1 Yohana 2:14 - Eriiraghano Eriihë

¹⁴ Nabhaandëkiire bhataata, gho kubha momweche Taata Waryobha uno are‑ho korwera simoka. Nabhaandëkiire abhabhureni, gho kubha moonyi na changuru, na mokwëndërëra ghughööta angʼana e Ryobha, na morekindiri Erishambu.

1 Yohana 2:14 Referans Kwoze

1 Yohana 2:13

Nabhaandëkiire bhataata, gho kubha momweche Yesu Kirisito, uno are‑ho korwera simoka. ˆNekabhaandëkëra abhabhureni, gho kubha morekindiri Erishambu. Nabhaandëkiire inyu abhaana, gho kubha momweche Taata Waryobha.

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

Yohana 15:7

Aribha moghwikara moose yaane na amangʼana ghaane ghiikare moose yaanyu, mbe, musabhe Taata ghyokyose kino mokwënda, na niinyu mokuhaabhu.

Abhaebheeso 6:10

Mbe, nekwënda kobhugha kubha, mughöötiine no Omutëmi Yesu, gho ghayo, mubhe morabhöna changuru koru mo‑bhotoro bhooche obhokoro.

Yohana 8:31

Mbe, Yesu akabhabhoorera Abhayahuuti bhaare bhamokumiri akabhugha, “Erabha moghutambana ameeghi ghaane, mahëënë inyu n‑abhaanabheegha bhaane moonyi.

Yohana 5:38

Amangʼana ghaache ghataaghwikara moose yaanyu, gho kubha motaaghonkumi eni uno Eryobha rentomiri ghokoonyu.

Obhohunyurëru 2:7

Uno anyi na amatu atëghëërërë amangʼana ghano Akörö Ahörëëru eghoghabhoorera amakanisa. Omooto wowoose uno aghokinda amasaki, nekomwisherereri kurë amakorobhese gha mote o kobhaha abhaato obhuhöru. Omote uyo noonyi Mwishaaro mo‑kinyaweera ke Ryobha.’”

3 Yohana 1:3

Nichömiiru chwee, hano bhiichiri abhaghëndi bhiito abhande na komboorera kubha nokwëndërëra ghughööta obhuhëënë, na ghwikara mo‑bhuhëënë.

2 Yohana 1:2

Nebhasiighiri gho kubha eni na niinyu ntweche obhuhëënë, wiiki ntokwëndërëra kobhumënya miishe ghyose.

Abheebhuraaniya 8:10

Eriiraghano Eriihë rino nekoretoora na Abhiisiraeri mo‑chaasiko chino chekuucha niryo rino. Neghotoora emeghiro gheene mo‑bhongo bhoobho, na neghoghyandëka mo‑metema gheebho. Eni neekubha Eryobha reebho nabho mbaakubha abhaato bhaane.

Abhakorosaayi 1:11

Ntoghusabha kubha Eryobha ryëndërërë kobhatoori gho changuru cheeche chino chetaanyi ne ekirëngërë, kubha motore ghoghumereri. Mbe, muchömëru

2 Timotewo 2:1

Ibheere iye omoona waane, ubhe na changuru gho nchëra e ghareeya ino tuhaabhuru gho komokumi Kirisito Yesu.

Abhabhiribhi 4:13

Neghotora ghuköra ghoose ghayo, gho kubha Kirisito niwe akuuha changuru.

Obhohunyurëru 2:3

Wiiki, nyeeche munyaakiru chwee gho ghiri e riina reene, amare moghumeriiri na koru ibheere motaamara mutamu.

1 Yohana 1:10

Torabhugha totaköriri amasari, ntokoriköra Eryobha kubha n‑ibhiihi, wiiki angʼana yaache teenyi moose yiito.

Yohana 8:37

Nyeeche kubha inyu n‑orwibhoro ro Abhurahamu, amare mokwënda koonyita eni gho kubha mokwanga ghokumi ghano nekobheeghi.

1 Yohana 1:1

Ntokobhaandëkëra angʼana ighoro e uno anyi Angʼana e bhuhöru, uno are‑ho korwera simoka. Itu ꞉ntoomooghwire na komorighi kwo miisho ghiito abheene, ꞉ntoomorooche na komoturi na amabhökö ghiito.