1 Yohana 2:26 - Eriiraghano Eriihë

²⁶ ˆNekabhaandëkëra ghano, kobhashaangʼi ighoro e bhaato bhaare bhaghusaki kobharumeeri.

1 Yohana 2:26 Referans Kwoze

2 Yohana 1:7

Nekobhugha hangʼu gho kubha abharöngö bhaaru mbarweriire mo‑se ino, bhano bhataaghwishereri kubha Yesu Kirisito ꞉niichiri akabha no omobhere kinya omooto. Omooto wowoose uno aghosiikëra ghayo n‑omuröngö, wiiki n‑omobhisa o Kirisito.

1 Yohana 3:7

Ibheere abhaana bhaane abhasiighani, motiishereri kubha omooto wowoose abharumeeri. Wowoose uno aghuköra gha bhuhëënë naanyi no obhuhëënë ambërë e Ryobha, kinya bhuno Kirisito anyi no obhuhëënë.

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Abhakorosaayi 2:8

Mbe, mubhe miisho, omooto wowoose ataacha kobharumeeri kwo meeghi gha bhoowa na gha bhuröngö ghano ghakorwera mo‑chaasughara che bhaato. Ameeghi ghayo ngaghwitëngʼëra chaakörö chambe chino cheghukangata ase ino na ghataanyi gha Kirisito,

1 Timotewo 4:1

Ibheere, Akörö Ahörëëru neghosiikëra kyono kubha, mo‑rosiko ro ntenero, abhande mbaghotigha obhokumi bho hëënë, na ghutambana chaakörö che bhuröngö, na ameeghi gha misambu.

2 Timotewo 3:13

Amare abhaköri bha masari na abharöngö mbakwëndërëra kubha abhaköri bha masari chwee, mbaakubha bharangʼiina na kongʼiinu.

Abhakorosaayi 2:18

Motatëghëërëra omooto wowoose uno akwiyëërëki gho nche kubha m‑munyööhu no omusëngëri o bhamarayika. Omooto kinya uyo atabhahöka atuho yaanyu e miishe ghyose. Uyo naghwitoora mo‑marighi ghaache, wiiki akiiraghaani kwo miihëëbhö ghaache gha simoka e masari.