1 Yohana 2:23 - Eriiraghano Eriihë

²³ Omooto uno akomwanga Omoona, tamweche Taata Waryobha. Amare uno akomokumi Omoona ambërë e bhaato, iwe naanyi no obhumu na Taata Waryobha.

1 Yohana 2:23 Referans Kwoze

1 Yohana 4:15

Omooto wowoose uno aghokumi na aghwishereri kubha Yesu n‑Omoona o Ryobha, Eryobha ndeenyi no obhumu nawe, woose naanyi no obhumu ne Eryobha.

Yohana 8:19

Niho Amabharisaayo bhakamobhoori Yesu bhakabhugha, “Kana, Iso hayi anyi?” Yesu akabhagharokeri akabhugha, “Inyu motanyeche eni, koru Taata waane motamweche. Erabha mongamënyiri eni, mongamumënyiri na Taata waane woose.”

Yohana 10:30

Eni na Taata m‑bhamu toonyi.”

Yohana 5:23

Gho nchëra iyo, abhaato bhoose mbakomosooka Omoona kinya bhuno bhakomosooka Taata. Omooto wowoose uno ataakomosooka Omoona, mbe, taakomosooka Taata uno amotomiri.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

1 Yohana 2:22

Omooto omobhiihi n‑niwe? Omooto omobhiihi w‑wowoose uno akwanga kubha Yesu n‑Kirisito. Wowoose uno akomwanga Taata Waryobha na Yesu Omoona waache niwe omobhisa o Kirisito.

Yohana 16:3

Mbakobhakörëra hangʼu, gho kubha bhatamweche Taata, wiiki bhatanyeche eni.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

1 Yohana 4:2

Anchëra e kumënya kubha omooto uno naghukangatu na Akörö e Ryobha niyo ino, wowoose uno aghokumi kubha Yesu Kirisito ꞉niichiri mo‑se akabha no omobhere kinya omooto, uyo niwe aghukangatu na Akörö e Ryobha.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.