1 Yohana 4:17 - Eriiraghano Eriihë

¹⁷ Gho nchëra iyo, obhosiighi bhooche mbohikeriine ghokwito, kubha tubhe no obhosubhesubhe orosiko ro ghoteneru ekiina. Ntookubha nabho gho kubha, eriimanya riito re mo‑se ino, ndetuubhiine ne eriimanya re Yesu.

1 Yohana 4:17 Referans Kwoze

1 Yohana 4:12

Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.

1 Yohana 2:28

Ibheere abhaana bhaane abhasiighani, mwëndërërë kubha no obhumu na Kirisito, kubha araacha korighibhu wiiki, tubhe no obhosubhesubhe ambërë yaache, totiibhisa gho chaasoni.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

1 Yohana 2:5

Amare uno aghosooka angʼana yaache, hëënë nasiighiri Eryobha. Hangʼu nibhu tokumënya kubha ntoonyi no obhumu ne Eryobha.

Abharuumi 8:29

Eryobha ꞉ndiimënyiri abhaato bhaache korwera hano ase ere ekeere ghutëëmu. Bhayo nibho Eryobha ꞉ryaahwire korwera kare bhabhe kinya Omoona waache Yesu Kirisito. ꞉Ndiiköriri hangʼu kubha Omoona waache abhe omutange ghate e bhahiiri bhaaru.

Yohana 15:20

Mohiite ghano ꞉neebhabhooriire kubha, ‘Omusësë taanyi omokoro ghokera omutëmi waache.’ Mbe, kinya bhanyaakiri eni, mbakobhanyaaki na niinyu wiiki. Amare aribha bhakumiri ameeghi ghaane, mbaghokumi na ghaghaanyu.

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.

2 Bheetero 3:7

Wiiki kwo ngʼana iyo iyo Eryobha ꞉ndeetindekiri erishaaro na ase ino, bhiiche bhyekibhu no omororo. ꞉Ndeebhetooriri gho ghiri e rosiko ruure abhaato bhano bhataakoresooka Eryobha bhaghoteneru ekiina na ghosireekereru.

2 Bheetero 2:9

Gho ghayo, Omutëmi Waryobha neeche kinya akobhatoori mo‑masaki abhaato bhano bhakomosooka. Wiiki neeche kebhuno akobharööna abhaköri bha masari mo‑rosiko ruure ro kobhatenera ekiina,

Yakobho 2:22

Nokorighi obhokumi bho Abhurahamu, mboore bhoraghe haghirohamu na amaköri ghaache, no obhokumi bhooche mbohikeriinu kwo maköri ghaache.

Mataayo 12:36

Amare ˆnekabhabhoorera inyu kubha orosiko ro ghoteneru ekiina, abhaato mbakoruusi omubharo o mangʼana ghoose ghano ꞉bhaasiikiire ghatanchekiine.

Mataayo 11:24

Amare ˆnekabhabhoorera kubha orosiko ro ghoteneru ekiina inyu moghoteneru ekiina kwo bhororo ghokera ase e Sotoma.”

Mataayo 11:22

Amare, ˆnekabhabhoorera kubha orosiko ro ghoteneru ekiina inyu moghoteneru ekiina kwo bhororo ghokera ghoteneru ekiina abhaato bha meghya ghe Tiiro na Sitooni.

Mataayo 10:25

Omoonamwegha nakwëndëru abhe kinya omweghi waache no omusësë woose abhe kinya omutëmi waache. Aribha akomobherekera omokoro o nyumba kubha m‑Bherisebhuuri, kana, taakobhabherekera abhaato bha mo‑nyumba yaache amariina amabhe ghokera ghayo?

Mataayo 10:15

Mahëënë ˆnekabhabhoorera kubha orosiko ro ghoteneru ekiina, ndekobhatenera ekiina abhaato bha moghya uyo kwo bhororo ghokera abhaato bha se e Sotoma na Ghomora.

Yakobho 2:13

Eryobha retaakubha na changori hano rekomotenera ekiina omooto uno ataanyi na changori. Amare changori che Ryobha ncheghokinda ghoteneru ekiina!

Yohana 17:22

Obhokumi obhokoro bhuno oheere eni, nebhaheere abhaanabheegha bhaane, kubha bhabhe egheghiro kimu, kinya bhuno itu toonyi egheghiro kimu.

Abheebhuraaniya 9:27

Omooto woose nahaaku mara rimu hangʼu, aramara ghoku, Eryobha remotenera ekiina.

1 Yohana 2:6

Omooto uno akobhugha naanyi no obhumu ne Eryobha, nakwëndëru amanye kinya bhuure Yesu amanyiri.

1 Yohana 3:7

Ibheere abhaana bhaane abhasiighani, motiishereri kubha omooto wowoose abharumeeri. Wowoose uno aghuköra gha bhuhëënë naanyi no obhuhëënë ambërë e Ryobha, kinya bhuno Kirisito anyi no obhuhëënë.