1 Yohana 4:20 - Eriiraghano Eriihë

²⁰ Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.

1 Yohana 4:20 Referans Kwoze

1 Yohana 3:17

Omooto wowoose uno anyi no obhwame bho mo‑se ino, aramara amorighi mughëndi waache uno anyi na amënda, amare ange komorigheri changori komotoori, nibhu aghotora kobhugha kubha naanyi no obhosiighi bho Ryobha moose yaache?

1 Yohana 2:9

Omooto wowoose uno akobhugha kubha namanyiri mo‑bhwero, ino amurëghiri omokumi mughëndi waache, akeere amanyiri mo‑kengʼuuri.

1 Yohana 4:12

Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.

1 Yohana 2:4

Wowoose uno akobhugha naanyi no obhumu ne Eryobha, ino taaghosooka emeghiro gheeche, m‑muröngö, tabhweche obhuhëënë.

1 Yohana 2:11

Uno amurëghiri mughëndi waache, namanyiri mo‑kengʼuuri. Wiiki naghughënda mo‑kengʼuuri, naghuköra egheghiro ghyokyose amare ateeche amabhe na amachömu, gho kubha ekengʼuuri ngekundekiiri amiisho ghaache.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

1 Yohana 1:6

Aribha tookobhugha kubha ntoonyi no obhumu ne Eryobha, ino törëëndërëra ghwikara mo‑kengʼuuri, ntoghosiikëra obhuröngö. Wiiki totaaghuköra ghano ghaanyi gha hëënë.

Yohana 13:35

Erabha morasiighana, abhaato bhoose mbakumënya kubha inyu n‑abhaanabheegha bhaane moonyi.”

1 Yohana 1:8

Aribha tookobhugha kubha itu totaanyi na amasari, ntokwingʼiina itu bheene, toteeche obhuhëënë.