1 Timotewo 6:4 - Eriiraghano Eriihë

⁴ Bhayo mbiichwire obhwihachi, wiiki bhateeche ghyokyose. Abhaato bhayo mbahoomera erihakaana rino retaanyi no obhwëra ighoro e mangʼana amasuuhusuuhu. Amangʼana ghayo nigho ghakurëëta eriihari, no obhurööni, na amatoki, na amiihëëbhö amabhe,

1 Timotewo 6:4 Referans Kwoze

2 Timotewo 2:23

Otighe erihakaana re ghighëëghë rino retaanyi no obhwëra, gho kubha weeche erihakaana, ndehaarëëta eriihë.

2 Timotewo 3:4

Mbaakubha abhiigharori, na bharaköra bhwango amangʼana ghano ghataanyi no obhwëra, na mbaakubha bhariihacha. Mbaakubha bharasiigha amiigha gha se, ghokera koresiigha Eryobha.

1 Timotewo 3:6

Wiiki, atabha omooto uno atooriibhu ghano matiko, ataacha kwihacha. Kwihacha kuyo ngokomuköra ateneru ekiina kinya Erishambu ꞉reeteniiru ekiina.

Yuuta 1:10

Amare abhaato bhayo mbaghotoka kino bhatakyeche. Wiiki amangʼana ghano bhagheeche gho ghwitëghëërëra koobho kinya chatyenyi chino chetaanyi no obhongo, ghayo nigho ghakobhasireekereri.

2 Bheetero 2:12

Amare abhaato bhayo mbaghotoka kino bhateeche. Mbatuubhiine na chatyenyi chino chetaanyi no obhumënyi na chino cheghukangatu na amiigha gha mebhere. Nchekwibhoru, kubha chighöötu na ghosinchu! Hangʼu nibhu bhaghosireekerera, abheeghi bhayo bha bhuröngö.

2 Timotewo 2:14

Obhahiiti abhakumi amangʼana ghayo, na kobhashaangʼi ambërë e Ryobha, bhatighe kuhakaana ighoro e mangʼana amasuuhusuuhu. Okuhakaana kuyo ghotaanyi no obhwëra, amare ngoghusari bhano bhakobhatëghëërëra.

Yuuta 1:16

Abhaato bhayo mbahiingʼunyerangʼunyera na kwirereeri, bharatambana amiigha ghaabho amabhe. Mbiihachi chwee, na mbahaasiikëra amangʼana gha ghuchömëri abhaato gho ghiri e kwibhönëra obhwëra.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

1 Timotewo 1:7

Mbakwënda kubha abheeghi bha meghiro, nangabha ghano bhaghosiikëra na ghokumereri, bhatagheeche.

1 Timotewo 1:4

Obhashaangʼi bhatighe ghotereera amaghano gha kare ghano ghataanyi no obhwëra bhobhoose, na kwinyaaki gho kwarura amariina gha bhasookoro ghano ghataanyi ne ekirëngërë. Amangʼana ghayo ghoose ngaghughëri obhushangʼaani obhwene, ghataaghusakeri abhaato korekumi Eryobha. Na korekumi Eryobha niyo anchëra yaache e kobhatingori abhaato.

Yakobho 1:19

Abhahiiri bhaane abhasiighani, muntëghëërërë bhoheene! Omooto woose abhe mwango o ghutëghëërëra, amare atabha mwango o ghosiikëra hamu ghukarara,

Tiito 3:9

Amare, wisache ne erihakaana re ghighëëghë, na kwarura amariina na amangʼana gha bhasookoro, na koreghesa ne erihakaana ighoro e meghiro ghe Musa. Ghayo ghoose ghataanyi no obhwëra bhobhoose.

Amaköri gha Bhatomu 15:2

Amangʼana ghayo ghaghaghëri Bhawuro na Bharinaabha bhaghasëëma kuhakaana na abhaato bhayo chwee. Antenero, abhaato bha riikanisa re hayo Antiyokiya bhaghiishererani kubha, abhamu ghate yaabho bhaghi Yerusareemu haghirohamu na Bhawuro na Bharinaabha, gho ghiri e ghusabha amëërëkërëri kwo bhatomu bha Yesu na abhagharuka bha riikanisa ighoro e mangʼana ghayo.

Obhohunyurëru 3:17

Mokobhugha kubha, “Itu m‑bhaame toonyi. Ntwiyaamihiri chwee. Ntoonyi na kira gheghiro, totaaghosuuheru koru hasuuhu!” Amare moteeche kubha inyu m‑bhatöbhu moonyi, murëngʼaaniire korigheru changori, na m‑bhahabhe moonyi, na m‑bhahuku moonyi, wiiki n‑kingʼaabhi moonyi.

2 Abhatesaronike 2:4

Iwe naakubha araanga egheghiro ghyokyose kino ghekobherekeru Eryobha, hande kino gheghusëngëru, na ghwitoora ighoro e bhyose. Iwe naaghuye na ghusöha Mwisëngërö re Ryobha na ghwikara‑mu na kwibherekera kubha iwe n‑Eryobha.

Abhakorosaayi 2:18

Motatëghëërëra omooto wowoose uno akwiyëërëki gho nche kubha m‑munyööhu no omusëngëri o bhamarayika. Omooto kinya uyo atabhahöka atuho yaanyu e miishe ghyose. Uyo naghwitoora mo‑marighi ghaache, wiiki akiiraghaani kwo miihëëbhö ghaache gha simoka e masari.

Abhabhiribhi 2:14

Amangʼana ghoose ghano moghuköra, moghakörë motaanyi ne erihakaana koru kwirereeri.

Abhabhiribhi 2:3

Motaköra angʼana yoyoose gho körö e kuhakaana koru gho kwihacha. Amare mubhe no obhunyööhu na kobhabhara abhande kubha ngʼoni ghokera inyu bheene.

Abhabhiribhi 1:15

M‑mahëënë kubha, mbaanyi‑ho abhande bhano bhakuraghani Angʼana e Kirisito kwo riihari na kwo mareghe. Koru hangʼu, mbaanyi‑ho abhande bhano bhakuraghani kwo mukörö muchömu.

Abhagharatiya 6:3

Mbe, omooto wowoose uno akwirighi kubha no obhwëra ghokera bhaghëndi bhaache, uyo taanyi no obhwëra bhobhoose, nakwingʼiina.

Abhagharatiya 5:26

Totiihacha bhoowa, totanaahana koru korigherani eriihari.

Abhagharatiya 5:15

Amare aribha mokoromana na kwiyire kinya chatyenyi, mwikabhaahe kubha motaacha ghwisireekereri.

2 Abhakorinto 11:20

Moghoghumereri koru omooto uno akobhatoora mo‑bhusësë, na kobhiibhera na kobhahöka ebheghiro bheenyu, wiiki uno akobhataraaha na kobhatëma mo‑bhosho.

1 Abhakorinto 11:18

Nyoghwire kubha, hano moghwikomana kinya eriikanisa, motaanyi no obhoghwani ghate yaanyu. Na neeni neghokumi hasuuhu kubha, hangʼu keenyi.

1 Abhakorinto 11:16

Amare aribha omooto akwënda ghoshangʼaana ighoro e mangʼana ghayo, na amënyë kubha itu totaanyi na asughara ayende ghokera iyo, koru mo‑makanisa gha Ryobha teenyi‑ho asughara ayende.

1 Abhakorinto 3:18

Omooto wowoose ghate yaanyu atingʼiina kubha naanyi na amangʼiini. Aribha omooto akwirighi kubha naanyi na amangʼiini mo‑se ino, ngʼoni abhe muraghaanu kubha abhönë amangʼiini gha hëënë.

1 Abhakorinto 3:3

gho kubha mokeere morakangatu na simoka yaanyu e masari. Kana, aribha ghate yaanyu ndeenyi‑ho eriihari ne eriihë, ghayo ghataakwërëki kubha mokeere morakangatu na amangʼana gha se na kumanya kinya abhaato bha mo‑se?

Abharuumi 14:1

Momughënëhi omokumi mughëndi waanyu uno ataamara aköngʼëri mo‑bhokumi bhooche. Motahakaana nawe ighoro e miihëëbhö ghaache gharaanga koghwana na ghaghaanyu.

Abharuumi 13:13

Tubhe na atëëmö inchömu kinya abhaato bhano bhamanyiri mo‑bhwero. Totabha abhaato bhano bhaghuköra chanyangi che kehobhaaru no obhurëëbhi. Totaköra obhutaari bho manga ghoghoose ghaare, koru ghuköra amangʼana gha chaasoni. Totabha abharööni, hamu kubha ne eriihari.

Abharuumi 12:16

Mwikare haghirohamu kwo mukörö umu. Motabha moriihacha, amare mwinyööhi, mubhe no obhughöötani na abhaato bha haase. Motiirighi kubha niinyu abheene moonyi na amangʼiini.

Abharuumi 2:8

Amare ndekobhakararera na kobharööna abhaato bhano bhakwanga obhuhëënë na ghuköra amabhe, gho kurëngʼaana no obhusööhu bhoobho.

Amaköri gha Bhatomu 18:15

Mbe, gho kubha mokuhakaana kwo mangʼana hangʼu, na kwo mariina, na kwo meghiro gheenyu, moghamare inyu bheene. Eni nteekwënda kubha omoteni o kiina o mangʼana ghano.”

Amaköri gha Bhatomu 8:9

Mo‑moghya uyo o Samaariya, naare‑ho omooto umu omoturutumbi, eriina reeche Simiyooni. Kwo riibhagha irë naare abharoghooriri chwee abhaato bha mo‑moghya uyo, gho ghuköra ebheroghooro. Wiiki akabha ariihacha kubha iwe m‑mooto mokoro chwee.