1 Timotewo 6:5 - Eriiraghano Eriihë

⁵ wiiki ngaghusari obhoghwani chaasiko choose. Abhaato bhayo mbasarëkiri emitu, bhateeche obhuhëënë. Mbakwihëëbha kubha korisëngëra Eryobha niyo anchëra e kubhöna obhwame.

1 Timotewo 6:5 Referans Kwoze

2 Timotewo 3:5

Abhaato bhayo, gho nche mbakorighibhu kinya abhaato bhano bhakorisëngëra Eryobha, amare mo‑metema gheebho mbakwanga changuru cheeche. Abhaato bha atëëmö iyo, wikabhaahe nabho.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

2 Timotewo 3:8

Abhaato bhayo, bhaghusöha mo‑chaaka che bhaato, mbakwanga obhuhëënë, kinya Yaane na Yambure, bhano ꞉bhaashangʼaaniri na Musa. Abhaato bhayo obhongo bhoobho m‑bhobhe, mbatighiri korekumi Eryobha.

1 Timotewo 6:6

Mahëënë, korisëngëra Eryobha ngokomuköra omooto abhe omwame chwee, aribha arahaabha ne ebheghiro bhino anyi nabhyo.

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [

Mataayo 12:33

“Omote omuchömu nohaasönga amakorobhese amachömu, no omote omobhe nohaasönga amakorobhese amabhe. Noghotora kumënya omote kebhuno onyi kwo makorobhese ghano oghusönga.

1 Timotewo 1:6

Amare abheeghi abhamu mbatighiri ghayo, mbigharwire, ˆbhaghikareerera ghosiikëra amangʼana ghano ghataanyi no obhwëra.

Obhohunyurëru 18:3

Nooghwire gho kubha abhaato bha matöngö ghoose mbanywire adivaayi yaache, mbarëëwuru na amiigha gha bhutaari bhooche, na abhatëmi bha se mbaare bhataariri nawe. Abhasorocha bha mo‑se ꞉mbaamihiri gho ghiri e bhwaru bho bhwame bhooche bhuno bhotaanyi ne ekirëngërë.”

Yuuta 1:11

Horeera mbakorighi, gho kubha mbatambiine anchëra ambe e Kaayini, gho ghwisöhi mo‑bhuröngö kubha bhabhönë obhwame, kinya bhuno Bharaamu ꞉aköriri. Horeera mbakorighi, gho kubha mbaghosireekerera kurëngʼaana no obhwigharurani bhoobho, kinya bhuno Koora asirekeriire kurëngʼaana no obhwigharurani bhooche.

2 Bheetero 2:15

Mbatighiri anchëra angöröröku, mbabhoriri na ghutambana anchëra e Bharaamu, mwërëëti o Bhewoori. Iwe ꞉naasiighiri ghosongʼaana amareho gho nchëra e ghuköra amabhe.

1 Timotewo 3:8

Amashemaasi hangʼu hangʼu, bhabhe abhaato bhano bhaanyi na atëëmö inchömu, bhatabha chaghughuuti, bhatabha abharëëbhi, bhatiighomba kwibhönëra chambiiri gho nchëra ambe.

2 Abhatesaronike 3:6

Abhahiiri bhiito, ntokobharaghereri kwo bhukangati bho Mutëmi Yesu Kirisito kubha, mobhiisache abhaghëndi bhaanyu bhano bhaanyi abhatöbhu bhano bhataaghutambana ameeghi ghano tobhaheere.

Mataayo 21:13

Yesu akabhabhoorera akabhugha, “Yandëkuru mo‑Mandëkö Amatööbhiyu kubha, ‘Anyumba yaane neekubha anyumba e masabhi.’ Amare inyu ˆmokayiköra kubha akööbhö e manyangara.”

Obhohunyurëru 18:13

Taanyi‑ho omooto o ghoghora omutarasiini, ne ebherongero, na akorose, na manemane hamu ebheneeso, koru adivaayi, na amaghuta gha kereero, no obhotu obhwero, na angano. Wiiki taanyi‑ho omooto o ghoghora changʼömbë, na changʼöndu, na chabharaasi, na chamontoka chino chekorutu na chabharaasi, na abhasësë, na koru eriimanya re bhaato.

1 Abhakorinto 11:16

Amare aribha omooto akwënda ghoshangʼaana ighoro e mangʼana ghayo, na amënyë kubha itu totaanyi na asughara ayende ghokera iyo, koru mo‑makanisa gha Ryobha teenyi‑ho asughara ayende.

1 Timotewo 4:7

Amare waange kimu amaghano gha kare ghano ghataanyi no obhwëra, amare wiköngʼi ghuköra ghano ghakwëndëru ambërë e Ryobha.

1 Timotewo 4:8

Nimënyuru kubha, “Kowuhöki omobhere ubhönë changuru nkoonyi no obhwëra bhosuuhu hangʼu. Amare, ghuköra ghano ghakwëndëru ambërë e Ryobha, nkoonyi no obhwëra mo‑ghoose, gho kubha ngoghotuha obhuhöru bho miishe ghyose bhuno Eryobha returaghiire, bhwi ibheere na bhuno bhokuucha.”