1 Yohana 1:8 - Eriiraghano Eriihë

⁸ Aribha tookobhugha kubha itu totaanyi na amasari, ntokwingʼiina itu bheene, toteeche obhuhëënë.

1 Yohana 1:8 Referans Kwoze

Abharuumi 3:23

gho kubha abhaato bhoose mbaköriri amasari ne eriimanya reebho retaakwërëki obhokumi obhokoro bho Ryobha.

Yakobho 3:2

Kwo bhuhëënë, itu bhoose ntohaataasi gho chanchëra haghare haghare. Aribha omooto wowoose ataaghutaasi gho ghosiikëra kooche, iwe n‑omooto uno anchakiine, iwe naghotora kowuhööchërëra omobhere waache woose.

1 Yohana 2:4

Wowoose uno akobhugha naanyi no obhumu ne Eryobha, ino taaghosooka emeghiro gheeche, m‑muröngö, tabhweche obhuhëënë.

1 Yohana 1:10

Torabhugha totaköriri amasari, ntokoriköra Eryobha kubha n‑ibhiihi, wiiki angʼana yaache teenyi moose yiito.

Abhagharatiya 6:3

Mbe, omooto wowoose uno akwirighi kubha no obhwëra ghokera bhaghëndi bhaache, uyo taanyi no obhwëra bhobhoose, nakwingʼiina.

Yakobho 1:26

Aribha omooto ariirighi kubha naanyi na atiini, amare ataakoruhööchërëra ororeme rooche, uyo nakwingʼiina mo‑motema waache, ghutambana kooche atiini ghotaanyi no obhwëra ambërë e Ryobha.

1 Timotewo 6:5

wiiki ngaghusari obhoghwani chaasiko choose. Abhaato bhayo mbasarëkiri emitu, bhateeche obhuhëënë. Mbakwihëëbha kubha korisëngëra Eryobha niyo anchëra e kubhöna obhwame.

1 Abhakorinto 3:18

Omooto wowoose ghate yaanyu atingʼiina kubha naanyi na amangʼiini. Aribha omooto akwirighi kubha naanyi na amangʼiini mo‑se ino, ngʼoni abhe muraghaanu kubha abhönë amangʼiini gha hëënë.

2 Yohana 1:2

Nebhasiighiri gho kubha eni na niinyu ntweche obhuhëënë, wiiki ntokwëndërëra kobhumënya miishe ghyose.

1 Yohana 1:6

Aribha tookobhugha kubha ntoonyi no obhumu ne Eryobha, ino törëëndërëra ghwikara mo‑kengʼuuri, ntoghosiikëra obhuröngö. Wiiki totaaghuköra ghano ghaanyi gha hëënë.

Yakobho 1:22

Wiiki motabha moringʼiina gho ghutëghëërëra okwene angʼana e Ryobha, amare mukörë kinya ekobhugha.

2 Timotewo 3:13

Amare abhaköri bha masari na abharöngö mbakwëndërëra kubha abhaköri bha masari chwee, mbaakubha bharangʼiina na kongʼiinu.

3 Yohana 1:3

Nichömiiru chwee, hano bhiichiri abhaghëndi bhiito abhande na komboorera kubha nokwëndërëra ghughööta obhuhëënë, na ghwikara mo‑bhuhëënë.

2 Bheetero 2:13

Wiiki mbakorehu anyaako kinya ino bhabhaköriire abhaato abhande. Mbahaachömëru ghwighomba ghuköra amangʼana ghaabho amabhe haheero. Koru hano bhakuraaghëra haghirohamu na niinyu, mbahaachömëru kobhangʼiina.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Abharuumi 3:10

N‑kinya Amandëkö Amatööbhiyu ghakobhugha kubha, “Taanyi‑ho omooto uno anyi omuhëënë ambërë e Ryobha, koru umu.

1 Yohana 4:20

Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.