1 Yohana 3:1 - Eriiraghano Eriihë

¹ Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.

1 Yohana 3:1 Referans Kwoze

Yohana 1:12

Amare bhoose bhano ꞉bhaamosongʼaaniri na komokumi, ꞉naabhaheere obhotoro bho kubha abhaana bha Ryobha.

Abhagharatiya 3:26

Ibheere inyu bhoose n‑abhaana bha Ryobha moonyi gho nchëra e ghokumi koonyu, gho kubha mughöötiine na Kirisito Yesu.

2 Abhakorinto 6:18

Neekubha Iso waanyu, na niinyu mookubha abhaana bhaane bha ghesubhe na bha ghikari. Hangʼu nibhu Omutëmi Waryobha o Bhotoro Bhoose, akobhugha!”

Yohana 17:25

Oo Taata uno onyi no obhuhëënë, abhaato bha se ino bhatakweche. Amare eni nekweche, wiiki abhaanabheegha bhaane mbeeche kubha n‑iye ontomiri.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Obhohunyurëru 21:7

Wowoose uno aghokinda amasaki, nekomuha ghayo ghoose. Eni neekubha Eryobha reeche, iwe niwe akubha omoona waane.

Abharuumi 5:8

Amare Eryobha ndetwërëkiri kubha ndetosiighiri chwee, gho komoruusi Kirisito aku gho ghiri yiito, hano itu toore tokeere abhaköri bha masari.

Abhagharatiya 3:29

Erabha inyu na abhaato bha Kirisito moonyi, mbe, m‑bha rwibhoro ro Abhurahamu moonyi, na mokubhöna aghabho ino Eryobha ꞉riiraghiri.

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

Yohana 16:3

Mbakobhakörëra hangʼu, gho kubha bhatamweche Taata, wiiki bhatanyeche eni.

Abhakorosaayi 3:3

gho kubha atëëmö yaanyu e masari nekuure. Ibheere obhuhöru bhoonyu mboonyi haghirohamu na Kirisito ambërë e Ryobha. Amare obhuhöru bhuyo bhotaakorighibhu mo‑bhaato abhande.

Abharuumi 8:21

gho kubha mbeghotooribhu koru mo‑kibhöhö ghe ghusarëka no oroko. Hayo niho bhekuhaabhu obhohuuru bho bhokumi obhokoro bhuno Eryobha rekobhaha abhaana bhaache.

Ruuka 20:36

Wiiki bhataaghotora ghoku, gho kubha mbaakubha kinya bhamarayika. Mbaakubha abhaana bha Ryobha, gho kubha mbaryokiibhu koru mo‑bhaku.

Yohana 11:52

Wiiki Yesu taaghoku gho ghiri e ritöngö riyo eryene chiri, amare kubha abhakome abhaana bha Ryobha bhano bhasanchiri, kubha bhabhe haghirohamu.

Yohana 15:21

Amare mbakobhakörëra ghoose ghayo, gho ghiri e ghuntambana eni, gho kubha bhatamweche uno antomiri.

Abharuumi 8:19

Ebheghiro bhyose bhino ꞉bhiitëëmuru, mbeghughanya kwo miigha chwee eriibhagha rino Eryobha rekuucha kwërëkani abhaana bhaache.

1 Yohana 3:2

Abhasiighani bhaane, ibheere itu n‑abhaana bha Ryobha, amare timënyuru haheero bhuno tookubha. Koru hangʼu ntweche kubha eriibhagha rino Kirisito aghugharuka wiiki, ntoghotuubhaana nawe, gho kubha ntokomorighi kinya anyi.

1 Yohana 3:10

Amare omooto uno ataaghuköra gha hëënë, hamu uno atamosiighiri mughëndi waache, uyo taanyi omoona o Ryobha. Hangʼu niho tokumënya obhwahukani bho bhaana bha Ryobha, na abhaana bha Rishambu.

1 Yohana 4:17

Gho nchëra iyo, obhosiighi bhooche mbohikeriine ghokwito, kubha tubhe no obhosubhesubhe orosiko ro ghoteneru ekiina. Ntookubha nabho gho kubha, eriimanya riito re mo‑se ino, ndetuubhiine ne eriimanya re Yesu.