1 Yohana 4:7 - Eriiraghano Eriihë

⁷ Abhasiighani bhaane, tosiighane, gho kubha obhosiighi mbookoru kwo Waryobha. Omooto wowoose uno asiighiri mughëndi waache, n‑omoona o Ryobha, wiiki niwe aryeche Eryobha.

1 Yohana 4:7 Referans Kwoze

1 Yohana 4:20

Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.

1 Yohana 4:8

Amare wowoose uno atasiighiri mughëndi waache, taryeche Eryobha, gho kubha Eryobha n‑obhosiighi.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Yohana 2:10

Ibheere wowoose uno asiighiri mughëndi waache, namanyiri mo‑bhwero. Ghetaanyi‑ho ghyokyose moose yaache kino gheghughëri akörë amasari.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

2 Timotewo 1:7

Köra hangʼu, gho kubha Akörö ino Eryobha retoheere teenyi e bhotiini, amare neghotuha changuru, no obhosiighi ne ekirëngërë.

1 Yohana 4:12

Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.

1 Yohana 2:29

Mweche kubha Kirisito n‑o bhuhëënë, gho ghayo, mumënyë kubha wowoose uno aghuköra gha bhuhëënë, niwe omoona o Ryobha.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhagharatiya 4:9

Amare ibheere, moryeche Eryobha, na ryose ndebheeche chwee. Ibheere ngwake mokwënda ghugharuka ghusëngëra chaakörö chino cheghukangata ase ino? Chaakörö chiyo chetaanyi no obhotoro hamu ekebhune ghyokyose. Ghasi mokwënda kubha abhasësë bha chaakörö chiyo wiiki?

Yohana 13:34

Ibheere nekobhaha omoghiro omuhë, ‘Mosiighane. Kinya bhuno eni nebhasiighiri inyu, hangʼu hangʼu na niinyu mosiighane.’

1 Abhakorinto 8:3

Amare omooto uno aresiighiri Eryobha, uyo niwe akumënyu ne Eryobha eryene.

1 Yohana 2:3

Torasooka emeghiro ghe Ryobha, niho tookubha no obhuhëënë kubha ntomweche.

1 Yohana 2:4

Wowoose uno akobhugha naanyi no obhumu ne Eryobha, ino taaghosooka emeghiro gheeche, m‑muröngö, tabhweche obhuhëënë.

1 Yohana 2:7

Abhasiighani bhaane, omoghiro uno nabhaandëkiire taanyi muhë, amare n‑omoghiro wuure o kare, uno moore nawe korwera hano mokumiri Kirisito. Omoghiro uyo o kare, n‑angʼana yiire mooghwire ighoro e bhosiighi.

1 Yohana 3:9

Wowoose uno abheere omoona o Ryobha, taakwëndërëra ghuköra amasari, gho kubha naanyi na tëëmö e Ryobha moose yaache. Taaghotora kwëndërëra ghuköra amasari gho kubha iwe n‑omoona o Ryobha.

1 Yohana 4:11

Abhasiighani bhaane, aribha Eryobha ndetosiighiri itu hangʼu, nekwëndëru na niitu tosiighane.

1 Yohana 4:16

Ibheere, itu ntweche na ghokumi kubha Eryobha ndetosiighiri. Eryobha n‑obhosiighi. Wowoose uno anyi no obhosiighi, niwe anyi no obhumu ne Eryobha, Eryobha ryose ndeenyi no obhumu nawe.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

2 Yohana 1:5

Ibheere omosubhaati omosiighani, mo‑nyaarubha ino neghoghusabha osooke emeghiro ghino ghekobhugha kubha tosiighane. Emeghiro ghiyo, taanyi mihë, amare n‑ghiire ghiire toore naghyo korwera hano tookumiri.