1 Yohana 3:17 - Eriiraghano Eriihë

¹⁷ Omooto wowoose uno anyi no obhwame bho mo‑se ino, aramara amorighi mughëndi waache uno anyi na amënda, amare ange komorigheri changori komotoori, nibhu aghotora kobhugha kubha naanyi no obhosiighi bho Ryobha moose yaache?

1 Yohana 3:17 Referans Kwoze

Abheebhuraaniya 13:16

Mwëndërërë kobhatoori abhaghëndi na ghusanga nabho ebheghiro bhino moonyi nabhyo, gho kubha ghuköra hangʼu, nigho amaruusi ghano ghaghuchömëri Eryobha.

1 Yohana 4:20

Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.

Ruuka 3:11

Akabhagharokeri akabhugha, “Uno anyi na amaghööti abhere, aruusi rimu amuhë uno ataghöötë, wiiki uno anyi ne ebhiinyakurë, woose akörë hangʼu hangʼu.”

Yakobho 2:15

Aribha omokumi mughëndi waanyu o ghesubhe hamu o ghikari taghöötë angibho koru ebhiinyakurë,

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

Yakobho 2:16

na umu ghate yaanyu amobhoorere abhughe, “Nooghi no omurëmbë, waate omororo na ghwighota,” amare tamotooriri gho komobheeki hamu komwighoti, m‑bhwëra ke akubha amuköriire?