahure ghate yaabho abhaato bhano bhaaghuye haghirohamu na Bhawuro na Bharinaabha mo‑moghya o Antiyokiya. Mbe, bhakaahura abhakangati bhabhere, umu Yuuta (uno akobherekeru Bharisaabha), na owonde Siira.

Amaköri gha Bhatomu 9:20

Mo‑chaasiko chiyo chiyo, aghasëëma ghuye mo‑masinaghooghi na kuraghani kubha Yesu niwe Omoona o Ryobha.

Amaköri gha Bhatomu 8:36

Hano bhaare mo‑rughëndö, bhakahika ahaghiro hano ꞉haare na amanche. Omokoro uyo akamobhoorera Bhiiribho akabhugha, “Mööhi! Hano, ngaanyi‑ho amanche. N‑ghento ke ghekundeki netabhatiisu?” [

Yohana 20:31

Amare ebhyërëkërëri bhino bheenyi mo‑ghitabhu kino bhyandëkuru motore ghokumi kubha Yesu niwe Kirisito, Omoona o Ryobha, na gho komokumi mubhönë obhuhöru bho miishe ghyose kwo riina reeche.

Yohana 19:7

Abhayahuuti bhakamugharokeri bhakabhugha, “Itu ntoonyi no omoghiro, na kurëngʼaana no omoghiro uyo, nakwëndëru ghwitu, gho kubha naghwighamba kubha n‑Omoona o Ryobha.”

Yohana 8:58

Yesu akabhagharokeri akabhugha, “Mahëënë ˆnekabhabhoorera, eriibhagha Abhurahamu akeere kwibhoru, Eni Niwe.”

Yohana 6:69

Itu ntoghokumi, wiiki ntweche kubha iye n‑Omutööbhiyu koru kwo Ryobha.”

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Yohana 1:49

Niho Natanaheri akamugharokeri akabhugha, “Oo Omweghi, iye n‑Omoona o Ryobha! Iye n‑Omutëmi o Isiraeri!”

Yohana 1:34

Niho Yohana akëëndërëra kobhugha, “Eni negharooche, wiiki neghoghaghamba, kubha uyo niwe Omoona o Ryobha.”

Ruuka 1:35

Akamugharokeri akabhugha, “Akörö Ahörëëru neghoghwikera, no obhotoro bho Ryobha Omokoro o Bhyose, mbookubha ighoro yaacho ghe kiriiri. Omoona uyo okwibhora, naakubha omwahöru, naakubha arabherekeru Omoona o Ryobha.

Maariko 1:1

Ino niyo simoka e Ngʼana Anchömu e Yesu Kirisito, Omoona o Ryobha.

Mataayo 27:54

Akamara omokoro o bhaashirikare haghirohamu na bhano ꞉bhaare bharamochonga Yesu hano bharooche ekerighito na aghande ghoose ghano gharweriire, bhaghatiina chwee, bhakabhugha, “Mahëënë, omooto uno naare Omoona o Ryobha!”

Mataayo 27:40

“Kana! Iye, ꞉noobhughiri kubha nokuhaanyura Erisëngërö re Ryobha na koryabhëka wiiki gho chaasiko ishato! Ibheere, wiitoori iye mwene. Aribha iye n‑Omoona o Ryobha onyi, nwike mo‑musarabha!”

Mataayo 24:35

Erishaaro na ase mbekoheta, amare amangʼana ghaane ghataakoheta naabha.

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Yohana 20:28

Tomaso akamugharokeri akabhugha, “Omutëmi waane ne Eryobha reene!”

Mataayo 4:3

Niho Erishambu rekaacha komusaki, rerabhugha, “Aribha iye n‑Omoona o Ryobha onyi, ghabhoorere amabhohe ghano ghiigharure ghabhe emighaate.”

Amaköri gha Bhatomu 16:1

Bhawuro aghaye mo‑meghya ghe Teeribhe na Risitura. Iyo Risitura naare‑ho omoonamwegha umu o Yesu, eriina reeche Timotewo. Nyina Muyahuuti are, woose naare amokumiri Yesu, amare ishe m‑Moyunaani are.

2 Abhakorinto 1:1

Anyaarubha ino neyandëkiri eni Bhawuro, omotomu o Kirisito Yesu kwo mënda gha Ryobha. Eni haghirohamu na Timotewo, mohiiri wiito mo‑bhokumi, ntokobhaandëkëra inyu bhano moonyi mo‑riikanisa re Ryobha re mo‑moghya o Korinto. Ntokobhaandëkëra inyu haghirohamu na abhaato bhoose bha Ryobha bhano bhaanyi mo‑mukööwa o Akaaya.

1 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata Waryobha no Omutëmi wiito Yesu Kirisito. Ntököbhëëndëra aghareeya no omurëmbë ghibhe haghirohamu na niinyu.

2 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata wiito Waryobha no Omutëmi Yesu Kirisito.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!