1 Yohana 4:19 - Eriiraghano Eriihë

¹⁹ Ibheere itu ntosiighiri bhaghëndi bhiito ne Eryobha ntoresiighiri, gho kubha Eryobha niryo ꞉riishamiri ghotosiigha.

1 Yohana 4:19 Referans Kwoze

1 Yohana 4:10

Bhuno nibho obhosiighi, taanyi kubha niitu ꞉tooresiighiri Eryobha, amare iryo niryo ꞉reetosiighiri itu. Nikyo ꞉reemotomiri Omoona waache, abhe amaruusi gha ghosinchu kubha aruusi amasari ghiito na ghotutëmëërani ne Eryobha.

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Ruuka 7:47

Gho ghayo, ˆngakobhoorera kubha, obhosiighi bho mukari uno m‑bhokoro, mbokwërëki kubha amasari ghaache maaru, ngaabhiiru. Amare wowoose uno abhiiru amasari amasuuhu, uyo, nahaabha no obhosiighi bhosuuhu wiiki.”

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

1 Yohana 4:20

Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.