1 Yohana 2:27 - Eriiraghano Eriihë

²⁷ Inyu motakongʼiinu, gho kubha Kirisito nabhaheere Akörö Ahörëëru, ino eghwikara moose yaanyu. Iyo niyo ekobheeghi ghoose, ameeghi ghaache n‑gha mahëënë, ghataanyi gha bhuröngö. Gho ghayo, teekwëndëru kubha omooto abheeghi. Kinya bhuure Akörö ebheeghiri, ibheere mwëndërërë kubha no obhumu na Kirisito.

1 Yohana 2:27 Referans Kwoze

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

1 Abhakorinto 2:13

Wiiki totaaghosiikëra amangʼana ghano tweghuru na amangʼiini gha bhaato, amare ntoghosiikëra ghano tweghuru na Akörö e Ryobha. Ntokobhabhoorera amangʼana gha Körö e Ryobha abhaato bhano bhaanyi na Akörö iyo.

Yohana 16:13

Amare Akörö e bhuhëënë, hano ekuucha ghokoonyu, nekobhakangata kobhumënya obhuhëënë bhoose. Teekobhugha kwo bhotoro bhooche ayeene, amare nekobhugha ghano yoghwire na kobhabhoorera ghano ghakuucha.

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

2 Yohana 1:2

Nebhasiighiri gho kubha eni na niinyu ntweche obhuhëënë, wiiki ntokwëndërëra kobhumënya miishe ghyose.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

1 Yohana 2:28

Ibheere abhaana bhaane abhasiighani, mwëndërërë kubha no obhumu na Kirisito, kubha araacha korighibhu wiiki, tubhe no obhosubhesubhe ambërë yaache, totiibhisa gho chaasoni.

1 Bheetero 1:23

gho kubha mwibhwiru mara e kabhere. Kwibhoru kuyo, ghotarweriire mo‑bhiiso bhano bhaghotora ghoku, amare inyu mwibhwiru kwo ngʼana e Ryobha ino enyi ihöru na neekubha‑ho emiishe ghyose.

Abhakorosaayi 2:6

Mbe, gho ghayo, kinya bhuure momwisheriiri Kirisito Yesu kubha Omutëmi, mwëndërërë kumanya gho ghughöötana nawe.

Yohana 14:17

Akörö iyo nekobhahunyurera abhaato obhuhëënë. Abhaato bhano bhakwanga Eryobha bhataaghotora ghosongʼaana Akörö iyo, gho kubha bhataakoyerighi, wiiki bhatayeeche. Amare inyu moyeeche Akörö iyo gho kubha neghwikara haghirohamu na niinyu, wiiki neekubha moose yaanyu.

Abhaebheeso 4:21

Aribha hangʼu keenyi, inyu mooghwire amangʼana ghaache na kweghibhu, kinya obhuhëënë bhoonyi ighoro e Yesu.

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

1 Timotewo 2:7

Gho ghayo, eni netooruru kubha omotomu no omuraghani o Ngʼana Anchömu e hëënë e Yesu Kirisito mo‑bhaato bha matöngö, nebhahirere amangʼana ghayo na nebheeghi ighoro e ngʼana ino e bhokumi ne e bhuhëënë. Amangʼana ghano neghosiikëra n‑gha hëënë, nteekobhangʼiina.

Mataayo 13:11

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bho Mwishaaro, amare ibho bhakeere kumënya ghayo,

Yohana 6:45

Yandëkuru mo‑Mandëkö Amatööbhiyu kubha, ‘Eryobha ndekobheeghi abhaato bhoose.’ Mbe, omooto wowoose uno aghutëghëërëra na kwegha koru gho Taata, nakuucha ghokoone.

Yohana 14:16

Mbe, na neeni nekomusabha Taata kubha abhahë Omotoorereri owonde, kubha ikare na niinyu emiishe ghyose.

1 Abhakorinto 2:12

Eryobha ndetoheere itu Akörö yaache, kubha toghamënyë ghano tuhaabhuru gho ghareeya yaache. Mbe, totaakwihëëbha kinya bhuno abhaato bha mo‑se bhakwihëëbha.

2 Abhakorinto 1:21

Mbe, Eryobha niryo reghotuköngʼi itu na niinyu gho ghughöötana kwito na Kirisito. Ndetwahwire,

1 Abhatesaronike 4:9

Ibheere, teekwëndëru ango tobhaandëkërë wiiki amangʼana ighoro e ghosiighana, gho kubha inyu bheene mweghuru ne Eryobha kinya mokwëndëru ghosiighana.