1 Yohana 3:20 - Eriiraghano Eriihë

²⁰ Ntookubha no omurëmbë koru torateneru ekiina mo‑metema ghiito, gho kubha ntweche kubha Eryobha iryo n‑ikoro ghokera emetema ghiito, wiiki iryo ndyeche ghoose.

1 Yohana 3:20 Referans Kwoze

Abheebhuraaniya 4:13

Wiiki ghetaanyi‑ho eghetyenyi ghyokyose kino kiibhisiri ambërë e Ryobha. Ebheghiro bhyose mbeenyi haheero ambërë yaache, iwe niwe tokomobhoorera emeremo ghiito ghyose ghino toore toraköra.

1 Abhakorinto 4:4

gho kubha nteekorighi ghyokyose ekebhe mo‑motema waane. Amare riyo retaaghughëri eni netabha ne eriisari. Omutëmi Yesu niwe aghontenera ekiina.

1 Yohana 4:4

Amare abhaana bhaane abhasiighani, inyu n‑abhaato bha Ryobha moonyi na mobhakindiri abhaato bhayo bha bhuröngö. Motoriri kobhakinda gho kubha, Akörö e Ryobha neenyi moose yaanyu. Iyo neenyi no obhotoro ghokera akörö e Rishambu, ino eghukangata abhaato bhano bhataakorekumi Eryobha.

Yohana 21:17

Akamobhoori mara e ghatato akabhugha, “Simiyooni, omoona o Yohana, kana nonsiighiri?” Mbe, Bheetero akabha na amacheeche gho kubha ꞉naamobhooriri mara e ghatato kubha, “Kana, nonsiighiri?” Akamugharokeri akabhugha, “Oo Omutëmi, nogheeche ghoose. Weeche kubha neghosiighiri.” Yesu akamobhoorera akabhugha, “Oriishi changʼöndu cheene.

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.

Tiito 3:11

Weeche kubha omooto kinya uyo natighiri obhuhëënë, n‑omooto o masari, niiteniire ekiina omwene.

Yohana 8:9

Hano bhooghwire ghayo, bhakangʼuutu mo‑metema gheebho, bhaghasëëma ghutanura ke umu umu, abhagharuka nibho bhashamiri ghutanura. Antenero Yesu aghasaagha omwene chiri no omukari uyo, uno are imeeriire ambërë yaache.

Abheebhuraaniya 6:13

Mbe, hano Eryobha riraghiri Abhurahamu, ꞉ndiirahiiri kwo riina reeche eryene gho kubha taare‑ho wowoose uno are omokoro korekera.

Amaköri gha Bhatomu 5:33

Hano abhakoro bhayo bhooghwire ghayo, bhaghakarara chwee, mbaare bharëënda kobhiita abhatomu bhayo.

Abharuumi 8:34

Wiiki taanyi‑ho uno aghotora kobhatenera ekiina kubha m‑bha masari moonyi, gho kubha Kirisito Yesu, niwe akuure na koryoka koru mo‑bhaku. Wiiki niikeere eribhaara re kwiro re Ryobha, niwe aghotusabhera.

1 Yohana 3:19

Torasiighana hangʼu, ntoghotora kubha no obhuhëënë kubha, ntoghutambana obhuhëënë. Wiiki emetema ghiito ghetaakubha na ahaho ambërë e Ryobha.

1 Yohana 3:21

Abhasiighani bhaane, aribha totaaghoteneru ekiina mo‑metema ghiito, ntoghotora kubha no obhosubhesubhe bho kwimeerera ambërë e Ryobha.