1 Yohana 4:15 - Eriiraghano Eriihë

¹⁵ Omooto wowoose uno aghokumi na aghwishereri kubha Yesu n‑Omoona o Ryobha, Eryobha ndeenyi no obhumu nawe, woose naanyi no obhumu ne Eryobha.

1 Yohana 4:15 Referans Kwoze

1 Yohana 5:5

Kana! N‑niwe uno aghotora ghoghakinda gha mo‑se ino? W‑wuure aghokumi kubha Yesu n‑Omoona o Ryobha.

Abharuumi 10:9

Angʼana iyo n‑kubha, orasiikëra koru mo‑monu waacho iye omwene kubha, “Yesu n‑Omutëmi,” na ghokumi mo‑motema waacho kubha Eryobha ꞉ndeemoryokiri koru mo‑bhaku, noghotooribhu ne Eryobha.

Mataayo 10:32

Mbe, omooto wowoose uno akonyishereri ambërë e bhaato, na neeni nekomwishereri ambërë e Taata waane uno anyi Mwishaaro.

1 Yohana 4:2

Anchëra e kumënya kubha omooto uno naghukangatu na Akörö e Ryobha niyo ino, wowoose uno aghokumi kubha Yesu Kirisito ꞉niichiri mo‑se akabha no omobhere kinya omooto, uyo niwe aghukangatu na Akörö e Ryobha.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

Abhabhiribhi 2:11

Wiiki omooto woose ishereri kubha, yesu kirisito n‑omutëmi, kwo bhokumi obhokoro, bho Waryobha Taata wiito.

1 Yohana 4:12

Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

Ruuka 12:8

“Mbe, ˆnekabhabhoorera kubha, omooto wowoose uno akonyishereri ambërë e bhaato, eni Omoona o Mooto woose nekomwishereri ambërë e bhamarayika bha Ryobha.

2 Yohana 1:7

Nekobhugha hangʼu gho kubha abharöngö bhaaru mbarweriire mo‑se ino, bhano bhataaghwishereri kubha Yesu Kirisito ꞉niichiri akabha no omobhere kinya omooto. Omooto wowoose uno aghosiikëra ghayo n‑omuröngö, wiiki n‑omobhisa o Kirisito.

Yohana 6:56

Omooto wowoose uno akurë omobhere waane na kunyo amasaahë ghaane naakubha arëëndërëra ghwikara moose yaane na neeni neghwikara moose yaache.

1 Yohana 2:23

Omooto uno akomwanga Omoona, tamweche Taata Waryobha. Amare uno akomokumi Omoona ambërë e bhaato, iwe naanyi no obhumu na Taata Waryobha.

1 Yohana 2:24

Ibheere, mwëndërërë ghoghatoora mo‑metema gheenyu amangʼana ghano mweghuru korwera hano mokumiri Kirisito. Moraköra hangʼu, niho na niinyu mokwëndërëra kubha no obhumu no Omoona, na Taata Waryobha.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

Amaköri gha Bhatomu 8:37

Bhiiribho akamobhoorera akabhugha, “Oramokumi Yesu Kirisito kwo motema waacho woose, noghotora kubhatiisu.” Akamugharokeri, “Neghokumi kubha, Yesu Kirisito n‑Omoona o Ryobha.”]