1 Yohana 3:13 - Eriiraghano Eriihë

¹³ Ibheere, bhaghëndi bhaane, motahagha erabha abhaato bhano bhataakoresooka Eryobha bharabharëgha.

1 Yohana 3:13 Referans Kwoze

Yohana 17:14

Nebhabhooriire abhaanabheegha bhaane amangʼana ghano oheere. Amare abhaato bha se ino mbabharëghiri, gho kubha ibho taanyi bha se ino, kinya bhuno eni netaanyi o mo‑se ino.

Ruuka 21:17

Abhaato bha matöngö ghoose mbakobharëgha, gho kubha moghuntambana eni.

Yakobho 4:4

Inyu n‑abhaato bhano motaanyi no obhuhëënë n‑kinya abhataari, bhano mokwanga Eryobha! Moteeche kubha, ghughöötana obhusaani na ase, n‑kubha abhabhisa bha Ryobha? Gho ghayo, omooto woose uno akwënda ghughöötana obhusaani na ase, naghwiköri omwene kubha omobhisa o Ryobha.

2 Timotewo 3:12

Mbe, bhoose bhano bhakomokumi Kirisito Yesu na mbakwënda kumanya eriimanya re korisëngëra Eryobha, mbaakubha bharanyaakibhu.

Maariko 13:13

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Abharuumi 8:7

Abhaato bhano bhaghukangatu na simoka yaabho e masari, bhayo n‑abhabhisa bha Ryobha. Bhataaghughööta emeghiro gheeche, bhataaghotora ghoghighööta.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Yohana 7:7

Abhaato bha mo‑se ino bhataghöötë ghe kobharëgha inyu, amare eni mbakundëgha gho kubha nekobhabhoorera kubha amaköri ghaabho m‑mabhe.

Ruuka 6:22

Ngʼoni inyu, bhano abhaato bhakobharëgha, gho ghiri yaane eni Omoona o Mooto, na kobhaahura, bharabhatoka, na kobhaghamba kubha inyu m-bhabhe moonyi.

Mataayo 24:9

Kwo riibhagha riyo, abhaato mbaakubha bharabhanyaaki na kobhiita, na abhaato bha matöngö ghoose mbakobharëgha, gho kubha moghuntambana eni.

Mataayo 10:22

Abhaato bhaaru mbakobharëgha inyu, gho kubha moghuntambana eni. Amare, wuure aghoghumereri mbagha antenero, uyo niwe aghotooribhu.

Amaköri gha Bhatomu 3:12

Hano Bheetero arooche abhaato bhayo, akabhabhoorera akabhugha, “Abhaghëndi bhaane abhaato bha Isiraeri, ngwake ghakobharoghoori ghayo? Kana ndighi moghotoomeri amiisho nköra n‑gho changuru chiito, hande obhutööbhiyu bhwito nibho bhomuköriri omooto uno atore ghughënda?

Yohana 16:2

Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Yohana 3:7

Otahagha gho kubha ˆneghakobhoorera kubha, ‘Nekwëndëru wibhoru mara e kabhere.’

Obhohunyurëru 17:7

Amare marayika wuure akamboori akabhugha, “Ghwake okaroghoora? Horeera nekobhoorere egheteemoro ghe kebhisere ke mukari uyo no oghotyenyi ghuno ghoore ghomughëghiri ghuno ghoore n‑emitu mohungate na chahëmbë ikomi.