1 Yohana 2:24 - Eriiraghano Eriihë

²⁴ Ibheere, mwëndërërë ghoghatoora mo‑metema gheenyu amangʼana ghano mweghuru korwera hano mokumiri Kirisito. Moraköra hangʼu, niho na niinyu mokwëndërëra kubha no obhumu no Omoona, na Taata Waryobha.

1 Yohana 2:24 Referans Kwoze

Yohana 14:23

Yesu akamugharokeri akabhugha, “Omooto wowoose uno ansiighiri, naghughööta angʼana yaane. Taata waane nakomosiigha, wiiki eni na Taata ntookuucha ghokooche na ghwikara haghirohamu nawe.

1 Yohana 4:13

Itu ntoonyi no obhumu ne Eryobha, ne Eryobha ryose ndeenyi no obhumu na niitu. Ntweche hangʼu gho kubha ndetoheere Akörö yaache.

1 Yohana 4:16

Ibheere, itu ntweche na ghokumi kubha Eryobha ndetosiighiri. Eryobha n‑obhosiighi. Wowoose uno anyi no obhosiighi, niwe anyi no obhumu ne Eryobha, Eryobha ryose ndeenyi no obhumu nawe.

Obhohunyurëru 3:3

Mohiite ghano mweghuru na ghano mooghwire, moghatambane bhoheene ghayo na motuukuune. Moraanga ghutënga, nekuucha kinya bhuure omwibhi ahaacha, koru motaakumënya eriibhagha rino nekuucha.

1 Yohana 2:7

Abhasiighani bhaane, omoghiro uno nabhaandëkiire taanyi muhë, amare n‑omoghiro wuure o kare, uno moore nawe korwera hano mokumiri Kirisito. Omoghiro uyo o kare, n‑angʼana yiire mooghwire ighoro e bhosiighi.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

Yohana 15:7

Aribha moghwikara moose yaane na amangʼana ghaane ghiikare moose yaanyu, mbe, musabhe Taata ghyokyose kino mokwënda, na niinyu mokuhaabhu.

Obhohunyurëru 3:11

Nekuucha ibheerebheere! Moghaghöötërërë bhoheene amachömu ghayo moonyi nagho, kubha omooto ataacha kobhahöka atuho yaanyu.

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Abhabhiribhi 4:15

Kinya mweche inyu Abhabhiribhi, hayo ekimbërë hano niisëëmiri kobharaghaneri inyu Angʼana Anchömu, na hano neruure mo‑mukööwa waanyu o Maketoniya, inyu bheene nibho moore morantoori. Eriikanisa reenyu niryo reere no obhughöötani na neeni mo‑koruusi na kumbönëra ebheghiro.

3 Yohana 1:3

Nichömiiru chwee, hano bhiichiri abhaghëndi bhiito abhande na komboorera kubha nokwëndërëra ghughööta obhuhëënë, na ghwikara mo‑bhuhëënë.

2 Yohana 1:2

Nebhasiighiri gho kubha eni na niinyu ntweche obhuhëënë, wiiki ntokwëndërëra kobhumënya miishe ghyose.

Abheebhuraaniya 2:1

Gho ghayo, tubhe miisho chwee gho ghano tooghwire, kubha totaacha ghoghatigha na ghughöötana na amangʼana aghande.

Yohana 8:25

Mbe, bhakamobhoori Yesu bhakabhugha, “Notobhoorere iye n‑niwe?” Yesu akabhagharokeri akabhugha, “Eni niwe wuure uno ꞉neebhabhooriire korwera ekimbërë hano neere kweghi.

Ruuka 1:2

Amangʼana ghayo, ꞉mbaaghaandëkiri kinya ꞉toobhooriiru na abhaato bhaare bhagharooche korwera simoka e meremo ghe Yesu. Wiiki nibho ꞉bhaare bharasanchi angʼana e Ryobha.

Ruuka 9:44

“Amangʼana ghano nekobhabhoorera ibheere, mutëghë amatu. Eni Omoona o Mooto neghughöötu na kohiru mo‑mabhökö gha bhaato.”

Yohana 6:56

Omooto wowoose uno akurë omobhere waane na kunyo amasaahë ghaane naakubha arëëndërëra ghwikara moose yaane na neeni neghwikara moose yaache.

1 Yohana 3:24

Omooto wowoose uno aghosooka emeghiro ghe Ryobha, naanyi no obhumu naryo. Eryobha ryose ndeenyi haghirohamu nawe. Ntweche kubha Eryobha ndeenyi haghirohamu na niitu, gho kubha ntoonyi na Akörö Ahörëëru ino retoheere.

1 Yohana 4:15

Omooto wowoose uno aghokumi na aghwishereri kubha Yesu n‑Omoona o Ryobha, Eryobha ndeenyi no obhumu nawe, woose naanyi no obhumu ne Eryobha.

2 Yohana 1:9

Wowoose uno ataakwëndërëra ghughööta ameeghi gha Kirisito, wiiki naghugharura ameeghi ghayo, uyo taanyi no obhumu ne Eryobha. Amare, uno akwëndërëra ghughööta ameeghi gha Kirisito, naanyi no obhumu na Taata Waryobha no Omoona waache.