1 Yohana 5:19 - Eriiraghano Eriihë

¹⁹ Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

1 Yohana 5:19 Referans Kwoze

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Yohana 12:31

Ibheere ˆrekahika eriibhagha re Ryobha ghotenera ekiina ase ino. Ibheere ˆrekahika eriibhagha re Eryobha kuhëëbha Erishambu mo‑bhukangati bho se ino.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Yohana 16:11

Naakubha arabhëërëki kubha Eryobha ndekuucha kobhatenera ekiina gho kubha, ndimariri ghotenera ekiina Erishambu omokoro o se ino.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

1 Yohana 5:13

ˆNekabhaandëkëra amangʼana ghayo, inyu bhano moghokumi Omoona o Ryobha, kubha mumënyë moonyi no obhuhöru bho miishe ghyose.

Yakobho 4:4

Inyu n‑abhaato bhano motaanyi no obhuhëënë n‑kinya abhataari, bhano mokwanga Eryobha! Moteeche kubha, ghughöötana obhusaani na ase, n‑kubha abhabhisa bha Ryobha? Gho ghayo, omooto woose uno akwënda ghughöötana obhusaani na ase, naghwiköri omwene kubha omobhisa o Ryobha.

Yohana 14:30

Nteeghotora ghosiikëra na niinyu amangʼana maaru, gho kubha omokoro o se ino akaacha. Amare taanyi no obhotoro ighoro yaane.

1 Yohana 5:10

Wowoose uno akomokumi Omoona o Ryobha, nakumiri kubha obhuhëënë bhuyo m‑bho mahëënë. Amare uno ataakorekumi Eryobha, nakobhugha kubha Eryobha n‑iröngö, gho kubha tabhwisheriiri obhuhëënë bhuno Eryobha ꞉reeruusiri ighoro e Moona waache.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

Obhohunyurëru 20:3

ghokarëkëru mwirooma re mashambu. Aghiighara orwighe, aghatoora omohuuri o nyaghame kubha ghotabhöna omweya wiiki o kobhangʼiina abhaato bha matöngö. Hano eriibhagha re kibhöhö reghosira, ngokwëndëru ghotighooroku kwo riibhagha ighuhe.

1 Yohana 5:18

Ntweche kubha omoona wowoose o Ryobha, taakwëndërëra ghuköra amasari, gho kubha Omoona o Ryobha nakomochonga, Erishambu retaaghotora komoturi.

2 Abhakorinto 5:1

Emebhere ghiito n‑kinya ekebhuru ke riibhagha ighuhe mo‑se muno. Amare ntweche kubha, hano gheghusarëka, Eryobha ndeghotuha chanyumba chino cheenyi Mwishaaro emiishe ghyose, chino chetaakwabhëku na amabhökö gha bhaato.

Abharuumi 8:16

Akörö iyo ayeene nekuhëënëhi mo‑metema ghiito kubha, itu n‑abhaana bha Ryobha toonyi.

1 Yohana 3:14

Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

2 Timotewo 1:12

Kiyo nikyo gheghughëri nerabhöna anyaako ino. Amare nteekorighi chaasoni, gho kubha nemweche uno neghokumi. Wiiki neenyi no obhuhëënë kubha, iwe naanyi no obhotoro bho ghochonga bhoheene angʼana e bhuhëënë ino aheere mbagha orosiko ruure ro ghugharuka kooche.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

Ruuka 4:6

Rekamobhoorera rekabhugha, “Neghokuha obhukangati bho bhino bhyose, haghirohamu no obhwame bhooche bhoose. Wiiki, gho kubha neenyi no obhotoro bho bhino bhyose, nëngënda komuha omooto wowoose uno nekwënda, nekomuha.

Yohana 17:15

Oo Taata, nteeghusabha kubha obharuusi mo‑se ino, amare kubha obhatoori no Omobhisa wuure.

1 Yohana 5:15

Itu ntweche ndeghutëghëërëra amasabhi ghiito, nikyo toonyi no obhuhëënë kubha ndeghotuha ghano tokorisabha.