1 Yohana 3:14 - Eriiraghano Eriihë

¹⁴ Itu ntweche kubha ntoruure mo‑changuru che roko, na ghusöha mo‑bhuhöru bho miishe ghyose. Ntweche hangʼu gho kubha ntobhasiighiri abhaghëndi bhiito. Omooto wowoose uno ataghöötë obhosiighi naanyi mo‑roko.

1 Yohana 3:14 Referans Kwoze

1 Yohana 5:2

Ntweche kubha ntobhasiighiri abhaana bha Ryobha, hano tokoresiigha Eryobha, na ghosooka emeghiro gheeche.

Yohana 13:35

Erabha morasiighana, abhaato bhoose mbakumënya kubha inyu n‑abhaanabheegha bhaane moonyi.”

1 Abhatesaronike 4:9

Ibheere, teekwëndëru ango tobhaandëkërë wiiki amangʼana ighoro e ghosiighana, gho kubha inyu bheene mweghuru ne Eryobha kinya mokwëndëru ghosiighana.

Yohana 5:24

“Mahëënë ˆnekabhabhoorera, abhaato bhoose bhano bhaghoghooghu amangʼana ghaane na korekumi Eryobha rino rentomiri mbaanyi no obhuhöru bho miishe ghyose. Bhataaghoteneru ekiina kwo masari ghaabho, amare mbatëënyiri koru mo‑roko na ghusöha mo‑bhuhöru bho miishe ghyose.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

Mataayo 25:40

Niho eni uno neenyi Omutëmi nekobhagharokeri nebhughe, ‘Mahëënë ˆnekabhabhoorera, ghyokyose kino muköriire umu mo‑bhakumi bhano bhakorighibhu bhataanyi no obhwëra, mbe, neeni muköriire.’

Abheebhuraaniya 13:1

Mwëndërërë ghosiighana kinya bhuno ekwëndëru mo‑bhakumi.

Yohana 15:12

Eriiraghereri reene niryo rino, mosiighane, kinya bhuno nebhasiighiri inyu.

1 Yohana 4:12

Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

1 Bheetero 3:8

Antenero, ˆnekabhabhoorera bhoose kubha, mughöötane, na mubhe ne eriihëëbhö rimu, na mosiighane kinya abhahiiri, na morigherani changori na mubhe bhanyööhu.

Abhakorosaayi 1:4

Ntoghuköra hangʼu gho kubha ntooghwire kebhuno momokumiri Kirisito Yesu, na kinya obhosiighi bhoonyu bhoonyi kwo bhaato bhaache.

Abhaebheeso 1:15

Nekoriitabheri Eryobha gho ghiri e mangʼana ghoose ghano ꞉reetuköriire. Korwera hano nyoghwire kebhuno momokumiri Omutëmi Yesu, na kinya obhosiighi bhoonyu bhoonyi kwo bhaato bhaache,

1 Yohana 5:13

ˆNekabhaandëkëra amangʼana ghayo, inyu bhano moghokumi Omoona o Ryobha, kubha mumënyë moonyi no obhuhöru bho miishe ghyose.

Yohana 15:17

Mbe, nekabhahatëka inyu kubha, mosiighane.”

1 Yohana 2:3

Torasooka emeghiro ghe Ryobha, niho tookubha no obhuhëënë kubha ntomweche.

2 Bheetero 1:7

Na ghuköra hangʼu, kwëngërëërëru ghosiighana gho kehiiri, na ghosiighana gho kehiiri kuyo kwëngërëërëru no obhosiighi kwo bhoose.

Abhaebheeso 2:5

nikyo retoheere obhuhöru haghirohamu na Kirisito. ꞉Ndiiköriri hangʼu nangabha itu toore tokuure mo‑chaakörö, gho ghiri e masari ghiito. ꞉Ndeetotooriri gho ghareeya yaache.

2 Abhakorinto 5:1

Emebhere ghiito n‑kinya ekebhuru ke riibhagha ighuhe mo‑se muno. Amare ntweche kubha, hano gheghusarëka, Eryobha ndeghotuha chanyumba chino cheenyi Mwishaaro emiishe ghyose, chino chetaakwabhëku na amabhökö gha bhaato.

Abhaebheeso 2:1

Inyu moore mokuure mo‑chaakörö gho ghiri e mabhe na amasari ghaanyu.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Ruuka 15:32

Amare omonyi waacho uno, ntokwëndëru tomukörërë obhughëni na ghosiighasiigha haghirohamu. Niköriri hangʼu gho kubha naare abhoriri, amare ibheere ˆakabhönëka. Wiiki naare kinya akuure, ni ibheere m‑muhöru!’”

Ruuka 15:24

gho kubha omoona waane uno, naare abhoriri, amare ˆakabhönëka. Wiiki naare kinya akuure, amare ibheere m-muhöru!’ Niho bhayo bhoose bhaghasëëma ghuköra obhughëni gho ghuchömëru.

Ruuka 7:5

gho kubha nasiighiri ase yiito. Niwe atwabhëkiire ne erisinaghooghi.”