1 Yohana 3:15 - Eriiraghano Eriihë

¹⁵ Wowoose uno amurëghiri mughëndi waache, n‑omwiti. Mweche kubha taanyi‑ho omwiti uno anyi no obhuhöru bho miishe ghyose moose yaache.

1 Yohana 3:15 Referans Kwoze

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Amaköri gha Bhatomu 23:14

Mbe, bhakabhasëëta abhakoro bha bhachaama na abhagharuka bha Bhayahuuti, bhakabhabhoorera, “Nturahiiri kubha, totaaghusama ghyokyose, mbagha tomwite Bhawuro.

Yakobho 1:15

Amiigha gharaköngʼa ngakurëëta amasari, na amasari gharaköngʼa ngakurëëta oroko.

Amaköri gha Bhatomu 23:12

Hano bhookiire, Abhayahuuti abhande bhaghaköra ekiina kebhe ighoro e Bhawuro. Bhaghatoora eriiraheri kubha, bhataakuraaghëra na bhataakunyo egheghiro ghyokyose mbagha bhamwite Bhawuro.

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Maariko 6:19

Mbe, Herotiya akamurëgha chwee Yohana, naare arëënda komwita, amare taatoriri.

Mataayo 5:28

Amare eni ˆnekabhabhoorera kubha, omooto wowoose uno akomumööhërëri omukari gho komwighomba, namariri ghutaara nawe mo‑körö yaache.

1 Bheetero 1:23

gho kubha mwibhwiru mara e kabhere. Kwibhoru kuyo, ghotarweriire mo‑bhiiso bhano bhaghotora ghoku, amare inyu mwibhwiru kwo ngʼana e Ryobha ino enyi ihöru na neekubha‑ho emiishe ghyose.

1 Yohana 2:9

Omooto wowoose uno akobhugha kubha namanyiri mo‑bhwero, ino amurëghiri omokumi mughëndi waache, akeere amanyiri mo‑kengʼuuri.

1 Yohana 2:11

Uno amurëghiri mughëndi waache, namanyiri mo‑kengʼuuri. Wiiki naghughënda mo‑kengʼuuri, naghuköra egheghiro ghyokyose amare ateeche amabhe na amachömu, gho kubha ekengʼuuri ngekundekiiri amiisho ghaache.