1 Yohana 3:8 - Eriiraghano Eriihë

⁸ Amare omooto wowoose uno akwëndërëra ghuköra amasari, n‑omooto o Rishambu. Ntweche ghayo gho kubha Erishambu ndyëndëriire ghuköra amasari korwera kare. Nikyo Omoona o Ryobha ꞉ichiri mo‑se, kubha aghisari emeremo ghe Rishambu.

1 Yohana 3:8 Referans Kwoze

Abheebhuraaniya 2:14

Mbe, gho kubha abhaana bhano mbaanyi ne emebhere na amasaahë, Yesu woose ꞉niichiri anyi no omobhere kinya emebhere gheebho. ꞉Naaköriri hangʼu kubha gho nchëra e roko rooche, achekinde changuru che Rishambu rino reenyi no obhotoro bho ghughëri abhaato bhabhe bharaku.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Abhakorosaayi 2:15

Gho nchëra e musarabha, Eryobha rekahöka emisambu obhutëmi no obhotoro bhoobho, reghakinda gho chandiryato, reghaghesooki haheero.

Abharuumi 16:20

Eryobha rino rekobhaha omurëmbë, ndeghughëri moritachera haase Erishambu ghano matiko, na kobhaha obhokindi ighoro yaache. Aghareeya e Mutëmi wiito Yesu Kirisito, ibhe haghirohamu na niinyu. [Hawubhaabha.]

Yohana 16:11

Naakubha arabhëërëki kubha Eryobha ndekuucha kobhatenera ekiina gho kubha, ndimariri ghotenera ekiina Erishambu omokoro o se ino.

Yohana 12:31

Ibheere ˆrekahika eriibhagha re Ryobha ghotenera ekiina ase ino. Ibheere ˆrekahika eriibhagha re Eryobha kuhëëbha Erishambu mo‑bhukangati bho se ino.

2 Bheetero 2:4

Hano bhamarayika bhaköriri amasari, Eryobha retabharoochiire changori, amare ꞉ndeebharëkiire nyaari, hano bhabhöhuru ne eminyörörö. Iyo mo‑kengʼuuri ke nyaari mbaghughanya orosiko ruure ro ghoteneru ekiina.

Maariko 1:24

arabhugha, “Iye Yesu o Nasareeti, neke okwënda ghokwito! Kana, wichiri ghotosireekereri? Nekweche niiye we, iye n‑Omutööbhiyu o Ryobha onyi.”

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Ruuka 10:18

Yesu akabhagharokeri akabhugha, “꞉Neerooche Erishambu reragho kinya orunanehi koru Mwishaaro.

1 Yohana 3:10

Amare omooto uno ataaghuköra gha hëënë, hamu uno atamosiighiri mughëndi waache, uyo taanyi omoona o Ryobha. Hangʼu niho tokumënya obhwahukani bho bhaana bha Ryobha, na abhaana bha Rishambu.

Mataayo 13:38

Omoghondo wuure notuubhiine na ase, chambusuro inchömu chiire nchetuubhiine na abhaato bha bhutëmi bho Ryobha. Amare eghetoki kiire ngetuubhiine na abhaato bha mobhisa wuure.

Obhohunyurëru 20:10

Mbe, Erishambu, rino rebhangʼiiniri, ndekurëkëru mo‑nyancha e mororo muhaari chwee. Hayo niho ahaghiro hano bharëkiire oghotyenyi ghuure no omurööti wuure o bhuröngö. Ibho mbakunyaakibhu iyo obhotiko no omwishe, emiishe ne emiishe.

1 Yohana 5:19

Ntweche kubha itu n‑abhaana bha Ryobha toonyi, na abhaato bha se bhano bhataaghokumi Eryobha mbaghukangatu ne Erishambu.

1 Yohana 3:5

Mweche kubha Kirisito ꞉niichiri koruusi amasari ghiito. Wiiki iwe taaghuköra amasari ghoghoose.

Obhohunyurëru 20:15

No omooto wowoose uno eriina reeche retaandëkuru mo‑Ghitabhu ke Bhuhöru, woose narëkiiru mo‑nyancha e mororo.

Yuuta 1:6

Wiiki, mohiite bhamarayika bhano bhatiishereriini ne emyeya gheebho, bhaghatigha obhwikari bhoobho. Eryobha ndebhabhöhiri mo‑kengʼuuri ne eminyörörö emiishe ghyose. Iyo mbaghughanya ghoteneru ekiina mo‑rosiko ruure orokoro.

Mataayo 4:3

Niho Erishambu rekaacha komusaki, rerabhugha, “Aribha iye n‑Omoona o Ryobha onyi, ghabhoorere amabhohe ghano ghiigharure ghabhe emighaate.”

Mataayo 12:28

Amare aribha nekuhëëbha emisambu kwo bhotoro bho Körö e Ryobha, m‑mahëënë kubha obhutëmi bho Ryobha mbumariri kobhahikera.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abheebhuraaniya 9:26

Aribha nengabheere hangʼu, mbe, nangabheere arëndëru kunyaaka mara kaaru korwera hano Eryobha ritëëmiri ase. Amare iwe mo‑chaasiko chino che ntenero, niichiri na kwiruusi kubha amaruusi mara rimu hangʼu kubha atomuse amasari ghiito.

1 Yohana 1:2

Ibheere obhuhöru bhuyo mbohikeriine, itu tokabhorighi. Ibheere ntokobhabhoorera obhuhëënë na kobharaghaneri angʼana ighoro e uyo anyi obhuhöru bho miishe ghyose. Iwe naare o‑Taata Waryobha, akëërëkibhu ghokwito.