1 Yohana 4:1 - Eriiraghano Eriihë

¹ Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

1 Yohana 4:1 Referans Kwoze

1 Abhatesaronike 5:21

amare moghasaki amangʼana ghoose gha bhurööti na ghughööta ghano ghaanyi machömu,

2 Bheetero 2:1

Amare mo‑riibhagha re bharööti, ꞉mbaarweriire abharööti bha bhuröngö ghate e Abhiisiraeri, kinya bhuno abheeghi bha bhuröngö bhaakubha ghate yaanyu. Abhaato bhayo mbaghusöhi kwo bhobhe ameeghi gha korumeeri abhaato, na mbakomwanga Omutëmi Yesu, uno abhatingwiri. Gho ghuköra hangʼu mbakwirëëtëra ghosireekerera koobho abheene kwo bhwango.

1 Timotewo 4:1

Ibheere, Akörö Ahörëëru neghosiikëra kyono kubha, mo‑rosiko ro ntenero, abhande mbaghotigha obhokumi bho hëënë, na ghutambana chaakörö che bhuröngö, na ameeghi gha misambu.

2 Yohana 1:7

Nekobhugha hangʼu gho kubha abharöngö bhaaru mbarweriire mo‑se ino, bhano bhataaghwishereri kubha Yesu Kirisito ꞉niichiri akabha no omobhere kinya omooto. Omooto wowoose uno aghosiikëra ghayo n‑omuröngö, wiiki n‑omobhisa o Kirisito.

1 Abhakorinto 14:29

Ighoro e bhano bhakoruusi obhurööti, bhasiikërë bhabhere hamu bhatato, na abhande bhaghisunche amangʼana ghaabho.

1 Yohana 2:18

Abhaana bhaane abhasiighani, eriibhagha re ntenero ndehikiri! Mooghwire kubha omobhisa o Kirisito nakuucha, na koru ibheere abhabhisa bhaaru bha Kirisito mbamariri kuucha. Kiyo nikyo gheghughëri toramënya kubha, ntoonyi mo‑riibhagha re ntenero.

Ruuka 12:57

“Ngwake motaaghotora ghwishererani inyu bheene, ghuköra angʼana anchömu ino moghotora ghuköra?

Ruuka 21:8

Akabhagharokeri akabhugha, “Ibheere mubhe miisho, motaacha kongʼiinu. Abhaato bhaaru mbakuucha kwo riina reene bharabhugha, ‘N‑eni wuure wuure.’ Wiiki, mbakobhugha, ‘Eriibhagha riire, ˆreghatingʼi.’ Abhaato bhayo, motabhatambana!

2 Timotewo 3:13

Amare abhaköri bha masari na abharöngö mbakwëndërëra kubha abhaköri bha masari chwee, mbaakubha bharangʼiina na kongʼiinu.

Obhohunyurëru 2:2

Nyeeche amaköri ghaanyu, na ghwiköngʼi koonyu no obhoghumereri bhoonyu. Wiiki nyeeche kubha motaaghughöötana na abhaato abhabhe. Mobhisunchiri bhano bhakwibherekera n‑abhatomu ino tiyaanyi, mokobhamënya kubha m‑bharöngö.

1 Abhakorinto 12:10

no owonde ekihaano ghe ghuköra ebheroghooro, no owonde ekihaano ghe koruusi obhurööti. Akörö iyo iyo nekomuha owonde ekihaano ghe kumënya amangʼana ghano gharuure mo‑körö ambe hamu mo‑Körö Ahörëëru, owonde ekihaano ghe ghosiikëra eghighambo ekihë, owonde ekihaano ghe ghugharura ebhighambo bhiyo.

Amaköri gha Bhatomu 20:29

“Nyeeche kubha hano neekubha nebhatighiri inyu, abhaato bhahaari kinya chasuuche, mbakuucha ghateghate yaanyu, na bhataakorerigheri changori erikinda riyo.

Maariko 13:21

“Eriibhagha riyo, aribha omooto arabhabhoorera arabhugha, ‘Mööhi, Kirisito hano anyi!’ hamu ‘N‑iyo anyi!’, motaacha ghokumi.

Amaköri gha Bhatomu 17:11

Abhaato bha hayo Bherooya mbaare abhaato bhahöriicho chwee ghokera bha Tesaronike. Hano Bhawuro abharaghaniiri angʼana e Ryobha, bhakayiishereri kwo miigha chwee. Bhaakabha bharaghiisuncha Amandëkö Amatööbhiyu chaasiko choose, kubha bharighi aribha ghayo Bhawuro akobhugha n‑gha hëënë.

1 Abhatesaronike 5:20

Wiiki motabhutaraaha obhurööti,

2 Abhatesaronike 2:2

motiitumata bhwango na kubha na ahaho kubha orosiko ro kuucha Omutëmi ndumariri kohika. Hamwabhe mooghwire amangʼana nyarebhe gha bhurööti, hamu ghano bhakuraghani, hande gha nyaarubha ino bhakwihëëbha kubha neruure ghokwito.

1 Yohana 2:7

Abhasiighani bhaane, omoghiro uno nabhaandëkiire taanyi muhë, amare n‑omoghiro wuure o kare, uno moore nawe korwera hano mokumiri Kirisito. Omoghiro uyo o kare, n‑angʼana yiire mooghwire ighoro e bhosiighi.

3 Yohana 1:11

Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.