1 Yohana 2:29 - Eriiraghano Eriihë

²⁹ Mweche kubha Kirisito n‑o bhuhëënë, gho ghayo, mumënyë kubha wowoose uno aghuköra gha bhuhëënë, niwe omoona o Ryobha.

1 Yohana 2:29 Referans Kwoze

1 Yohana 3:7

Ibheere abhaana bhaane abhasiighani, motiishereri kubha omooto wowoose abharumeeri. Wowoose uno aghuköra gha bhuhëënë naanyi no obhuhëënë ambërë e Ryobha, kinya bhuno Kirisito anyi no obhuhëënë.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

Yohana 1:13

Bhayo nibho abhaana bha Ryobha, bhano ꞉bhiibhwiru taanyi kwo masaahë, hamu amiigha gha mobhere, hamu amiigha gha mosubhe, amare n‑kwo Ryobha eryene.

1 Yohana 4:7

Abhasiighani bhaane, tosiighane, gho kubha obhosiighi mbookoru kwo Waryobha. Omooto wowoose uno asiighiri mughëndi waache, n‑omoona o Ryobha, wiiki niwe aryeche Eryobha.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

Yakobho 1:18

Gho kwënda kooche eryene, ndetuköriri tubhe abhaana bhaache, gho nchëra e ngʼana yaache e hëënë, kubha tubhe a bhambërë mo‑bhyose bhino ꞉riitëëmiri.

1 Yohana 5:4

gho kubha uno anyi o moona o Ryobha, naghoghakinda gha mo‑se ino. Ntoghoghakinda gho nchëra e bhokumi bhwito.

Amaköri gha Bhatomu 10:35

Iryo ndekobhiishereri abhaato bha matöngö ghoose bhano bhakomoghwera, na ghuköra ghano ghaanyi gha hëënë ambërë yaache.

2 Bheetero 1:4

Gho nchëra iyo, ndetoheere ebhihaano ebhekoro na bhe riighori, bhino ꞉reeturaghiire. Ebhihaano bhiyo, mbeghototoori koru mo‑bhobhe bho ghusari abhaato bhuno bhoonyi mo‑se, gho ghiri e miighombo amabhe. Wiiki mbeghototoori tubhe no obhughöötani bho simoka e Ryobha.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

Abheebhuraaniya 7:26

Omuchaama Omokoro anga uyo nakwëndëru chwee ghokwito gho kubha iwe m‑Mutööbhiyu, na taanyi ni isörö, wiiki taaköriri amasari ghoghoose ghaare. Eryobha ndemwahwire koru mo‑bhaköri bha masari, rekamotiiri ghuye Mwishaaro.

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

Amaköri gha Bhatomu 22:14

“Akamboorera, ‘Eryobha re bhasookoro bhiito ndekwahwire, gho ghiri umënyë amiigha ghaache, na wirigheri Yesu uno anyi omuhëënë ambërë yaache, na koritëghëërëra eriiraka reeche omwene.

3 Yohana 1:11

Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.

1 Yohana 5:18

Ntweche kubha omoona wowoose o Ryobha, taakwëndërëra ghuköra amasari, gho kubha Omoona o Ryobha nakomochonga, Erishambu retaaghotora komoturi.

1 Yohana 3:5

Mweche kubha Kirisito ꞉niichiri koruusi amasari ghiito. Wiiki iwe taaghuköra amasari ghoghoose.

1 Yohana 2:1

Abhaana bhaane abhasiighani, ˆnekabhaandëkëra amangʼana ghayo, kubha motaköra amasari. Amare koru aribha omooto wowoose araköra amasari, ntughöötë uno aghotusabhera o‑Taata Waryobha, uyo niwe Yesu Kirisito, uno anyi obhuhëënë.

1 Bheetero 1:23

gho kubha mwibhwiru mara e kabhere. Kwibhoru kuyo, ghotarweriire mo‑bhiiso bhano bhaghotora ghoku, amare inyu mwibhwiru kwo ngʼana e Ryobha ino enyi ihöru na neekubha‑ho emiishe ghyose.

Abheebhuraaniya 7:2

Iwe Abhurahamu akaruusi imu ghwi ikomi mo‑bheghiro bhino ahökiri abhatëmi bhaare mwihë na komuha Merikiseteeki. Eriina re Merikiseteeki egheteemoro keeche, “Omutëmi uno anyi no obhuhëënë,” wiiki eriina re “Omutëmi o Sareemu” egheteemoro keeche, “Omutëmi o murëmbë.”

Amaköri gha Bhatomu 3:14

mokamusabha Bhiraato kubha, omwiti ighoreru, amare Yesu aku. Mokamwanga Yesu Omutööbhiyu o Ryobha, uno niwe omwene chiri omuhëënë ambërë e Ryobha.

Yohana 7:18

Omooto wowoose uno aghosiikëra ghaghaache omwene, naghwitabharera obhokumi bhooche obhokoro omwene. Amare uno aghutabhara obhokumi obhokoro bho wuure amotomiri, naghosiikëra gha hëënë, taanyi gha bhuröngö.”